Јондык палатаныҥ турчыларыла туштажу

08.10.2020

Тергеениҥ башчызы Олег Хорохордин ӱлӱрген айдыҥ 6-чы кӱнинде Алтай Республиканыҥ Јондык палатазыныҥ бежинчи тудуузыныҥ турчыларыла јолукты.

Туштажуны ачып тура, тергеени башкараачы башкаруныҥ ла Јондык палатаныҥ ӧмӧ-јӧмӧ ижиниҥ учурлузын темдектеди.

«Слер јондыктыҥ сӧзин јетирип јадыгар, албатыга анчада ла јуук болуп, олордыҥ эҥ ле тыҥ керектегенин, амадуларын айдып јадыгар. Мен слерге бистиҥ турулталу ӧмӧ-јӧмӧ ижибис учун быйаным айдадым. Темдектезе, эл ӱлекерлерди бӱдӱрери аайынча пландарга јылдыҥ ла эл-јонныҥ кӱӱнземелдери кийдирилет» — деп, Олег Хорохордин айтты.

Алтай Республиканыҥ Јондык палатазыныҥ председателиниҥ молјуларын бӱдӱреечи Андрей Ищенконыҥ темдектегениле, бежинчи тудууныҥ турчыларыныҥ иштеген ӱч јылдыҥ туркунына кӧп једимдер болгон. Палатаныҥ тӧзӧлип јаткан јаҥы тудумы озодо алынган ченемелге тайанып иштеер деп, ол айтты. Чокымдап айтса, башка-башка ведомстволордыҥ јондык советтериле колбуны тыҥыдары, граждандардыҥ баштануларыла ишти эрчимдедери пландалат.

Россия Федерацияныҥ Јондык палатазыныҥ турчызы Татьяна Кончева тергеелик палатаныҥ турчылары ишмекчи јорыктар ӧйинде јонјӱрӱмдик учурлу тӧзӧлмӧлӧр, јолдор ло кӱрлер тудар ла чыныктаар каруулу ла јаан иштер ӧткӱрилип турганын бойыныҥ кӧзиле кӧргӧнин айтты.

«Анчада ла «Јеткер јок ло чыҥдый јолдор» деген эл ӱлекердиҥ бӱдип јатканын темдектеер кӱӱним бар. Экинчи јылга улай кӧп јолдор тудулып јаткан иштердиҥ кеми сӱрекей јаан. Башка-башка јерлерде иштерди бир уунда бӱдӱрип салар арга јок болгоны јарт, је иштер башталып калганы сӱӱндирет» – деп, ол чокумдады.

Јондык палатаныҥ ӱредӱлик, экология, культура ла СМИ аайынча комитединиҥ председатели Артур Сабин алтай тилге јилбиркедери аайынча иштердиҥ јакшы турулталары керегинде айтты. Темдектезе, эм тургуза алтай тилле баштапкы авторский «Ырысту» деген мультфильмниҥ премьеразы белетелет, бичиктер ле ӱренер бичиктер чыгарылат, бу иштер тергее башкараачыныҥ јакылтазыла тыҥыдылат.

Јондык палатаныҥ тӧрӧлчи таскамал, јашӧскӱрим политика ла спорт аайынча комитединиҥ председатели Александр Филиппов ӧмӧ-јӧмӧ иштиҥ шылтузында тергееде оныҥ ончо јуучыл-тӧрӧлчи клубтарын ла кыймыгуларын бириктирип турган Јуучыл-тӧрӧлчи таскамалдыҥ ассоциациязы тӧзӧлгӧнин темдектеди. Онойып бу ууламјыда ишти тӧзӧмӧлдӱ эдип, јаҥы кемине чыгарар арга табылды.

Алтай Республиканыҥ Јондык палатазыныҥ турчызы Борис Алушкин јон ло јаҥ ортодо колбуны тыҥытсын деп кычырды. «Бойымныҥ ченемелиме тайанып, тергеениҥ башкарузы кандый ла сурактарда бисти јӧмӧжип турган, бир де катап курч сурактарысла јаҥыскан артпаганысты айдадым» — деп, ол кошты.

Башчы Эл Курултайдыҥ јуунында депутаттар Јондык палатаныҥ алтынчы тудуузына тогус турчыны кӧстӧп салганын темдектеди. Ӱзеери тогус турчы Алтай Республиканыҥ башчызыныҥ, Алтай Республиканыҥ башкарузыныҥ председателиниҥ Јакааныла јӧптӧлгӧн:

АР-дыҥ јууныҥ, иштиҥ, Јуучыл-Ийделердиҥ ле тап-эрик корыыр органдардыҥ ветерандарыныҥ (пенсионерлериниҥ) тергеелик јондык биригӱзиниҥ председатели Борис Алушкин,

«Јеҥӱниҥ волонтерлоры» деп бастырароссиялык јондык биригӱниҥ тергеелик бӧлӱгиниҥ турчызы Денис Власенко,

РФ-тыҥ Јондык палатазыныҥ турчызы, «Россияныҥ јуучыл-тӱӱкилик биригӱзи» деп текшироссиялык јондык-государственный тӧзӧлмӧниҥ тергеелик бӧлӱгиниҥ турчызы Татьяна Кончева,

Јашӧскӱримниҥ «Россияныҥ студенттериниҥ отрядтары» деген текшироссиялык јондык тӧзӧлмӧниҥ Алтай республикан тергеелик бӧлӱгиниҥ турчызы Дмитрий Кобзев,

«Россияныҥ Журналисттер биригӱзиниҥ Алтай тергеелик бӧлӱги» тергеелик јондык тӧзӧлмӧниҥ турчызы Айсулу Кыйгасова,

«Единая Россияныҥ Јиит гвардиязия» деп бастырароссиялык јондык тӧзӧлмӧниҥ Алтай Республикадагы тергеелик бӧлӱгиниҥ турчызы Анна Пьянкова,

«Кенектердиҥ бастырароссиялык биригӱзи» деп текшироссиялык јондык тӧзӧлмӧниҥ Алтай республикан тӧзӧлмӧзиниҥ турчызы Людмила Рыспаева,

«Россиядагы балдардыҥ кӧмзӧзи» деп текшироссиялык јондык килемјилик тӧзӧлмӧниҥ Алтай республикан бӧлӱгиниҥ турчызы Артур Сабин,

«Динамо» деген бастырароссиялык физкультурно-спортивный биригӱ» деп јондык-государственный биригӱниҥ Алтай Республикадагы тергеелик бӧлӱгиниҥ турчызы Александр Филиппов.

База тогус кижини палатаныҥ јаҥы тудуузыныҥ турчылары тергеениҥ јондык биригӱлери берген кандидаттардыҥ тооломынаҥ талдаар.

Эрчимдӱ граждан кӧрӱми ле кӧп јылдарга јондык ижи учун Алтай Республиканыҥ башчызыныҥ, Алтай Республиканыҥ башкарузыныҥ председателиниҥ Быйанду самаралары АР-дыҥ Јондык палатазыныҥ бежинчи тудуузыныҥ турчылары Диилек Арбаковага, Ольга Новиковага ла Артур Сабинге табыштырылды.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина