Медшиҥдештиҥ ээжилери кубулган

01.12.2020

2020 јылдыҥ кӱчӱрген айыныҥ 13-чи кӱнинде Баш государственный санитар врачтыҥ чыгарган 35-чи таҥмалу јакааны аайынча (16. 11. 2020 ј., Россияныҥ юстициязыныҥ министерствозында окылу темдектелген регистрациязыныҥ таҥмазы 60908) «Коронавирусла југушту јаҥы инфекцияныҥ (COVID-19) профилактиказы» керегинде СП 3.1. 359-20 санитар-эпидемиологиялык ээжилерге кубулталар кийдирилген.

Санитар-эпидемиологиялык ээжилерге кубулталар кийдирилгениле колбой, коронавируска алдырткан улусла колбуда болгон улуста бу ооруныҥ симптомы билдирип турза, олорго медициналык шиҥдеш ӧткӱрилет. Оныла колбой, COVID-19 оорула ооруган кижиле колбуда болгон кижи 14 календарный кӱннеҥ ас эмес ӧйгӧ, ол эмезе јазылганча (оору там ары јааназа), изоляцияга (јаткан јери аайынча обсерваторго) аткарылар учурлу.

Медициналык шиҥжӱниҥ ӧйинде эмчилердиҥ ајарузында болгон кижиде клинический симптом болбозо, ого улусту јерге ишке чыгатан (ӱредӱге) јараду ла- бораториядагы шиҥдеш јогынаҥ COVID-19 оорулу кижиле колбуда болгон калганчы кӱннеҥ ала 14 календарный кӱн ӧткӧн кийнинде берилип јат.

Коронавирусла ооруган кижиге эмдеништиҥ кийнинде улусту јерге ишке (ӱредӱге) чыгарга јараду беретениле колбулу пунктта эдилген кубулталарга јазымы јогынаҥ ајару эдер керек. Эмди коронавирустаҥ јазылган кижиге јӱк ле бир отрицательный турулта-анализ керектӱ болор. Эмчилер мындый шиҥдешти лабораторияда полимеразный цепной реакцияныҥ эп-аргазыла ӧткӱрип јадылар.

Ооруган кижини стационар бӧлӱктеҥ амбулаторный айалгаларда эмдейтенине лабораторияда полимеразный цепной реакцияныҥ эп-аргазыла ӧткӱрген тест отрицательный деген кӧргӱзӱ бергелектеҥ озо кӧчӱрерге јараар. Је мындый јараду јонјӱрӱмдик учурлу учреждениелерде конок туркунына ӱзӱги јогынаҥ болуп турган јерлерде, коммунальный квартираларда, общежитиелерде, гостиничный јеткилдештӱ јерлерде јаткан ла токтогон улуска таркабай јат.

Ээжилерге кийдирилген кубулталарда лабораторияларда ӧткӱрип турган шиҥдеш канча ӧйдиҥ туркунына эдилер учурлу болгоны керегинде база айдылат. Оныҥ турулталары кижиниҥ биологический материалы лабораторияга табыштырылган ӧйдӧҥ ала 48 сааттыҥ туркунына эдилер учурлу. Је медициналык шиҥдешти сӱрекей кӧп улус ӧдӱп турганынаҥ, аҥылу лабораториялардыҥ тоозы ас болгонынаҥ улам тургуза ӧйдӧ ӧрӧги айдылган некелтелер бӱтпей јат.

Алтай Республикада кӱчӱрген айдыҥ 24-чи кӱнине јетире 137989 тест шиҥделген. Горно-Алтайскта иштеп турган ӱч лабораторияда кӱнӱҥ сайын 1000-га шыдар медициналык шиҥжӱ ӧткӱрилет. Тургуза ӧйдӧ су-кадык аайынча министерство лабораторияларды элбедери аайынча иштер ӧткӱрет. Бу иштер кӱчӱрген айдыҥ учына јетире тӱгензе, улустаҥ тест алып турган лабораторный шиҥжӱлер кӧптӧп, санитар ээжилердиҥ бузулары токтоор деп айдар керек.

Роспотребшиҥжӱниҥ Алтай Республикадагы башкартузы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина