«Россияныҥ јурты»: јеҥӱчилдер адалган

26.10.2020

«Единая Россияныҥ» «Россияныҥ јурты» деген партийный ӱлекериниҥ јондык соведи фотојуруктардыҥ «Мениҥ јуртым» деген конкурсыныҥ тергеелик бӧлӱгиниҥ јеҥӱчилдерин кайралдаган.

Конкурстыҥ туружаачыларыныҥ тоозында башка-башка јашту, профессиялу улус, фотосӱӱчилер ле профессионалдар турушкан. «Россияныҥ јурты» партӱлекердиҥ координаторы Госдуманыҥ депутады Родион Букачаковтыҥ темдектегениле, конкурска аткарылган кажы ла иш јилбилӱ болгон. «Бистиҥ фотоконкурста турушкан бастыра улуска быйан айдып турум. Баштапкы јерлер алган фотојуруктар текшироссиялык бӧлӱкте бистиҥ республиканыҥ адынаҥ туружар. Оныҥ уч-турулталары быјыл ӱлӱрген айдыҥ учында Москвада јарлалар. Кажы ла ишти эҥ талдамалардыҥ тоозына кийдирерге јараар. Конкурстыҥ туружаачылары бойыныҥ ол иштерине јӱрегиниҥ јылузын салган» — деп, ол айткан.

«Јурттагы билениҥ бӱдӱм-кебери» деген номинацияда Улаган јурттаҥ Жанна Олчонова јеҥерде, экинчи јерде — Кан-Оозы аймакта Кӧзӱл јурттаҥ Искандер Тайтов, ӱчинчи јерде — Кан-Оозынаҥ Динара Матыкова.

«Мениҥ сӱӱген јуртым» номинацияда Горно-Алтайсктаҥ Сынару Олчонова јеҥӱчил болуп чыккан, экинчи јер Оҥдой аймакта Шашыкман јурттаҥ Ольга Матрашевага келижерде, ӱчинчи јер Горно-Алтайсктаҥ Оксана Попошевага келишкен.

«Крестьянинниҥ јайаандык ижи» деп номинацияда баштапкы јерде Горно-Алтайсктаҥ Сынару Ороева болордо, экинчи јерде — Горно-Алтайсктаҥ Евгения Брылякова, ӱчинчи јерде — Майма аймакта Урлу-Аспактаҥ Наталья Смольникова.

Конкурстыҥ жюризиниҥ јӧби аайынча «Фотографический искусстводо бийик узы учун» деген номинация јӧптӧлгӧн болгон. Бу номинацияда јеҥӱ Кӧксуу-Оозы аймактаҥ Наталья Симиренкого келишкен.

Родион Букачаков конкурстыҥ спонсорлорына јаан быйанын айткан: «Марал-АСОХРА» предприятиениҥ директоры Владимир Мещеряковко ло «Абайский» СПК-ныҥ директоры Виктор Челахка. Олордыҥ акча-манатла јӧмӧлтӧзиниҥ шылтузында конкурстыҥ јеҥӱчилдерине баалу-чуулу сыйлар табыштырылган: ноутбуктар, смартфондор ло планшеттер.

Јеҥӱчилдерди кайралдаарында АР-дыҥ јурт ээлем аайынча министри Андрей Цыгулев, «Единая Россияныҥ» тергеелик бӧлӱгиниҥ исполкомыныҥ башкараачызы Эмиль Тюхтенев турушкан.

РФ-тыҥ Госдумазыныҥ депутады

Р. Букачаковтыҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина