Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Турулталар кӧрӱлген…

18.01.2021

Алтай Республикада Балдардыҥ килемјилик фонды ӧткӱрип турган «Кажы ла балага јаҥыјылдык сый» деп адалган акция тӱгенген. Бу керек-јарак пандемияныҥ уур-кӱч ӧйинде ӧткӱрилген де болзо, кажы ла балага сый керек болгонын ла ол оны коркышту сакып турганын бис јакшы оҥдогоныс.

Кӱчӱрген айдыҥ учынаҥ ала јаҥар айдыҥ 10-чы кӱнине јетире Фондто Соок Таадактыҥ почтазы иштеген. Ары болчомдордыҥ кӱӱнзеген сыйлары арайынаҥ келип турган. Балдар кандый сыйлар кӱӱнзеп турганын бис интернетке салганыс. Кандый да уур-кӱч јыл болгон до болзо, республиканыҥ эл-јоны акцияда эрчимдӱ турушкан.

Фонд бастыра балдарга сыйларды јууп болбогон. Је андый да болзо, 250 баланы ырысту эдер арга келишкен. Бу балдар кӱӱнзеген сыйын ла јаҥжыккан тату сыйды алган. Акцияда ООО «Парус» (башкараачызы И. П. Кебереков), ООО «Акцент» (башкараачызы И. А. Плужникова), ИП «Немчанинова Е. А.» (башкараачызы Е. А. Немчанинова), Калан јуур служба (башкараачызы О. Ю. Шмакова), СДЭК (башкараачызы  А. Колесникова), ООО «Форне» (башкараачызы А. А. Форнель), Казначейство (башкараачызы Н. А. Серебренников), ООО «Солнечная энергия» (башкараачызы А. Н. Ялбаков), РФ-тыҥ юстициязыныҥ министерствозыныҥ Алтай Республика аайынча башкартузы (башкараачызы Н. А. Веретенникова), ПАО Билайн Вымпелком (башкараачызы А. И. Захаров), Библиотечный јондык (председатели С. К. Штанакова),  Алтайский край ла Алтай Республика аайынча Алтайкрайстат (башкараачызы О. В. Ситникова), Пенсионный фонд (башкараачызы О. В. Агеев), Банк «Ноосфера» (башкараачызы К. Ю. Криворученко), Байрамдардыҥ студиязы «Феерия», Горно-Алтайск каланыҥ јаргызы (председатели А. Л. Казанцева),  Россияныҥ УФСИН-ныҥ Алтай Республика аайынча 1-кы таҥмалу шылу ӧткӱрер изоляторы, ООО „СОУЗГИНСКИЙ МЗК“, АР-дыҥ национальный политика ла јондык колбулар аайынча комитеди (башкараачызы Л. С. Варванец),  КУ РА РУАД «Горно-Алтайавтодор» (јааны К. В. Зорий) ло республиканыҥ эл-јоны.

Акцияда турушкан улустыҥ кажызына ла мындый јӱрӱмдик кӧрӱмер, болушка келерге белен болгонор учун алкыш-быйанысты айдадыс. «Берип турганныҥ колы кокту болзын».

Балдарга ойынчыктар алып берзин деп 40 муҥ салковойго сертификат берген Алтай Республика аайынча калан јуур службаны аҥылап темдектеп, алкыш-быйан айдар керек.

Бу акцияны тӧзӧп ӧткӱреринде Балдардыҥ фондына јӧмӧлтӧ-болужын мындый јондык организациялар јетирген: «Боевое братство (башкараачызы А. М. Вилисов), «Женщины Алтая – Алтайдыҥ эпшилери» (башкараачызы С. Е. Полетаева), «Эне» (башкараачызы Н. И. Тадырова).

Бу јондык организациялардыҥ бистиҥ акцияда турушканы биске, республикада килемји текши керек болуп јатканы керегинде бӱдӱмји берген. Айдарда, килемјилик сыйлар алатан улустыҥ тоозы јылдаҥ јылга кӧптӧӧр, кӧстӧри ырысла толгон, јӱстеринде кӱлӱмјилӱ балдар база кӧптӧӧр. Бис дезе, мындый турулта учун јӱредис ле иштейдис.

Арга келижерде, акцияда турушкан бастыра улусты Јаҥы јылла уткыйдым! Кажы ла айылга, кажы ла эжикке ырыс кирзин, тӱбек дезе тууразыла ӧтсин. Кӧксигер сӱӱшле, килемјиле, кайкалдарга бӱдӱмјиле толзын. Бастырагарга ырыс-кежик ле јеткил јадын-јӱрӱм кӱӱнзейдим!

Г. МАРТЫНОВА,

АР-дыҥ Балдардыҥ фондыныҥ јааны

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина