Улу Jеҥÿниҥ алтай кÿÿзи Владивостокто jайылды

07.09.2020

Ат-нерелÿ Владивосток калада «Jеҥÿниҥ салюды» деп Бастыроссиялык фестиваль сыгын айдыҥ тöртинчи кÿнинеҥ ала алтынчы кÿнине jетире ӧйдиҥ туркунына бийик кеминде öтти.

Улу Jеҥÿниҥ 75 jылдыгына учурлалган бу фестиваль ороонныҥ кöп тоолу артисттерин jууган. Алтай Республиканыҥ адынаҥ Кан-Оозы аймактыҥ jарлу «Кан-Ойрот» öмöлигиниҥ артисттери Jергелей Маташева, Влад Санашев, Вадим Дугашев, Мадий Калкин бийик кеминде туруштылар.

Кожоҥчылар фестивальдыҥ ээжизи аайынча ÿч кожоҥ кожоҥдогон: «Ӱргӱлјик полк», «Беш Меркит» ле алтай кай кайладылар. Кöрööчилер бистиҥ артисттерди изÿ колчабыжула уткыгандар. Жюри-камыс кожоҥчылардыҥ бийик профессионал узын, ойногон клипти бийик баалап, кийген кеп-кийиминиҥ сÿрлÿзин аҥылап темдектеген. Фестивальдыҥ öйинде кöп тоолу улус бистиҥ артисттерле таныжып, уткып, кожоҥдордыҥ сÿрлÿзин, алтай кÿÿниҥ кееркемjилÿзин кайкагандар. Алтайдыҥ туружаачыларыла кожо фотоjурукка да тÿжерге кÿÿнзегендер ас эмес болды.

Фестиваль тÿгенер кÿн гала-концертте фестивальдыҥ эҥ артык туружаачылары кожоҥдодылар, олордыҥ тоозында – бистиҥ артисттер «Ӱргӱлјик полк» деп кожоҥды акту кÿÿнинеҥ кожоҥдодылар. Туружаачыларды кайралдаар öйдö «Кан-Ойрот» öмöлик эки дипломло кайралдаткан.

Кан-Оозы аймактагы ЦКС-тыҥ jааны Александра Кокушева «Кан-Ойрот» öмöликле кожо бу jол-jорыкка барып келди. Александра Еченовнаныҥ темдектегениле, фестиваль бийик кеминде öткӧн. Бистиҥ туружаачылардыҥ ойынын кÿÿле кееркеткен кижи — оператор Айдель Таджибаев. Кожоҥчылар ыраак jол-jорыкка барарга акча-манатла болушкан Кан-Оозы аймактыҥ јааны Э. А. Ялбаковко быйанын jетиредилер. Мынайып, Улу Jеҥÿ Владивосток калада алтай кÿÿле уткылды, байрамныҥ сÿрлÿ салюды теҥериде jÿзÿн отло jызырай берди.

«Jеҥÿниҥ салюды» деп Бастырароссиялык фестиваль öдöри jаҥжыгу боло берди. Фестивальдыҥ камызында культураныҥ ла кеендиктиҥ ады-јолы jарлу улузы, педагогторы киредилер. Фестивальдыҥ тöс амадузы – ороонныҥ Ада-Тöрöл учун Улу jууда турушкан ончо jуучылдарыныҥ ат-нерезиниҥ, орооныстыҥ байлык тÿÿкизиниҥ учурын чеберлеп бийиктедери.

А. ТАЙТОВА

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.