Ийинде интернатту школ тудулар

10.09.2020

Алтай Республиканыҥ башчызы Олег Хорохордин Оҥдой аймакла јол-јорыкта болуп, ӱредӱликтиҥ тудулып турган ла ремонттолгон объекттерин шиҥжӱлеген.

Олег Хорохордин Ийин јуртта тудулып турган 143 ӱренчик јӱрер школды ла 40 јерлӱ интернатты кӧргӧн. Россияныҥ јер силкинер чочыдулу јерлеринде объекттерди быжулаар программа аайынча быјыл федерал бюджеттеҥ 17,6 млн салковой чыгарылган.

«Бу объектти бир канча бӧлӱктей туткандар, озо школдыҥ туразы тудулган, оноҥ – спортзал, пищеблок ло интернат. Быјыл ӧзӱмниҥ таҥынаҥ программазыла иштерди тӱгезерине 20 млн салковойдоҥ кӧп акча чыгарылган, кыштыҥ башталарына јетире объект бӱткӱлинче белен болор» – деп, Олег Хорохордин айткан.

Тергеениҥ башчызы Кеҥиде 145 бала ӱренип турган школды база кӧргӧн. Быјыл «Ӱредӱлик» нацӱлекердиҥ «Кажы ла баланыҥ једими» деп программазыла мындагы спортзалда капитальный ремонт болгон. Изӱ курсакла азыраарын тӧзӧӧр программала пищеблокто капитальный ремонт болгон, технологиялык јепселдер алылган. Школдыҥ туразында ремонт база эдилген.

«Пищеблокты ремонттооры ол тоодо Россияныҥ Президенти Владимир Путинниҥ баштамы класстардыҥ ӱренчиктерин изӱ курсакла јеткилдеери керегинде јакылтазын бӱдӱрерге база керектӱ болгон» – деп, республиканыҥ башкараачызы темдектеген.

Онойдо ок нацӱлекер аайынча быјыл «Ӧзӱмниҥ точказы» ачылган, оныҥ шылтузында балдар јаҥы технологияларды тузаланып ӱренер аргалу болгон. Школго интерактивный комплекс, 3D-принтер, виртуальной реальностьтыҥ шлемдери, квадрокоптер, баштамы болуш јетирерин ӱренерге тренажер-манекендер ле кӧп ӧскӧзи де алынган.

«Быјыл ӱредӱликтиҥ цифровой ло гуманитарный профильду «Ӧзӱмниҥ точказы» республиканыҥ 42 школында ачылар, јурттарда 19 школдо олор бир јыл кайра тӧзӧлгӧн. Онойдо ок 100-теҥ ажыра школ нацӱлекер аайынча јаҥы цифровой јепсел-дер алган ла бу иш улалат. Балдар јуртыныҥ ыраагынаҥ камааны јогынаҥ јарамыкту айалгада ӱренер аргалу болзын деп, ончозы эдилет» – деп, Олег Хорохордин айткан.

Аймактыҥ тӧс јуртында «Демография» национальный ӱлекерле 125 бала, 60-ны ясельный группаныҥ балдары, јӱрер садикти тудары ӧдӧт. Планла объект быјыл табыштырылар учурлу. Ӱлекери экспертизага база катап табыштырылган. Тергеениҥ башкараачызы тудум иштердиҥ ӧдӱжин кӧргӧн, подрядчиктиҥ бӱдӱмјилегениле, иштер ӧйинде эдилип калар.

Башчы јол-јорыкта аймактыҥ јашӧскӱримиле база тушташкан. Туштажуда бодибилдингле, фитнесле тазыктыраачы, блогер Сухроб Анатпаев, программист ле блогер Ижен Киндиков, онойдо ок «Быйанду» фолькор ансамбльдыҥ туружаачызы Айнагуль Чедушева турушкан.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина