Бӧлӱкти башкарарында јаҥыртулар башталат

05.10.2020

Ороонныҥ агашла иштеер бӧлӱгинде башкарарыныҥ системазын јаҥыртары башталып јат. Ол керегинде государствоныҥ башчызы Владимир Путин бу бӧлӱктиҥ курч сурактарына учурлалган онлайн-јуунда угускан. Бистиҥ ороондо агашты јасакты бузуп кезериле узактаҥ бери тартыжу ӧдӧт.

Президенттиҥ шӱӱлтезиле, мында турулталары јаан ла јаҥы иштер ӧткӱрер керек. Владимир Путин каршулу керекке кандый да јол бербеске, агашты кезеринеҥ ала продукция эдип чыгарарына јетире – ончо ишти ачык эдерин некеген. Ондый болзын деп чотко аларыныҥ бирлик системазы тӧзӧлӧр учурлу. «Онызы кандый да ӧткӱштерди, боро схемаларды јоголтор, агаштыҥ аргачылыгында каршулу керектердеҥ айрылар арга берер. Оныла коштой ак-чек компаниялардыҥ ла предприятиелердиҥ ижин алдындазынаҥ эптӱ эдер. Агашты ла оныла иштеерин чотко аларыныҥ системазыныҥ пилотный ээжиле иштеери келер јылдыҥ чаган айыныҥ 1-кы кӱнинеҥ ала башталар учурлу, јаан изӱ айдыҥ 1-кы кӱнинеҥ ала ол кыйалтазы јоктоҥ иштеер учурлу» — деп, государствоныҥ башчызы угускан.

Агаш ээлемниҥ сурагын парламенттиҥ Ӱстиги палатазыныҥ спикери Валентина Матвиенко јаҥыс катап эмес кӧдӱрген. Ол ӧткӧн јылдыҥ бажында Росагашээлемниҥ башкартузын оныҥ иштеген сегис јылыныҥ туркунына агаш бӧлӱкте бузуштардыҥ курч сурагыныҥ аайына чыкпаганы учун кезем критикага кийдирген. Оныҥ айтканыла, ороондо чын ла куурмакту аргачылык тӧзӧлгӧн. Агаштыҥ кодексинде кубулталардыҥ турултазында лесниктердиҥ тоозы сезимдӱ астаган ла бистиҥ агаш ээлемис корузы јок арткан деп, СФ-ныҥ спикери чотойт. Бӧлӱктиҥ курч сурактары Санкт-Петербургта сыгын айдыҥ 29-30 кӱндеринде ӧткӧн калыктар ортодогы агашпромышленный XXII форумда база шӱӱжилген. Оныҥ ижинде Алтай Республиканыҥ государственный јасакчы јаҥыныҥ Федерация Совединдеги чыгартулу кижизи Татьяна Гигель турушкан. Оныҥ айтканыла, бӱгӱнги кӱнде агаштыҥ бӧлӱгинде айалга ла агаштыҥ баазы керегинде толо ло чын јетирӱ бисте јок. Онойдо ок агашка једери сӱреен кӱч, нениҥ учун дезе, агаш аразында јолдор јазалбай јат. «Биске агаш аразында транспорттыҥ инфраструктуразын тудары ла иштедери керегинде јасактарды јарандырар керек. Јолдорды тударын государствоныҥ ла таҥынаҥ партнерствоныҥ ээжизиле бюджеттиҥ ле бюджетте эмес аргаларла софинансировать эдериле иштеер керек» — деп, Татьяна Гигель Санкт-Петербургта форумда айткан. Сенатор онойдо ок агаш бӧлӱктиҥ коомой технический айалгазына, оныҥ ас јеткилделгенине ајару эткен.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым