Баштапкы таҥмалу посттыҥ ачылтазы

03.09.2020

Горно-Алтайсктагы баштапкы таҥмалу посттыҥ — кӱндӱлӱ каруул службаныҥ штабыныҥ сыгын айдыҥ 3-чи кӱнинде ӧткӧн ачылтазында АР-дыҥ башчызы Олег Хорохордин турушкан.Бу кӧдӱриҥи Экинчи телекейлик јуу тӱгенгениниҥ 75 јылдыгына учурлалган.

Пост Москвада ады-јолы јарт эмес солдаттыҥ мӧҥкӱзиниҥ јанында Эземниҥ вахтазын ӧткӱрип турган кремлевский курсанттардыҥ Кӱндӱлӱ каруулы аайынча тӧзӧлгӧн. Мында Эземниҥ вахталары ӧткӱрилер, черӱчил-тӧрӧлчи клубтардыҥ туружаачылары стройло базарыныҥ белетенижин ӧдӧр, Ада-Тӧрӧл учун Улу јууныҥ, Туулу Алтайдыҥ Геройлорыныҥ тӱӱкизин ӱренер. Анайда ок экскурсиялар ӧткӱрилер, музей тӧзӧлӧр.

Тергеениҥ башчызыныҥ айтканыла, черӱчил-тӧрӧлчи кыймыгуныҥ туружаачыларынаҥ бу объектти тудары јанынаҥ баштанулары канча јылдардыҥ туркунына болгон, је объектке керектӱ акча-манатты јӱк ле быјыл тапкандар. Иштер кыска ӧйдиҥ туркунына чыҥдый бӱткен. Эмди јашӧскӱримди ӱредерине, вахтаны ӧткӱрерине керектӱ бастыра айалгалар тӧзӧлгӧн.

«Бис ол јуу-чакта бойыныҥ јӱрӱмин амыр-энчӱ учун берген геройлорды, солдаттарды ла офицерлерди эзедип јӱредис. Ада-ӧбӧкӧлӧрдиҥ айтканын чеберлеп, тӱӱкини булгаарын болдыртпай, ол ыраак кӱндерде болгон керектерди эске алып, бис ӧткӧн ӧйлӧрдиҥ јастыралары база катап болбозын кичеерис. Андый тӱӱкилик јастырыштар миллиондор тоолу улустыҥ јӱрӱмин ӱскен. Бойын, су-кадыгын ла јӱрӱмин бир де кысканбай, јуу-чактыҥ божоорын јууктаткан бастыра улуска быйанду јӱредис ле олорго јабыс бажырадыс» — деп, Олег Хорохордин айткан.

АР-дыҥ Эл Курултайыныҥ спикери Владимир Тюлентин бу тӱӱкилик керекле колбой база куучын айткан. Посттыҥ ачылтазыла јуулган улусты тергеениҥ черӱчил комиссары Олег Денисенко уткыган. Каланыҥ администрациязыныҥ јааны Ольга Сафронова 1977 јылда мында Мактыҥ мемориалы тӧзӧлип јадарда, 1-кы таҥмалу пост болоры темдектелген болгон деген. Је ол узак иштебеген. Эмди јаҥы ачылган пост каланыҥ черӱчил-тӧрӧлчи кыймыгузыныҥ тӧс јери болор деп айтты.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина