Тӧс јердиҥ башкараачызы кӧстӧлгӧн

26.10.2020

Тергеениҥ башчызы Олег Хорохордин Алтай Республиканыҥ Ӧзӱмниҥ тӧс јериниҥ башкараачызына Михаил Грудининди кӧстӧӧри керегинде јакаанга кол салган.

Онызы керегинде ол башкаруныҥ ээчи-де јуунында јарлаган ла Михаил Грудинин-ле государственный јаҥныҥ бӱдӱреечи органдарыныҥ башкараачыларын, муниципал тӧзӧл-мӧлӧрдиҥ јаандарын таныштырган.

«Мынаҥ озо бис Горно-Алтайский агломерацияныҥ ӧзӱми аайынча бир канча туштажулар ла јуундар ӧткӱргенис. Бӱгӱн Тӧс јерде бу ла ӧскӧ дӧ бир канча ууламјылар јанынаҥ иштер улалар» — деп, башчы айткан.

Михаил Грудининниҥ айтканыла, ол калганчы 20 јылдыҥ туркунына градостроительстводо иштеген.

«Мениҥ иштеги тӧс компетенциям — јерлердиҥ комплексный ӧзӱми ле «Ийделӱ Алтай» программаны бӱдӱрерге инвестициялар тартып алары, бизнесле, муниципалитеттерле, бӱдӱреечи ле јасакчы јаҥныҥ органдарыла колбуда иштеери. Мен Алтай Республикадӧӧн јаантайын јадарга кӧчӱп јадым ла Олег Леонидовичтиҥ јакылтазыла бастыра муниципал тӧзӧлмӧлӧрлӧ јорыктап барып келерим. Јербойына барып, андагы айалгаларды кӧрӱп, јерлердиҥ аҥылуларын ла курч сурактарын оҥдоп, бойымныҥ аргаларымды республиканыҥ ӧзӱмине јаан туза-јандырулу ууландырарым» — деп, Михаил Грудинин айткан.

Ӧзӱмниҥ тӧс јери — коммерциялык эмес автономный организация, ол 2019 јылдыҥ кӱӱк айында Олег Хорохординниҥ баштаҥкайыла тӧзӧлгӧн. Бу тӧс јерде республиканыҥ ӧзӱминиҥ «Ийделӱ Алтай» программазын белетеер тушта тергеениҥ эл-јонынаҥ болгон шӱӱлтелер чукталган.

Тӧс јер бӱдӱреечи јаҥныҥ органдарынаҥ ла кандый да ӧскӧ политический партиялардаҥ ла биригӱлердеҥ башка тӧзӧлгӧн. Оныҥ тӧс амадузы — тергеениҥ јаҥы, ачык политиказын, Алтай Республиканыҥ ӧзӱминиҥ аргументированный Стратегиязын тӧзӧӧри ле оноҥ ары бӱдӱрери.

Михаил Грудинин 1967 јылда Иркутскта чыккан. 1992 јылда Иркутский политехнический институтты (кибернетиканыҥ факультеди) отличиеле божоткон, ол ок ӧйдӧ менеджерлердиҥ Советско-испанский школында ӱредӱ ӧткӧн. 2005 јылда государственный службаныҥ РФ-тыҥ Президентиндеги Академиязын «Россияныҥ калаларыныҥ ла тергеелериниҥ јонјӱрӱм-экономикалык ӧзӱминиҥ стратегический башкартузы» деп специализация аайынча отличиеле божоткон. 2014 јылда Москвадагы М. В. Ломоносовтыҥ адыла адалган государственный университетти (Бизнестиҥ бийик школы факультет), 2018 јылда Сколководогы бизнес-школдо ЕМВА программаны божоткон.

«Тап-эриктик экономиканыҥ ӧзӱминиҥ албатылар ортодо институды» Фондтыҥ консультанты, координаторы, «Баалаштыҥ национальный агентствозыныҥ» президен-ти, «Илбе-Консалтингтиҥ» координаторы, «Тап-эриктик экономиканыҥ ӧзӱминиҥ институды» Фондтыҥ координатор-менеджери болуп иштеген.

1999-2000 јылдарда — «Чике инвестициялардыҥ институды» Фондтыҥ президенти, 2000 јылдаҥ ала 2019 јылга јетире — градостроительствоныҥ ла инвестиционный ӧзӱмниҥ «Гипрогор» Российский институдыныҥ генеральный директоры. 2019 јылдаҥ ала бӱгӱнге јетире — пространственный моделированиениҥ ле ӧзӱмниҥ «Гипрогор Проект» Градостроительный институттыҥ президенти ле акционери.

Skolkovo travel club, бизнес јорыктаачылардыҥ албатылар ортодогы «Х-team» клубыныҥ президенти.

Алтай Республиканыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым