Ээжилерди бӱдӱрбезеес, ооруны јеҥип болбозыс!

23.09.2020

Роспотребшиҥжӱниҥ Алтай Республика аайынча башкартузыныҥ ишчилери полицияныҥ ла Горно-Алтайсктыҥ администрациязыныҥ каланыҥ тӱнде иштеер клубтарыла, барларыла ӧткӱрген рейдинде турушкан.

Роспотребшиҥжӱниҥ специалисттери рейд тушта јондык ашканаларда эпидемияга удурлажарыныҥ ээжилериниҥ бӱдӱп турганын шиҥжӱлеген. Олордыҥ башкараачылары ижин баштаардаҥ озо Роспотребшиҥжӱге коронавирустыҥ кату айалгазында канайда иштеериниҥ планын табыштыргандар, ондо јеткилдештерди јеткери јок ӧткӱрери бичилген.
«Трешка», «Пивной дом», «Рим», «Бухта» деп барларда, сыра садар јерлерде иштиҥ јарадылган пландары чек бӱтпей турганы јарталган. Тӱн ортозынаҥ ала залдарда толо улус, улус ортодо дистанция тудулбайт, ишчилердиҥ ле клиенттердиҥ эди-каныныҥ температуразы кемјилбейт, кыптарды арутаганыныҥ журналдары, ишчилериниҥ кезигинде санкнижкалар, бармендерде иштеерине јараду јок.

Профилактикалык рейд ӧйинде бузуштар эткендерге административный бузуштардыҥ протоколдоры тургузылган. Бузуштарды јоголторы аҥылу шиҥжӱге тургузылган. Такыптаҥ бузуштар эдилгенде, объекттердиҥ ижин токтодоры аайынча иш ӧткӱрилер.

Кӱндӱлӱ аргачылар! Ижигерди токтотырбаска, аргачылыгардыҥ ижин тӧзӧӧрдӧ эпидемияга удурлажарыныҥ ээжилерин буспаска чырмайыгар. Оноҥ улустыҥ, ишчилердиҥ, онойдо ок слердиҥ аргачылыгардыҥ кирелтези камаандузын ундыбагар!

Роспотребшиҥжӱниҥ специалисттериле коронавирустыҥ инфекциязынаҥ коруланарыныҥ ээжилерин мындый телефондорло билип алыгар: (38822) 6-43-78, (38822) 6-43-84.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина