Пункттыҥ ижин шиҥдеген

05.10.2020

Тергеениҥ башчызы Олег Хорохордин ӱлӱрген айдыҥ 2-чи кӱнинде гражданский коруланыш аайынча бастырароссиялык тазыктыру ӧдӧр тушта Россияныҥ МЧС-ныҥ Алтай Республика аайынча башкартузыныҥ тартып јӱрер пунктыныҥ ижин шиҥдеген.

Бу пункт чочыдулу айалганы јоголтор зонада оперативный штабтыҥ ла таҥынаҥ составтыҥ автономный ижин ӧткӱрер аргалу. Ол јуундар, оперативный штабтыҥ ижин ӧткӱрерине керектӱ модульдардаҥ, јеткерге алдырткандарга экстренный психологический болуш јетирер кыптаҥ турат. Анайда ок комплектацияга катастрофалардыҥ медициназыныҥ тӧс јериниҥ аҥылу кӧлӱги, чочыдулу айалгалу зонада эл-јонныҥ амырын корыырына керектӱ полицияныҥ кӧлӱги, эл-јонго јетирӱ эдер мобильный комплекс кирет. Мобильный комплекс јетирӱни экранга видео ло текстовый јетирӱ ажыра берер аргалу, ол КамАЗ кӧлӱкте турат.

«Бу бӱткӱл автономный площадка. Керектӱ боло берзе, оны республиканыҥ кандый ла јерине тургузып ийер арга бар. Тазыктыру штатный режимде ӧдӧт. Бастыра ишчилерге каруулу ижи учун быйаным айдып, једимдӱ служба кӱӱнзейдим» – деп, Олег Хорохордин айткан.

Пункттыҥ ижиле, оныҥ конструкциязыныҥ аҥылуларыла тергеениҥ башчызын Россияныҥ МЧС-ныҥ Алтай Республика аайынча баш башкартузыныҥ јааны Андрей Бурлаков таныштырган. Ол чочыдулу айалганы јоголторында иштеп турган таҥынаҥ состав бойыныҥ ууламјылары аайынча ишти канча ла кире јарамыкту этире канайда ӧткӱрер аргалу болгоны керегинде куучындаган.

Гражданский коруланыш аайынча бастырароссиялык тазыктыру Россияныҥ бастыра тергеелеринде башталган. Тазыктыру темдектелгени аайынча бӱдӱреечи јаҥныҥ федерал органдарыла, тергеелердиҥ бӱдӱреечи јаҥыныҥ органдарыла, јербойында башкарынарыныҥ органдарыла, организацияларла кожо ӧткӱрилет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина