Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

«Јурт јерлердиҥ турумкай ӧзӱми»

17.12.2020

Тожоҥтыда мини-футболдыҥ јалаҥы ла балдар ойноор площадка ачылды.

Јаҥар айдыҥ 16-чы кӱнинде Алтай Республиканыҥ башчызы Олег Хорохордин Кош-Агаш аймакта ишмекчи јол-јорыкла болуп, Тожоҥты јуртта мини-футбол ойноор јалаҥныҥ ла балдардыҥ ойнойтон площадка-јериниҥ  окылу ачылтазын ӧткӱрди. Бу адалган объекттер Алтай Республиканыҥ «Јурт јерлердиҥ турумкай ӧзӱми» деп государстволык программазы аайынча тудулган.

Олег Хорохордин јурттыҥ албаты-јонына сӱреен учурлу керек бӱткени керегинде куучындады. Ыраак ла ай-кӱни соок аймактыҥ јуртында балдар да, јаан да улус толо кеминде јӱрӱм јӱрер учурлу. Школго баратан балдар, јаан улус амырап, спортло тазыктырынар аргалу болор учурлу деп, ол темдектеген.  Тергеениҥ башчызы: «Мини-футбол ойноор јалаҥды ла балдардыҥ площадказын бис ончобыс кожо тутканыс. Чыгымдалган акчаныҥ кӧп јарымызы республикан бюджеттеҥ барган. Онойдо ок јербойыныҥ бюджединеҥ база акча-манат чыгарылган. Јурттыҥ аргачылары ла тегин улузы ишти бӱдӱрерин јӧмӧгӧни база јаан учурлу» — деп айткан. Онойдо ок ол бу јуртта, Чуйдыҥ трагыныҥ калганчы јуртында, спорт јанынаҥ иш соҥдоп турган болгон, эмди айалга солынган деп темдектеген. Адакыда јурттыҥ албатызына бек су-кадык, једимдӱ јӱрӱм кӱӱнзеди.

Уткуулду сӧзин Кош-Агаш аймактыҥ јааны Серикжан Кыдырбаев айткан. Ол бӱгӱнги кӱнге јетире јуртта спорт ууламјылу объект болбогон, је эмди тазыктырынатан, футбол ойнойтон айалгалар тӧзӧлди деп темдектеген. Айдарда, јурттыҥ јӱрӱминде спорт аайынча јакшы солынталар кыйалтазы јогынаҥ болор.

Тожоҥтыдагы јурт јеезениҥ јааны Тлеубек Мамырбеков бу јуртта 100-теҥ кӧп балдар бар, айдарда, балдардыҥ ла јашӧскӱримниҥ јӱрӱминде амыраарга, спортло тазыктырынарга айалгалар тӧзӧлди деп, ол куучындаган. Ыраак јурттыҥ јӱрӱминде бу объекттер јаан сӱӱнчи ле јаҥыјылдык баалу сый деп, јурттыҥ јааны темдектеди.

«Јурт јерлердиҥ турумкай ӧзӱми» деп государстволык программа аайынча быјыл Кош-Агаш, Чамал, Шабалин, Оҥдой, Кӧксуу-Оозы, Кан-Оозы, Улаган аймактарда једимдӱ иш ӧткӧн.  Ӧткӱрилген конкурста јеҥип алган 26 ӱлекер аайынча јурт јеезелерде балдардыҥ амыраар ла спортло тазыктырынар он сегис площадказы, Ада-Тӧрӧл учун Улу јууда јеҥген геройлорго учурлалган алты кереес,  культураныҥ ла амыралтаныҥ бир паркы, оромдорды јарыдарыныҥ бир устройство-эдими тудулган ла јазалган.

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина