Оҥдойдо јаҥы кӱрдиҥ ачылтазы ӧтти

10.09.2020

Горно-Алтайсктагы баштапкы таҥмалу посттыҥ — кӱндӱлӱ каруул службаныҥ штабыныҥ сыгын айдыҥ 3-чи кӱнинде ӧткӧн ачылтазында АР-дыҥ башчызы Олег Хорохордин турушкан.

«Эски кӱр 2018 јылдыҥ тулаан айында суу јайыларда јемирилген. Је кӱр эл-јонныҥ јӱрӱмине тыҥ керектӱ болгон. Кӱр Оҥдойдыҥ эки бӧлӱгин бириктирет, ол јемирилип каларда, улуска јурттыҥ тӧс јерине једерге, јети километр артык јол ӧдӧргӧ келишкен. Кӱр јуртка сӱреен керектӱ болгоны јарт» – деп, Олег Хорохордин ачылтада айткан.

Эл-јон ӧткӧн јылда республиканыҥ башкараачызына јаҥы кӱрди тӱрген тудары керегинде суракла баштангандар. РФ-тыҥ транспорт аайынча министерствозына ла Росавтојолго баштанган кийнинде тергееге бу кӱрди тударына 142 млн салковойдоҥ кӧп акча чыгарылган.

55 погонный метрдеҥ узун ла ого јууктаар бир километр јолду кӱрди былтыр сыгын айда тудуп баштагандар. Иштерди тӱгезери келер јылдыҥ кочкор айыныҥ учына пландалган болгон.

«Мен строительдерге кӱрди ӧйинеҥ озо туткандары ла ишти чыҥдый бӱдӱргендери учун быйан айдадым. Ол бӱткӱлинче белен ле ишке табыштырылган. Ончогорды кӱрдиҥ ачылтазыла уткуп турум. Ол узак јылдарга турзын» – деп, республиканыҥ башкараачызы кӱӱнзеген.

Ачылтада «Альянс» деп кирелендирилген каруулу обществоныҥ ишчилери: болушту производствоныҥ мастери Вячеслав Бердышев ле бульдозердиҥ 5-чи разрядту машинизи Виктор Волошин республиканыҥ строительствозыныҥ ӧзӱмине таҥынаҥ јӧмӧлтӧзи учун ла Урсул сууны кечире кӱрдиҥ ачылтазыла колбой, Алтай Республиканыҥ башчызыныҥ, Алтай Республиканыҥ башкарузыныҥ председателиниҥ Быйанду самаразыла кайралдаткан.

Балдардыҥ кеендик школыныҥ ӱренчиктери ле албатыныҥ «Ветеран» хоры кӱрдиҥ јанында јаан эмес концерт кӧргӱскендер. Ачылган кӱр кечире эҥ озо строительдердиҥ КамАЗ-тары ӧткӧн. Оноҥ ончо кӱӱнзеген улус кӱрле кечкендер.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым