«Ӱйелердиҥ эстафетазыныҥ» туружаачыларыла туштажу

23.09.2020

Алтай Республиканыҥ башчызы Олег Хорохордин Экинчи телекейлик јуу божогоныныҥ 75 јылдыгына учурлалган «Ӱйелердиҥ эстафетазы» деген текшироссиялык форумныҥ туружаачыларыла тушташкан.

Форум Хабаровск калада ӧткӧн. Оныҥ ижинде Сибирьдиҥ ле Ыраак Кӱнчыгыштыҥ тергеелериниҥ делегациялары турушкан. Бистиҥ республиканыҥ адынаҥ черӱчил-тӧрӧлчи клубтардыҥ, јондык организациялардыҥ чыгартулу улузы ла студенттер туружып келген.

«Ӱйелердиҥ эстафетазы» деген текшироссиялык форумда турушканы — тӧрӧлчи кӱӱн-санаага таскадары јанынаҥ Россияда ӧткӱрилип турган кеми јаан иштиҥ бӧлӱги. Тӱӱкилик эземди чеберлеп алары — бастыра обществого, бистиҥ кажыбыска ла јаан учурлу керек» — деп, Олег Хорохордин айткан.

Тергеениҥ башчызы форумныҥ туружаачылары јерлештери, бойыныҥ тӧрӧӧн-туугандары ла јуук улузы керегинде эземди чеберлеп аларына таҥынаҥ камаанын јетирип турганын темдектеген. Мындый иш јаан тоомјыда болор керек деген.

«Бис слерге, слердиҥ эрчимигерге, кӱӱнигерге, тургузылган амадуларга једери јанынаҥ билгирлеригерге, ишке белен болгоныгарга иженедис. Бу бастыразы болорына бӱдедим. Форум тузалу ӧткӧнин чокым керектерди ле амадуларды ӧмӧ-јӧмӧ бӱдӱргени керелеер. Кандый ла сурактарды бӱдӱреринде эрчимдӱ туружарына тергеениҥ башкарузы белен» — деп, тергеениҥ башчызы айткан.

Форумныҥ туружаачылары кӧргӧн-укканын айткан. Башка-башка площадкаларда эки кӱнниҥ туркунына иштиҥ ӧйинде лекциялар, тренингтер, мастер-класстар болгон. Анайда ок документ аайлу фильмдер, башка-башка ветеран организациялардыҥ јайаандык ӱлекерлери кӧргӱзилген. «Устардыҥ калачагы», вокалисттердиҥ ле кычырыштардыҥ конкурстары болгон. Форум ӧскӧ тергеелердиҥ улузыла колбу тӧзӧӧр, текши ӱлекерлер јанынаҥ ишти шӱӱжер, балдардыҥ черӱчил-тӧрӧлчи таскамалы аайынча ченемелле таныжар арга берген.

«Вымпел» деген черӱчил-тӧрӧлчи бедиреер тӧс јердиҥ председатели Александр Филиппов јаш ӱйениҥ тӧрӧлчи таскамалы, клубтардыҥ ла кыймыгулардыҥ, бӱдӱреечи јаҥныҥ органдарыныҥ ӧмӧ-јӧмӧ ижи керегинде куучындаган болуптыр. Оныҥ айтканыла, форумныҥ туружаачылары бистиҥ тергееде бу ууламјылар јанынаҥ иш аайынча ченемелди бийик баалаган.

ФСБ-ныҥ пенсионери Владимир Панов форум ӧйинде јашӧскӱримле иште тузаланарына керектӱ элбек кемдӱ јетирӱлер эдилгенине ајару эткен. Алтай Республиканыҥ Јондык палатазыныҥ чыгартулу кижизи Артур Сабин Алтай Республикада черӱчил-тӧрӧлчи форум ӧткӱрери јанынаҥ шӱӱлте эткен.

Алтай Республиканыҥ ӱредӱ ле билим аайынча министри Ольга Саврасованыҥ темдектегениле, тургуза ӧйдӧ Алтай Республиканыҥ јеринде 52 черӱчил-тӧрӧлчи клубтар, кадеттердиҥ 43 клазы, юнармеецтердиҥ 23 отряды, 38 тӱӱкилик-краевед, ӱредӱлик, этнографиялык музейлер бар. Черӱчил-тӧрӧлчи клубтарга, кружокторго, биригӱлерге 4,8 муҥ ӱренчик јӱрӱп јат.

Ольга Саврасованыҥ айтканыла, тергееде Алтай Республиканыҥ черӱчил-тӧрӧлчи таскамал аайынча ассоциациязы тӧзӧлгӧн. Оныҥ ижи государственный структуралардыҥ, ӱредӱлик учреждениелердиҥ, јондык организациялардыҥ ла клубтардыҥ јаш ӱйениҥ черӱчил-тӧрӧлчи таскамалы аайынча ижин бириктирерине ууландырылган.

Министрдиҥ темдектегениле, ассоциацияныҥ ижи Россия Федерацияда тергеениҥ бастыра черӱчил-тӧрӧлчи кыймыгуларын бир площадкада бириктирери аайынча солун ченемел болуп јат.

Олег Хорохордин тергееде черӱчил-тӧрӧлчи кыймыгуныҥ чыгартулу улузыныҥ ижин бийик баалаган. Ол анайда ок тергееде черӱчил-тӧрӧлчи форум ӧткӱрер арга керегинде шӱӱлтени јӧмӧгӧн. Бу форум ӧткӧдий болзо, бистиҥ тергее бойыныҥ иш-ченемелин элбеде кӧргӱзер эди.

Алтай Республиканыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина