Ӧмӧ-јӧмӧ иштеериниҥ сурактары шӱӱжилген

23.09.2020

Алтай Республиканыҥ башчызы Олег Хорохордин ле «Газпромбанк» АО-ныҥ баштапкы вице-президенти Наталья Третьяк тергеениҥ башкарузында ӧткӧн јуун ӧйинде «Газпромбанк» ла Алтай Республиканыҥ башкарузы ортодо ӧмӧ-јӧмӧ иш јанынаҥ сурактарды шӱӱжип кӧргӧн.

«Калганчы јылдарда республикада тӧс капиталга инвестициялардыҥ кеми кӧптӧйт. Тергеениҥ башкарузы инвесторлордыҥ јилбӱлерин корыырына ууландырылган политика ӧткӱрет, инвестиционный ишти јӧмӧӧриниҥ тергеелик институды иштейт. Бис инвесторлорго јаҥы јаан ӱлекерлер кӧргӱзерине белен, бисте туризм, су-кадыкты корыыры, јурт ээлемниҥ продукциязыныҥ переработказы, биофармацевтика ла ӧскӧ дӧ бӧлӱктер аайынча келер ӧйдиҥ инвестициялык площадкалары бар» — деп, Олег Хорохордин айткан.

Оныҥ темдектегениле, Алтай Республиканыҥ башкарузы «Газпромбанкла» ӧмӧ-јӧмӧ иштеериле јилбиркейт ле компанияныҥ субъекттиҥ јеринде ижине јӧмӧлтӧ эдер.

Наталья Третьяктыҥ айтканыла, «Газпромбанк» база ӧмӧ-јӧмӧ иштеер кӱӱндӱ. Ол государственно-таҥынаҥ партнерствоныҥ механизмин тузаланар инвестӱлекерлерди бӱдӱргениниҥ туза-јандырузы керегинде куучындаган. Иштиҥ мындый эп-аргазы бӱгӱнги кӱнде јаан учурлу, темдектезе, јонјӱрӱмдик учурлу объекттерди, ол тоодо школдорды, балдардыҥ садтарын, инфраструктураныҥ объекттерин тударын-да.

Компанияныҥ вице-президенти анайда ок эмдиги ӧйдиҥ лизинговый схемаларын тузаланарына ајару эткен. Олорды коммунальный, пассажирский, јолдыҥ техниказы аайынча бӧлӱктердиҥ парктарын јаҥыртарында ла элбедеринде тузаланарга јараар.

Јуун ӧйинде АР-дыҥ экономиканыҥ ӧзӱми аайынча министри Вячеслав Тупикин тергеениҥ инвестиционный аргаларыла таныштырган. Темдектезе, ол республикада тургуза ӧйдӧ туризмниҥ ле јурт ээлемниҥ бӧлӱгинде иштеп турган эҥ јаан инвестӱлекер керегинде јетирӱ эткен. Оныҥ јетирӱзиле, 2019 јылдыҥ уч-турулталарыла болзо, тӧс капиталга инвестициялардыҥ кеми 21,6 млрд салковой болгон. Инвестициялардыҥ тӧс ууламјылары — культураныҥ, амыраштыҥ ла спорттыҥ, электроэнергетиканыҥ, общепиттиҥ, транспорттыҥ объекттери.

Тӧс капиталга инвестициялардыҥ аргаларыныҥ структуразында артыктайт: таҥынаҥ инвестициялар — 82 процент, федерал бюджеттиҥ акчазыныҥ кеми 12,5 процент, тергеениҥ бюджединиҥ — 5,5 процент.

Алтай Республиканыҥ конкуренция јанынаҥ јарамыкту айалгалары деп, оныҥ геополитикалык ла трансграничный айалгалары, ар-бӱткенниҥ байлыктарыныҥ аргалары, байлык культурно-тӱӱкилик энчизи темдектелет.

«Газпромбанктыҥ» контракттардыҥ банковский ӱйдежӱзи аайынча департаментиниҥ государственный контракттарды ӱйдежери аайынча башкартузыныҥ јааны Кирилл Грачев Алтай Республиканыҥ государственный ла инвестиционный ӱлекерлериниҥ банковский ӱйдежӱзи керегинде куучындаган. Бу иштердиҥ тоозына акча-манатты адылу јеткилдеери, акча-манатты канайда чыгымдап турганын бастыра кеминде шиҥжӱде тудары, јӧптӧжӱлерди бӱдӱрериниҥ быжулаштары ла олордыҥ бааларыныҥ оптимизациязы кирет.

«Газпромбанктыҥ» директорыныҥ электронный площадкалар аайынча управляющийиниҥ ордынчызы Роман Чернов банктыҥ государственный ла муниципал закупкалар эдери јанынаҥ электронный саду площадкаларын тузаланып, Алтай Республиканыҥ керексиништерине керектӱ закупкаларды ӧткӱргедий аргалар керегинде куучындаган. Анайда ок национальный ӱлекерлерди бӱдӱрерге, платформаны тузалангадый арга јанынаҥ сурак шӱӱжилген.

Алтай крайда бизнестиҥ ӧзӱми аайынча директор — «Барнаульский» операционный офистиҥ јааны Алексей Миль «МИР» деген банковский картаны тузаланып, Алтай Республиканыҥ бюджетный учреждениелериниҥ ишчилерин јеткилдеери аайынча программала таныштырган. Оныҥ айтканыла, банктыҥ ишјал аайынча карталары акча тӧлӧтпӧзинеҥ јеткилделер, оноҥ акчаны кандый да комиссия јогынаҥ телекейдиҥ кандый ла банкомадынаҥ уштып алар арга бар. Андый картала нени де учун тӧлӧгӧнинеҥ кайра јандырылатан акчаныҥ кеми 1-10 процент.

Олег Хорохордин профильный министерстволордыҥ чыгартулу улузына банктыҥ јарамыкту шӱӱлтелерин лаптап шиҥдеп кӧрзин, мынаҥ ары ӧмӧ-јӧмӧ иштеери јанынаҥ јӧп чыгарзын деп јакылта берген.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина