Јылдыҥ сый-акчалары табыштырылды

28.12.2020

Драманыҥ П. В. Кучияктыҥ адыла адалган эл театрыныҥ 43-чи сезоны ачылганыла колбой, Алтай Республиканыҥ башкарузыныҥ культураныҥ ишчилерине театрал искусство јанынаҥ акча-сыйлары табыштырылды.

Алтай Республиканыҥ башчызы Олег Хорохординниҥ адынаҥ туружаачыларды Алтай Республиканыҥ башкарузыныҥ председателиниҥ ордынчызыныҥ ижин бӱдӱреечи Динара Култуева уткуды.

«Классиктердиҥ айтканыла, артисттиҥ сок јаҥыс учуры – бойыныҥ јайааныла улустыҥ эҥ јакшы, јаркынду кӱӱнин ойгозоры. Оныҥ да учун драманыҥ П. В. Кучияктыҥ адыла адалган эл театры алдында турган тӧс керектерин бӱдӱрет: театрдыҥ искусствозыныҥ эҥ артыктарын јарлап кӧргӱзет, гастрольдордыҥ ла премьералардыҥ тоозын кӧптӧдӧт, јиит актерлордыҥ ла режиссерлордыҥ јайаан јайалталарын ӧскӱрет. Алтай Республикада бу сурактарга јаантайын ајару эдилет» — деп, Динара Култуева темдектеди.

Алтай Республиканыҥ башкарузы театрал искусствоны ӧскӱрер амадула бу бӧлӱкте 2012 јылдаҥ ала јыл сайын берилип келген акча-сыйлар берерин јараткан.

«Башка-башка јылдарда режиссерлор, артисттер, бичиичилер, кӱӱчилер, кӱӱ чӱмдеечилер бу сыйдыҥ лауреаттары болгон. Олордыҥ аттары республиканыҥ ыраак тыштында јарлу. Олор Анна Балина, Власта Тысова, Эмма Иришева, Бронтой Бедюров, Виталий Перчик, Ногон Шумаров, Аржан Товаров, Михаил Кулунаков, Айдар Унатов ло кӧп ӧскӧлӧри де» — деп, ол кошты.

Динара Култуева лауреаттарга театрал искусствого берингени, кӧрӧӧчилерге сыйлаган сӱӱнчи учун јаан быйанын айтты. Ол театрдыҥ ишчилерине јаҥы спектакльдар, јаркынду гастрольдор, кӧрӧӧчилердиҥ јаан јилбӱзин, толо залдар ла изӱ колчабыжулар кӱӱнзеди.

Јуунныҥ кийнинде акча-сыйлар табыштырылды. Алтай Республиканыҥ башкарузыныҥ јыл сайынгы акча-сыйын мындый улус алдылар:

«Солун спектакльды эҥ артык тургусканы учун» (эҥ артык режиссерго) номинацияда — драманыҥ П. В. Кучияктыҥ адыла адалган эл театрыныҥ баш режиссеры Эмма Иришева Ада-Тӧрӧл учун Улу јууда Јеҥӱниҥ 75 јылдыгына учурлай тургускан «Туулу Алтайдыҥ јуучыл магы» деп спектакль учун;

«Спектакльды тургузарына јаан јӧмӧлтӧзи учун» ( эҥ артык кӱӱ чӱмдеечиге) номинацияда — кӱӱ чӱмдеечи Азулай Тадинов Чингиз Айтматовтыҥ «Чактаҥ узун кӱн» деп романыла тургузылган «Кабай» ла Байрам Суркашевтиҥ «Амаду ла Айана» пьесазыла тургузылган спектакльдарга, чалканду калыктыҥ чӧрчӧгиле «Тайанак» спектакльга кӱӱ произведениелер чӱмдегени учун;

«Эр кижиниҥ эҥ артык роли учун» номинацияда — драманыҥ П. В. Кучияктыҥ адыла адалган эл театрыныҥ актеры Айдар Унатов Чингиз Айтматовтыҥ «Чактаҥ узун кӱн» деп романыла тургузылган «Кабай» спектакльда Жоламанныҥ роли учун;

«Ӱй кижиниҥ эҥ артык роли учун» номинацияда – драманыҥ П. В. Кучияктыҥ адыла адалган эл театрыныҥ актрисазы Арунай Тазранова Байрам Суркашевтиҥ «Амаду ла Айана» пьесазыла тургузылган спектакльда Айананыҥ роли учун;

«Эҥ артык кӧргӱзилген роль учун» номинацияда драманыҥ П. В. Кучияктыҥ адыла адалган эл театрыныҥ актеры Евгений Папитов «Маадай-Кара» кай чӧрчӧк аайынча тургузылган спектакльда Тастаракайдыҥ роли учун;

«Экинчи планда эҥ артык роль учун» номинацияда драманыҥ П. В. Кучияктыҥ адыла адалган эл театрыныҥ актеры Эмиль Колбин Ногон Шумаровтыҥ «Алтын чачак» спектаклинде Тельдекпейдиҥ роли учун;

Культураныҥ ӧзӱмине таҥынаҥ јӧмӧлтӧзи, јаш ӱйениҥ ич-кӧгӱс байлыкта-рына ла эстетический таскамалына камаанын јетиргени, узак јылдарга јайаандыкта ак-чек иштегени учун Алтай Республиканыҥ Кӱндӱлӱ грамотазыла Россия Федерацияныҥ театрал ишчилериниҥ биригӱзиниҥ Алтайский республикан бӧлӱгиниҥ турчызы Алексей Дмитриев кайралдатты.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина