WorldFood Moscow 2020

02.10.2020

Сыгын айдыҥ 22-25 кӱндеринде ороонныҥ тӧс калазыныҥ албатылар ортодо «Крокус Экспо» выставочный тӧс јеринде телекейлик кемдӱ аш-курсактыҥ Россияда эҥ ле јаан «WorldFood Moscow 2020» деген кӱски кӧрӱзи ӧткӧн.

Кӧрӱде Россиядаҥ ла 65 ороонноҥ 1764 товар эдеечилер ле товар экелеечилер турушкан.

Алтай Республиканыҥ сырьевой эмес экспортын ӧскӱрер, инвестициялар экелер ле экспорт ууламјылу компанияларды албатылар ортодо рынокко чыгарар амадула «Алтай Республиканыҥ туризмниҥ ле аргачылыктыҥ ӧзӱми аайынча тӧс јериниҥ» экспортты јӧмӧӧр Тӧс јери тергеебистиҥ кичӱ ле орто аргачылыгына бу кӧрӱде туружар арга тӧзӧди.

Республиканыҥ кӧрӱ площадказында ӧмӧлик экспозиция белетелген. Оныҥ амадузы бойыныҥ продукциязын кӧргӱзери, конкурент болор аргаларын, товардыҥ албатылар ортодо садуда сурузын шиҥдеери, онойдо ок тергеениҥ экспортный аргаларын кӧргӱзери болды.

Алтай Республиканыҥ кӧрӱге тургузылган экспозициязыныҥ тӧс амадузы чыҥдыйы бийик, экологиялык ару, экспортко барар аргалу аш-курсак продукцияны кӧргӱзери болгон.

Кӧрӱде тергеебистеҥ турушкан компаниялар: «Ревитал», «Горы Алтая», «РИФ и Ко», «Эдиган», «Майма-Молоко» ТД» ООО-лор, «Алтай-Биопант» СППК.

Экспозицияда тергеениҥ оморкодузы болгон ло тыш рынокко ичкери чыгарылар аргалу предприятиелердиҥ продукциязы тургузылган. Ол — мӧштиҥ кузугы, ӧлӧҥ чайлар, биологиялык эрчимдӱ кожымактар, бальзамдар, пантогематоген, сырлар, мӧттӧр, адару ээлемниҥ продукциязы, косметикалык ла кондитерский эдимдер.

Алтай Республиканыҥ стенди тергеениҥ государстволык темдектериле, Россияныҥ экспортный тӧс јериниҥ ле экспортты јӧмӧӧр тӧс јердиҥ логотиптериле, алтай кулјаларла, албатыныҥ кееркедим узаныжыныҥ эдимдериле јарандырылган болгон.

Кӧрӱге Алтай Республиканыҥ башкарузыныҥ председателиниҥ ордынчызы, Алтай Республиканыҥ Москвада чыгартулу кижизи Ирина Лозовая келип јӱрген. Ол онойдо ок аш-курсак садуныҥ лидерлериниҥ форумыныҥ пленарный шӱӱжӱзинде доклад эткен.

Форумныҥ ижи кеминде аналитикалык, пленарный ла пич-сессияларда, кейс-конференцияларда Россияныҥ ла ӧскӧ ороондордыҥ аш-курсак товарларла иштеп турган чыгартулу улузы куучын ӧткӱрген.

Туулу Алтайдыҥ стендине Индия, Китай, Бангладеш, Молдова, Азербайджан, Эфиопия, Болгария, Вьетнам ороондордыҥ, албатылар ортодо тӧзӧлмӧлӧрдиҥ, Россияныҥ тергеелериниҥ, отраслевой биригӱлердиҥ, кӧрӱ компаниялардыҥ чыгартулу улузы келип јӱрди.

Бу ла кӧрӱниҥ кӱндеринде био-фармацевтикалык продукция аларга турган «Saleheen» (Бангладеш) компанияла јӧптӧжӱ тургузылган. «International Exhibition Management Company» компания республиканыҥ продукциязын африкан ороондордыҥ рыногына чыгарар иштер тӧзӧӧргӧ белен болгонын јетирди. Азербайджанныҥ чыгартулу улузыла аш-курсакка биокожымактарды ӧмӧ-јӧмӧ белетеп чыгарарга, био-фармацевтикалык сырьеныҥ экпортын эдер аргалар керегинде куучын ӧткӱрилди.

Алтай Республиканыҥ делегациязыныҥ «WorldFood Moscow 2020» кӧрӱде ижи тергеениҥ продукциязын кӧргӱзер, садуны элбедер јаҥы колбулар тудар, тӧс товар эдеечилердиҥ продукциязын кӧрӧр, ченемелиле ӱлежер ле аш-курсактыҥ рыногыныҥ јаҥыртуларыла таныжар јакшынак арга берди.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина