Коронавирус: ада-энелерге кычыру

26.10.2020

Коронавирус југуш оору тыҥ таркап турганы темдектелген Горно-Алтайсктыҥ ла Алтай Республиканыҥ алты аймагыныҥ ӱренчиктери ӱлӱрген айдыҥ 26-чы кӱнинеҥ ала ӧйинеҥ озо эки неделеге каникулдарга барган.

Алтай Республиканыҥ башкарузыныҥ јакааны аайынча бу ӧйдӧ балдардыҥ кӧп улусту јерлерде болоры кирелендирилер учурлу.

Ӧйинеҥ озо каникулдар республиканыҥ тӧс калазыныҥ, анайда ок Кош-Агаш, Майма, Оҥдой, Улаган, Кӧксуу-Оозы, Шабалин аймактардыҥ ӱренчиктеринде башталган. Турачак, Кан-Оозы, Чамал ла Чой аймактардыҥ ӱренчиктери каникулдарга озолондыра темдектелгени аайынча барар.

Каникулдар ӧйинде ада-энелер балдарын кӧп улус јуулган јерлердӧӧн, ол тоодо кружокторго ло секцияларга аткарбас учурлу. Тургуза ӧйдӧ олордыҥ ижи дистанционный форматка кӧчкӧн болуп јат.

Бу ӧйдӧ балдар Интернеттиҥ ӱредӱлик ле јартамалду платформаларын тузаланып, билгирлерин бийиктедер аргалу. Темдектезе, Учи.ру сайтта акча тӧлӧбӧзинеҥ кӧрӧр «Учабрь — пора учиться» деген онлайн-уроктор ло мастер-класстар бар.

Кажы ла неделениҥ понедельник кӱнинеҥ ала четверг кӱнине јетире бу сайтта Россияныҥ јарлу ла тоомјылу ӱредӱчилери ӱренчиктерге школдыҥ тӧс предметтери – математика, орус тил, айландыра турган телекей ле английский тил аайынча онлайн-уроктор ӧткӱрер. Пятницалар сайын балдарды журналисттерле, блогерлерле, јондык ишчилерле туштажулар сакыйт.

Тузалу ла јилбилӱ јетирӱни балдар мындый площадкалардаҥ база алар аргалу:

Эрмитаж; Государственный русский музей Санкт-Петербург; Детский образовательный портал; «Все курсы онлайн»; «Российская электронная школа»; Детские онлайн-курсы «Умназия»; Подготовка к ОГЭ; Российское движение школьников; Онлайн-платформа для бесплатного дистанционного обучения анимации детей и подростков «Анимация и Я»; Шахматы онлайн.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина