Кайкалды сыйлаган фотојепсели

23.11.2020

А. В. Анохинниҥ адыла адалган эл музейде ыраак ла јуук талаларда ады-јолы да, јайаан ижи де элбеде јарлу фотојурукчы ла јорыкчы Анатолий Иванович Шодоевтиҥ эземин кереестеген фототехниказыныҥ кӧрӱзи тургузылды.

Јарлу фотојурукчы А. Шодоев быјыл сыгын айдыҥ 21-чи кӱнинде јеткердеҥ улам амырап калган. Ол эзен-амыр јӱрерде, «Алтайдыҥ Чолмоны», «Звезда Алтая» республикан газеттерле, онойдо ок «Вестник Горно-Алтайска», «Постскриптум» ла оноҥ до ӧскӧ газеттерле јуук колбуда иштеген. Бойыныҥ ӧйинде ол Туулу Алтайдыҥ эл университединде ӱредер фотолабораторияда, эл музейде иштеген. Анатолий Шодоевти Алтайыныҥ, ар-бӱткениниҥ чындык уулы болгон деп айдарга јараар. Алтайда оныҥ јӱрбеген јери, чыкпаган кырлары јокко јуук. Ол јӱрерге, иштеерге, кӧпти эдерге амадаган. Су-кадык јӱретениниҥ ээжизиле, ӱредӱзиле башкарынып јӱрген.

2019 јылдыҥ учкары Анатолий Иванович алкы бойыныҥ акту кӱӱниле эл музейге бастыра јӱрӱминде тудунган-эдинген фототехниказыныҥ јуунтызын сыйлаган. Сӱреен байлык ла солун јуунты. Јуунтыга јӱс беженнеҥ артык не-немелер кирет. Јӱк ле фотоаппараттарды алар болзо, мында олордыҥ кандыйы јок деп айдар…

Кайдаҥ билер, јайаан јайалталу, байлык ченемелдӱ фотојурукчы нени сананып, јуунтызын эл музейге, быжу колго табыштырган. Кӧрӱдеги кажы ла фотоаппаратла ол Алтайын, албатызын – олордыҥ ӱргӱлјик кыймыгузындагы јӱрӱминиҥ элестерин келер ӱйеге амадап артыргызып салган деп айдарга јараар.

Эл музейге јӱрген улус ӧнӧтийин амадап, А. И. Шодоевтиҥ јайаандык ижине учурлалган кӧрӱле танышсын деп кӱӱнзеери артат. Јайалталу фотојурукчы јерлежис кайкал мӧҥкӱлик Алтайда, эл-јоныныҥ кӱнӱҥги јӱрӱминде болгонын фотојуруктарында кереес эдип артыргызып салды…

К. ТӦЛӦСОВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина