Башкаруныҥ сый-акчазы табыштырылган

11.12.2020

Тергеениҥ культура аайынча министерствозында 2020 јылда культура ла кеендик бӧлӱгинде јаан једимдерге јеткен улуска Алтай Республиканыҥ башкарузыныҥ сый-акчазы табыштырылган.

Эпидемиологический айалгала колбой, лауреаттарды кайралдаарында ас улус турушкан, бастыра керектӱ профилактический керек-јарактар ајаруга алынган деп, культураныҥ министерствозы јетирет.

Тергееде культураныҥ ла кеендиктиҥ ӧзӱмине билдирлӱ камаанын јетирген лауреаттарга кайралдарды АР-дыҥ башкарузыныҥ председателиниҥ ордынчызыныҥ молјуларын бӱдӱреечи Динара Култуева табыштырган.

Башкаруныҥ сый-акчазыла кайралдаткандар:

балдардыҥ ӱзеери ӱредӱ бӧлӱгинде јаан ижи, Алтай Республиканыҥ художественный ӱредӱзиниҥ системазында алтай национальный хореографияны тӧзӧӧринде, ӧскӱреринде ле јайаарында јетирген таҥынаҥ камааны учун Горно-Алтайскта балдардыҥ 2-чи таҥмалу кӱӱлик школында хореография аайынча преподаватель, Алтай Республиканыҥ культуразыныҥ нерелӱ ишчизи Наталия Адыбасова;

Јабаган јурттыҥ организацияларыныҥ тӱӱкизи аайынча «Библиотека – јайаанныҥ јери» деп адалган бедиреништӱ ле шиҥжӱ иш ӧткӱргени, чыдап јаткан ӱйени тӧрӧлчи кӱӱндӱ болорына таскадып турганы учун Јабаганныҥ јурт библиотеказыныҥ библиотекари Чейнеш Ильмекова;

балдарды јуранарына ӱредеринде бийик профессио-нализми, художественный кеендикти јашӧскӱрим ортодо јайганы учун Оҥдойдо балдардыҥ јайаандыгыныҥ тӧс јеринде јуранарыныҥ ла алтай кайдыҥ преподаватели Борис Киндиков;

тӧрӧлчи кӱӱндӱ болорына ууламјылалган «Эземди јандырар» деп хореографический постановка тургусканы, чыдап јаткан ӱйеде ак-чек кылык-јаҥ ӧскӱрип таскатканы учун Майма аймакта Культураныҥ ла јашӧскӱрим политиканыҥ тӧс јериниҥ «Радуга» деп албатылык хореографический ансамблиниҥ башкараачызы, РФ-тыҥ культуразыныҥ нерелӱ ишчизи, АР-дыҥ кӱндӱлӱ кижизи Светлана Семенова.

Кӧдӱриҥи ӧйинде бу улуска быйанду сӧстӧр айдылган, јозокту иштери мынаҥ да ары једимдӱ улалып барар деп темдектелген.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина