Улу јурукчыга учурлалган арт-объект

09.10.2020

Јарлу алтай јурукчы Григорий Чорос-Гуркинниҥ чыкканынаҥ ала 150 јылдыгына учурлай Горно-Алтайскта 7-чи таҥмалу алтай школдыҥ туразыныҥ стенезинде јуралган «Возвращение мастера» деп адалган јурук-росписьтиҥ ачылтазы ӧткӧн.

Оныҥ авторы бистиҥ јерлежис, јарлу јурукчы Аржан Ютеев. Јайалталу јиит јурукчыныҥ бу јурукты јураары јанынаҥ баштаҥкайын Г. И. Чорос-Гуркинниҥ адыла адалган Јондык сыйдыҥ коммерциялык эмес «Оносский клуб — Оностогы кӱрее» деп фонды ла Алтай Республиканыҥ Албатылар најылыгыныҥ туразы јӧмӧгӧн. Тергеениҥ башчызы Олег Хорохординниҥ јӧмӧшкӧниле бу ӱлекер кыска ӧйдиҥ туркунына бӱткен.

—Бу ишти эмдиги ӧйдиҥ стрит-арт деген стиль-бӱдӱмиле бӱдӱрген, ол кажы ла ӱйеге јарт ла јилбилӱ, эҥ ле учурлузы — јашӧскӱримге. Бис јиит ӱйеге тӱӱкилик эземди улалтып апарарына берерге кичеенедис — деп, јуруктыҥ ачылтазында турушкан башчы айткан. Ол јуруктыҥ авторына ла бу баштаҥкайды јӧмӧгӧндӧрдиҥ бастыразына быйан айткан, анайда ок каланыҥ оромдорында ла оныҥ тураларыныҥ стенелеринде јарлу улуска, јаркынду тӱӱкилик керектерге учурлай соҥында ӧскӧ дӧ иштер болорына, олор Горно-Алтайсктыҥ визитный карточказы болуп каларына иженип турганын угускан.

Аржан Ютеевтиҥ темдектегениле, Чорос-Гуркинниҥ ого бу объектти јураарына ийде берген «Хан Алтай» деген јуругы Алтайдыҥ бастыра ийде-кӱчин керелейт. «Јурукчыныҥ шак ла алтай кеп-кийимин кийгениле јуралган портреди оныҥ учуры јаҥыс ла тергее ле россиялык эмес, је анайда ок телекейлик кеминде бийик болгонын керелейт» — деп, ол айткан.

Јурук акриловый будуктарла ӱч кӱнниҥ туркунына јуралган.

Јыл башталганынаҥ бери юбилейге учурлай бир канча керек-јарактар ӧткӱрилген — Г. И. Чорос-Гуркинниҥ Јондык сыйы табыштырылган, «Восхождение на Хан Алтай» спектакльдиҥ транслязиязы болгон, музейлерде ле библиотекаларда кӧрӱлер ӧткӧн.

Е. БУТУШЕВТИҤ фотојуругы

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом и.о. главного редактора АУ РА «Редакция газеты «Алтайдыҥ Чолмоны» от _____________ № Кудачина Э.В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир