«Абилимпикс» конкурстыҥ тергеелик бӧлӱги ӧдӧр

05.10.2020

Су-кадыгыныҥ аргалары кирелӱ улуска учурлалган «Абилимпикс» конкурстардыҥ тергеелик бӧлӱгин ӧткӱрери аайынча тӧзӧмӧл комитеттиҥ јууны ӧтти.

Јуунды АР-дыҥ башкарузыныҥ председателиниҥ ордынчызыныҥ молјуларын бӱдӱреечи Динара Култуева ӧткӱрген. Сурактарды шӱӱжеринде ӱредӱ ле билим аайынча тергеелик министерствоныҥ, иш, јонјӱрӱмдик ӧзӱм ле эл-јонды ишле јеткилдеери аайынча министерствоныҥ, Роспотребшиҥжӱниҥ Алтай Республика аайынча башкартузыныҥ чыгартулу улузы, профессионал ла ӱредӱлик организациялардыҥ башкараачылары турушкан.

Динара Култуеваныҥ айтканыла, профессионал устыҥ «Абилимпикс» конкурсыныҥ тӱӱкизи бистиҥ тергееде једимдӱ улалып барып јат. «Тӧрт јылдыҥ туркунына туружаачыларыныҥ тоозы ӱч катапка кӧптӧгӧн. Былтыр Алтай Республикадаҥ туружаачы Национальный чемпионатта баштапкы јер алган, 2018 јылда — ӱчинчи јер. Онызы Алтай Республикага јаан једим, оны ычкынбас керек» — деп, ол айткан.

Оныҥ темдектегениле, маргыжулардыҥ тергеелик бӧлӱгин тӧзӧӧри ле ӧткӱрери јанынаҥ бастыра керек-јарактар Россия Федерацияныҥ ӱредӱлик аайынча министерствозыныҥ јӧптӧгӧн шӱӱлтелери ле санитарный некелтелер аайынча ӧдӧр. Кандый эп-аргаларды тузаланары јанынаҥ бир канча шӱӱлтелер бар, је олорды тергеелерде тузаланары-тузаланбазы јербойында санитарно-эпидемиологиялык айалга кандый болгонынаҥ камаанду деген.

«Абилимпиксти» ӧткӱрерин тӧзӧӧри јанынаҥ јетирӱни АР-дыҥ ӱредӱ ле билим аайынча министриниҥ ордынчызы Александр Сыркашев эткен. Оныҥ темдектегениле, бу конкурсты ӧткӱрериниҥ амадузы су-кадыгыныҥ аргалары кирелӱ улустыҥ профессионал ӱредӱге профууламјызы јарамыкту уч-турулталарлу болорын јеткилдеери аайынча конкурсный система тӧзӧӧри, андый улусты ишле јеткилдеерине јӧмӧлтӧ эдери. Чемпионаттыҥ туружаачылары — профессионал ӱредӱлик организацияларда ӱренип турган ӱренеечилер, 65 јашка јетире специалисттер. Конкурсты Горно-Алтайсктагы М. З. Гнездиловтыҥ адыла адалган государственный политехнический колледжте, педколледжте ле балдардыҥ «Кванториум» технопаркында ӧткӱрери темдектелет.

Чемпионаттыҥ программазында профессионал компетенциялар аайынча маргыжу бӧлӱк, деловой деген ойындар, тегерик столдор, семинарлар, кӧрӱлер, мастер-класстар, профууламјылу программалар тӧзӧӧри болор. Анайда ок 11 компетенция чокымдалган — кийим кӧктӧӧчи, массажист, фотограф-репортер, робототехника, ийнеликтерле тӱӱнери ле о. ӧ.

Коронавирусный инфекция таркап турганынаҥ ла бийик кеминде белен болорыныҥ айалгаларынаҥ улам конкурсты очно-дистанционный бӱдӱмле ӧткӱрзин деген шӱӱлте бар.

Јуунныҥ туружаачылары конкурсты качан ӧткӱрерин чокымдаган, озолондыра темдектелгениле, ол 2020 јылдыҥ кӱчӱрген айыныҥ 12-13 кӱндеринде ӧдӧр. Ондо туружарына угузу бичиктерди алары бу ла кӱндерде јарлалар.

«Абилимпикстиҥ» тергеелик бӧлӱги-ниҥ јеҥӱчилдери оныҥ Национальный чемпионадында туружар, ол база очно-дистанционный бӱдӱмле ӧдӧр.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым