Кӱпчегенниҥ јараш наадайлары

14.01.2021

Кажы ла јыл јаҥар айдыҥ башталганында Россияда су-кадыгыныҥ аргалары кирелӱ улустыҥ онкӱндӱги ӧткӱрилет. Бу кӱндерде јаҥжыкканы аайынча кенек улус ортодо башка-башка керектер ӧдӱп јат. Мында спорттыҥ маргаандарын, јайаандык туштажуларды ла ӧскӧ дӧ јилбилӱ керектерди адаарга јараар.

Оҥдой аймакта Энениҥ кӱнине учурлалган кӱндер кажы ла јыл солун ӧдӱп турганын темдектеер керек. Ол јылда алтай кеп-кийимдӱ наадайлардыҥ кӧрӱ-конкурсында Кӱпчеген јурттыҥ алтай кеп-кийимдӱ наадайлары бийик бааланган. Аймак кеминде кӧрӱде Кӱпчегеннеҥ Александра Ивановна Алушкинаныҥ, Светлана Васильевна Кунанакованыҥ, Јаан-Јаламан јурттаҥ Надежда Беленовна Одонованыҥ, Антонида Георгиевна Черноеваныҥ кызы Байарула кожо кееркедип јазаган, кийистеҥ эткен, јинјиге оронгон наадайлары јеҥӱлӱ турушкан.

Су-кадыгыныҥ аргалары кирелӱ улус ортодо јайаан кӧрӱ-выставка Кӱпчегендеги јурт јеезеде бу онкӱндӱк ӧйинде база ӧткӱрилген. Јурттыҥ Культура байзыҥында кӧрӱде турушкан эдимдердиҥ кееркедим јазалганын, јараштарын темдектеер керек. Улус анда акту кӱӱнинеҥ туружып, ак-санаалу, јайалталу ла бой-бойына кару болгондорын база катап кӧргӱсти.

Онойдо ок будукты тузаланбай јураган јуруктардыҥ, озогы ӧйлӧрдиҥ фотојуруктарыныҥ кӧрӱзи база ӧткӧн. Јаан-Јаламан јурттыҥ библиотекари Ангелина Леонидовна Чабакова јуртыныҥ улузыныҥ бичиген ӱлгерлериниҥ јуунтызын экелип тургускан. Сӱреен солун ла јилбилӱ. Јурттыҥ Культура байзыҥыныҥ ижин башкарып турган Ираида Ивановна Санакаева ла Кӱпчегенниҥ јонјӱрӱмдик ууламјылу ишти бӱдӱрип турган специалисти Марина Бокулдаевна Кухаева су-кадыгыныҥ аргалары кирелӱ улустыҥ онкӱндӱгинде акту кӱӱнинеҥ турушкан туружаачыларга — Надежда Александровна Елдошевага, Мария Филатовна Курускановага, Нина Тозуловна Анатпаевага, Татьяна Михайловна Емекеевага, Нурия Николаевна Езринага, Маргарита Романовна Темеевага јаан быйанын айдат.

Кӧрӱ-конкурстыҥ туружаачыларына уткуулду сӧзин ле кожоҥын јурт јеезениҥ «Эзендик» деп атту фольклор ӧмӧлиги сыйлады. Ӧткӧн јайаандык туштажуларда улус санитарно-эпидемиялык бастыра некелтелерди кыйалтазы јогынаҥ бӱдӱргенин темдектеер керек.

Адакыда, Кӱпчеген јурттыҥ албаты-јоны канча јылдарга јурттыҥ јӱрӱмин билгир башкарган, јурттыҥ Культура байзыҥыныҥ туразын чыныктап-јазап, албатызыныҥ байрам-туштажулар ӧткӱретен тӧс јерине кичеемелдӱ баштанып турган Владимир Павлович Мандаевке јаан быйанын айдат.

А. МАЙМАНОВА

ТОП

Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 12.01.2023 №6 __________ Триянова С.В. Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны») Общие положения Положение определяет условия, основы организации и порядок проведения конкурса, посвященного 20-летию приложения «Јылдыстык» республиканской массовой газеты «Алтайдыҥ Чолмоны».

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина