Кызыл-Ӧзӧктӧ врачебный амбулатория ачылган

28.09.2020

Майма аймакта Кызыл-Ӧзӧктӧ сыгын айдыҥ 28-чи кӱнинде јаҥы јурт врачебный амбулатория ижин баштаган.

Бу амбулатория Кызыл-Ӧзӧктиҥ ле ого јуукташ јурттардыҥ текши тоозы 7 муҥнаҥ кӧп улузын јеткилдеер. Мында тӧрт терапевтический ле эки педиатрический участоктор бар. Эмчиликке келген улусла эки врач-педиатр, ӱч участковый терапевт, гинеколог, анайда ок текши практиканыҥ врачы иштейт.

Амбулаторияныҥ туразын 2018 јылдыҥ кӱзинде тудуп баштаган, тудум иштер 2020 јылдыҥ јазында тӱгенген болгон. Оныҥ кийнинде тураныҥ ичин јарандырары, мебельдер ле медицинаныҥ јазалдарын тургузары ӧткӧн. Медучреждение мынаҥ озо ӧйдӧ арендага алылган турада иштеген болгон.

Алтай Республикада албаты-јонды медициналык болуш јанынаҥ чыҥдый јеткилдеери аайынча чокым ууламјылу иштер ӧткӱрилет. Темдектезе, «Су-кадыкты корыыры» деген национальный ӱлекер аайынча 16 ФАП тудары быјыл планга кийдирилип калган. Ол фельдшерско-акушерский пункттардыҥ туралары тудулып, иштеп баштаза, медболуштыҥ чыҥдыйы билдирлӱ бийиктееринде алаҥзу јок.

Нацӱлекердиҥ шылтузында мынаҥ озо ӧйдӧ узак ӧйдиҥ туркунына тудулган объектти учына јетире тудары тӱгенген — балдардыҥ республикан эмчилигиниҥ хирургический корпузын. Мындагы тудум-монтажный иштер график аайынча ӧткӧн, план аайынча олор јаан изӱ айдыҥ 31-чи кӱнинде тӱгенер учурлу болгон. Мында инженерный коммуникациялар јанынаҥ иштер бӱдӱрери арткан. Је тургуза ӧйдӧ мында коронавирусла оорыган улусты эмдеер госпиталь иштеп турган, оныҥ да учун тудум иштер удурумга токтодылган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина