Алтайдын Чолмоны

Кадастровый баа јанынаҥ јартамал

23.11.2020

Алтай Республиканыҥ јеринде кыймыктабас объекттердиҥ кадастровый баазын тургузары јанынаҥ ӧткӱрилген конкурстыҥ турулталары керегинде јетирӱ. Анайда ок кадастровый бааны тургузар ӧйдӧ болгон јастыраларды тӱзедериле колбулу угузу-бичиктерди кӧрӧриниҥ аайы јанынаҥ јартамал.

2016 јылдыҥ јаан изӱ айыныҥ 3-чи кӱнинде јарадылган «Государственный кадастровый баа керегинде» 237-чи таҥмалу федерал јасакка тайанып, анайда ок Алтай Республиканыҥ экономикалык ӧзӱм ле ар-јӧӧжӧлик колбулар аайынча министерствозыныҥ 2019 јылдыҥ кичӱ изӱ айыныҥ 14-чи кӱнинде чыгарган 128-чи таҥмалу јакарузын, «Алтай Республикада кадастровый баа тургузар тӧс јер» деген бюджеттеги учреждениениҥ јакарузын (оноҥ ары — Учреждение) бӱдӱрер амадула 2020 јылда Алтай Республиканыҥ јеринде јерлердиҥ участокторыныҥ государственный кадастровый баазын тургузары аайынча иштер ӧткӱрилген. Мындый иштер промышленностьтыҥ, энергетиканыҥ, транспорттыҥ, связьтыҥ, радиоберилтелердиҥ, телекӧрӱлтениҥ, информатиканыҥ бӧлӱктериниҥ керектериле колбулу јерлерде ӧткӧн. Ого анайда ок ак-айасла, коруланышла, јеткер болдыртпазын јеткилдеер иштерле тудуш јерлер кирген. Кадастровый бааны тургузар иштер коруда турган јерлерде, объекттерде, ӧскӧ дӧ аҥылу учурлу иштерле колбулу јерлерде база ӧткӧн.

Ӧрӧги адалган объекттердиҥ кадастровый баазын тургускан иштердиҥ турулталары Алтай Республиканыҥ экономикалык ӧзӱм аайынча министерствозыныҥ 2020 јылдыҥ кӱчӱрген айыныҥ 18-чи кӱнинде 257-ОД таҥмалу јакарузыла јӧптӧлгӧн лӧ ол бу министерствоныҥ (http://www.mineco04.ru/). сайтында јарлалган. Бу јакару оны окылу јарлаган кийнинде бир айдыҥ бажында толо чыду алынып јат.

Учреждение кадастровый бааны тургузар ӧйдӧ болгон јастыраларды тӱзедетен баштануларды  2016 јылдыҥ јаан изӱ айыныҥ 3-чи кӱнинде  јарадылган  «Государственный кадастровый баа керегинде» 237-чи таҥмалу федерал јасактыҥ 21-чи статьязына тӧзӧлгӧлӧнип (оноҥ ары — Јасак) алып јат. Баштануларды кӧрӧтӧниниҥ ээжилери Россияныҥ экономикалык ӧзӱм аайынча министерствозыныҥ 2018 јылдыҥ кочкор айыныҥ 2-чи кӱнинде чыгарган 73-чи таҥмалу јакарузында чокым айдылган.

Юридический ле физический лицолор болгон јастыраларды тӱзедери јанынаҥ  бойлорыныҥ баштанузыла Учреждениеге олордыҥ тап-эриктери ле молјулары кадастровый бааны тургузар сурактарда бузулган  учуралдарда баштанар аргалу. Анайда ок мындый  угузу бичиктерле  государственный јаҥныҥ ла јербойында бойы башкарынарыныҥ органдары баштанар аргалу.

Учреждениеге баштану объекттердиҥ кадастровый бааларын тургускан турулталарын јӧптӧгӧн кийнинде, је ол јанынаҥ актты јӧптӧӧр кӱннеҥ озо эмезе оны кыймыктабас ар-јӧӧжӧниҥ Бирлик государственный реестрине кийдирерге јеткелекте эдилер учурлу.

Угузу бичикле баштанарыныҥ ээжилери:

—Почта ажыра мындый сурула аткарар: 649002, Алтай Республика, Горно-Алтайск кала, Промышленный ором, 3-чи тура; электрон сурузы gdu.ra-cgko@mail.ru; бюджеттеги учреждениеге таҥынаҥ мындый сурула баштанар керек: Барнаул кала, Деповской ором, 7г. (улусла туштажатан ӧйи: понедельниктеҥ четвергке јетире 8 сааттаҥ ала 17 саатка јетире, пятницада 8 сааттаҥ ала 16 саатка јетире);

—Алтай Республиканыҥ «МФЦ» деп автоном учреждениезине таҥынаҥ баштанза, оныҥ структурный подразделениелериниҥ сурузын ла улусла туштажар ӧйин мындый сайт ажыра чокымдаар арга бар: (http://www. altai-mfc.ru/.

Болгон јастыраларды тӱзедерге угузу бичикти чын бичиир керек:

1) физический лицоныҥ ӧбӧкӧзи, ады-јолы, отчествозы (калганчызы — бар болзо), юридический лицоныҥ толо ады, колбу тудар кижиниҥ телефоныныҥ номери,  баштану эткен кижиниҥ электрон почтазыныҥ сурузы (бар болзо);

2) кадастровый бааны тургузар ӧйдӧ јастыралар болгон керекти тӱзедерге кыймыктабас ар-јӧӧжӧниҥ кадастровый номерин ле (эмезе) кыймыктабас объекттиҥ сурузын темдектеер;

3) кадастровый бааны тургузар ӧйдӧ јастыра кайда эдилгенин темдектеген чокым јетирӱ, отчеттыҥ јастыраларлу чыккан страницазын (кӱӱнзегениле) кӧргӱскен јартамал;

4) кадастровый бааны тургузар ӧйдӧ јастыралар недеҥ улам болгонын  угузу бичикте айдар арга база бар.

Кадастровый бааны тургузар ӧйдӧ болгон јастыраларды тӱзедерге баштанула кожо бар јастыраларды керелеген документтерди база аткарар керек. Баштанула кожо кыймыктабас объекттиҥ бӱдӱмин керелеген декларацияны ийерге база јараар.

Баштану оны алганынаҥ ала одус кӱнниҥ туркунына кӧрӱлер учурлу.

Учреждение јастыраларды тӱзедерин кӧрӧр тушта  мындый јӧптӧр чыгарар аргалу:

1) кадастровый бааны тургузар тужында јастыралар болгоныла колбой кадастровый бааны јаҥыдаҥ чотоп кӧрӧр;

2)  кадастровый бааны тургузар тужында јастыралар болбогоныла колбой тургузылган бааны јаҥыдаҥ чотобос.

Бюджеттеги учреждение кадастровый бааны тургузар ӧйдӧ эдилген јастыраларды баштану келген ӧйдӧҥ ала алтан кӱнниҥ туркунына кӧрӱп салар учурлу.

Учреждениениҥ баштану јанынаҥ  чыгарган јӧбин јаргыга берип, оныҥ аайына анда чыгарга јараар.

Мында јаан ајаруны 2020 јылдыҥ јаан изӱ айыныҥ 31-чи кӱнинде јарадылган   «Россия Федерацияныҥ бир канча јасакчы акттарына кубулталар кийдирери керегинде»  федерал јасакка эдер керек. Бу федерал јасак аайынча  237-чи таҥмалу федерал јасакка бир канча кубулталар кийдирилген. Ол 2021 јылдыҥ чаган айыныҥ 1-кы кӱнинеҥ ала иштеп баштаар. Анайып, кадастровый бааны тургускан ӧйдӧ эдилген јастыраларды тӱзедерге угузу-баштануларды кандый ла юридический ле физический лицолор, анайда  ок государственный јаҥдардыҥ ла јербойында бойы башкарынып иштейтен органдар эдер аргалу.

Бу јанынаҥ угузу бичикти кадастровый бааны кыймыктабас ар-јӧӧжӧниҥ  Бирлик государственный реестрине кийдирген кӱннеҥ ала беш јылдыҥ туркунына берерге јараар.

Јастыраларды тӱзедери јанынаҥ берилген угузу бичикте мындый јетирӱлер болор учурлу:

1)  физический лицоныҥ ӧбӧкӧзи, ады-јолы, отчествозы (калганчызы — бар болзо), юридический лицоныҥ толо ады, угузу бичикти бичиген кижиниҥ телефоныныҥ номери, почтазыныҥ сурузы, электрон почтазыныҥ сурузы (бар болзо);

2) берилген угузу бичик аайынча кыймыктабас ар-јӧӧжӧниҥ кадастровый номери (кыймыктабас ар-јӧӧжӧлӧр);

3) кадастровый бааны тургускан ӧйдӧ болгон јастыраларды чокым кӧргӱзер, јастыраларлу страницаларды (керектӱ тушта), отчетторды темдектеер, анайда ок темдектелген јастыраларга јартамалдар эдер.

Кадастровый бааны тургузар ӧйдӧ эдилген јастыраларды тӱзетсин деген баштанула кожо јастыраларды керелеген документтерди ле кыймыктабас объекттер керегинде јетирӱлерди ийерге база јараар.

Келген угузу бичик одус кӱнниҥ туркунына кӧрӱлер.

Учреждение болгон јастыраларды тӱзедериле колбой баштанган угузу бичикти кӧрӱп, мындый јӧптӧр јарадар аргалу:

1) угузу бичикте темдектелген јастыраларла јӧпсинип, тургузылган кадастровый бааны ойтодоҥ кӧрӧр;

2) кадастровый бааны тургузар ӧйдӧ јастыралар болбогонын темдектеп, тургузылган кадастровый бааны ойто катап кӧрбӧс.

Учреждение јӧптӧрди чыгарган кийнинде угузу бичикле баштанган физический ле юридический лицолорго оны ӱч кӱнниҥ туркунына аткарар учурлу.

Учреждение кадастровый бааны тургузар ӧйдӧ болгон јастыраларды угузу бичик келген кӱннеҥ ала 45 кӱнниҥ туркунына тӱзедер учурлу.

Учреждениениҥ чыгарган јӧби јаргыга берилип, анда кӧрӱлер аргалу. Јаргы кадастровый бааны тургузар ӧйдӧ јастыралар чындап та болгон деп илезине чыгарып, ол јанынаҥ јӧп јаратса, Учреждение болгон јастыраларды тӱзедер учурлу.

Кадастровый баа јанынаҥ јартамалдарды мындый телефондор ажыра аларга јараар: 8(388-22) 6-11-56, 8(388-22) 6-30-41.