Прокуратураныҥ ишчилерине уткуулдар

14.01.2021

Алтай Республиканыҥ башчызы Олег Хорохордин чаган айдыҥ 12-чи кӱнинде тергеениҥ прокуратуразыныҥ ишчилерин профессионал байрамыла уткыган.

Байрамга учурлалган кӧдӱриҥини Алтай Республиканыҥ прокуроры Анатолий Богданчиков ачып, прокуратураныҥ ишчилерине ле ветерандарына уткуулду сӧзин айткан. Алтай Республиканыҥ прокуроры Анатолий Богданчиков уткуулду сӧзинде ӧткӧн јыл јеҥил эмес болгонын куучындаган ла 2020 јыл туркунына республиканыҥ прокуратуразы јаҥбузуштарды болдыртпазына ууландырылган кӧп некелтелерлӱ ишти бӱткӱлинче бӱдӱрген деп темдектеген.

—Ӧйлӧр кубулат, је прокуратура государствоныҥ јилбӱлерин јаантайын корыган ла корып јат. Прокуратура јанынаҥ шиҥжӱ российский обществодо граждандардыҥ конституционный тап-эриктерин ле јайымдарын корыырын быжу јеткилдейт.

Тургуза ӧйдӧ прокурорлор шиҥжӱ ишти јарандырарында ла граждандарга тап-эриктик болуш јетиреринде јаҥы, эмдиги ӧйдиҥ технологияларын тузаланат.

Јадын-јӱрӱмниҥ бастыра бӧлӱкте-рин алза, прокуратураныҥ ишчилери ижине каруулу болгонынаҥ кӧп немелер камаанду. Јонјӱрӱм-экономикалык айалгаларда болуп турган јаҥбузуштардаҥ улустыҥ салымы чике камаанду. Оныҥ учун биске сӱрекей ајарыҥкай, каруулу, ак-чек болор керек — деп, тергеениҥ прокуроры айткан. Анчада ла ӧткӧн јылда коруулу иштер, болуш орто ло кичӱ аргачылыкта иштеп тургандарга сӱреен керектӱ болгон. Коронавирусла колбой тура берген кӱч айалгада аргачылардыҥ тап-эриктерин корыыр кӧп иш ӧткӱрерге келишкен. Бӱдӱрген госконтракттар аайынча 24 миллион салковой тӧлӱ тӧлӧдилген. Онойдо ок каршулу керектерле тартыжу, балдардыҥ ла энелердиҥ тап-эриктерин корыыры, су-кадыгы коомой улуска болуш јетирери ле оноҥ до кӧп сурактар јанынаҥ иш ӧткӱрилген. 2020 јылдыҥ турулталарынаҥ кӧрзӧ, улуска ӧйинде тӧлӧлбӧгӧн 56 миллион салковой ишјал прокуратураныҥ јанынаҥ болуш-аайлаштыруныҥ шылтузында тӧлӧдилген.

«Россияныҥ прокуратуразыныҥ институды 299 јыл кайра Петр I каанныҥ ӧйинде тӧзӧлгӧн. Бӱгӱнги кӱнде прокуратураныҥ ижи јаан учурлу. Ороонныҥ государственнозыныҥ бӱткӱлин тыҥыдарында тӧс тап-эриктик институттардыҥ бирӱзи болгон прокуратура јаҥбузуштарды болдыртпазында, јаҥды бӱдӱреринде, граждандардыҥ тап-эриктерин корыырында чыҥдый иштеп јат. Алтай Республиканыҥ прокуратуразында узы бийик, бойыныҥ ижин чокым билер ле каруулу бӱдӱрип турган профессионалдар иштегилейт. Олор эл-јон ортодо тоомјыда болгоны кӧрӱнип јат. Прокуратураныҥ ишчилери тегин кижини јаҥбузуштардаҥ корый алып, бастыра јасактар аайынча тап-эриктерин орныктырып, ак-чекке чыгып турганы чындык. Олордыҥ ижинеҥ тергеедеги амыр-энчӱ јадын-јӱрӱм база камаанду» — деп, республиканыҥ башчызы темдектеген. Олег Хорохордин прокуратураныҥ ишчилерине ижинде једимдер, каруулу уч-турулталар, су-кадык ла ырыс кӱӱнзеген.

Алтай Республиканыҥ Эл Курултайыныҥ председателиниҥ молјуларын удурумга бӱдӱреечи Герман Чепкин бойыныҥ уткуулду сӧзин база айткан. Прокуратураныҥ ишчилерине баштанып, ол јаҥныҥ бу институдында бойыныҥ ижин чындык бӱдӱрип, эл-јонды корыыр бӱдӱмјини бийик апарып јаткан профессионалдар иштеп јат деп темдектеген. «Бистиҥ текши јӱрӱмистиҥ кажы ла бӧлӱгин алзабыс, прокуратураныҥ коруузы јогынаҥ кӧп сурактардыҥ аайына чыгып болбос эдис. Ороонныҥ экономиказындагы јаҥбузуштарды болдыртпазы, граждандардыҥ тап-эриктери бузулбазы — бастыразы прокуратураныҥ ижинеҥ камаанду. Бу каруулу ишти апарып јаткан улусты байрамыла акту кӱӱнистеҥ уткыйдыс» — деп, Герман Чепкин бойыныҥ уткуулду сӧзинде темдектеген.

Адакыда, кӧдӱриҥи ӧйинде санитарно-эпидемиялык бастыра некелтелерди бӱдӱрип, јакшы иштӱ улуска сыйлар ла кайралдар табыштырылган. Кайралдар ла сыйлар алган ишчилердиҥ ле ветерандардыҥ тоозында Андрей Пащенко, Марина Казанцева, Айару Лыкова, Владимир Бадин. Алтай Республиканыҥ прокурорыныҥ ордынчызы Вадим Дымовко «Россия Федерацияныҥ прокуратуразыныҥ нерелӱ ишчизи» деп кӱндӱлӱ ат адалган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина