Алексей Тадыкин — грек-рим кӱрешле Россияныҥ чемпионы

21.01.2021

Чаган айдыҥ 18-21 кӱндеринде Ростов-на-Дону калада грек-рим кӱрешле Россияныҥ чемпионады ӧткӧн. Алтай Республикадаҥ бу јаан маргаандарда беш кӱрешчи турушкан: Алексей Тадыкин, Юрий Тапаа, Айвар Енчинов, Эркин Карабашев, Точын Майманов.

Олимпий ойындардыҥ алдындагы талдаштарлу маргаандар деп чотолгон бу Чемпионатта 63 кг бескеде јеҥӱни бистиҥ јерлежис Алексей Тадыкин алып, Россияныҥ чемпионы деп атла адатты! Алексей — бистиҥ тергеениҥ грек-рим кӱреш аайынча школыныҥ ӱренчиги, грек-рим кӱрешле спорттыҥ узы, Россияныҥ юниорлор ортодо чемпионы, Европаныҥ первенствозыныҥ мӧҥӱн призеры, Россияныҥ 2019 јылдагы Чемпионадыныҥ финалисти, Телекейдиҥ первенствозыныҥ призеры, ГАГУ-ныҥ студенти. Оныҥ тазыктыраачылары — ады-чуузы чыккан кӱрешчилер Зиновий ле Любим Матыевтер.

Курай јурттыҥ уулы Алексей Тадыкинниҥ бу маргаандарда јеҥӱлерин јеҥил болгон деп айдарга јарабас. 63 кг бескеде 30 кӱрешчи маргышкан. Анчада ла кӱч ӧткӧн деп, Владимирский областьтыҥ кӱрешчизи Рубен Минасянла ӧткӧн баштапкы кӱрешти тазыктыраачылары темдектейт. Минасянды Алексей 7:10 тооло јеҥген. Јарымфиналдагы туштажу база сӱреен кӱч болгон. Алексей озо баштап Мордовияныҥ спортчызы, бу ла јуукта Белградта ӧткӧн Телекейдиҥ Кубогыныҥ јеҥӱчили болуп чыккан Жамболат Локьяевке јеҥдиртип јаткан болгон. Је кӱрештиҥ ӧткӧн аайын бойыныҥ колына алып, фавориттиҥ табаруларын бийлеп, бистиҥ јерлежис Локьяевти 6:2 тооло јеҥип алган! Финалда Алексей Санкт-Петербургтыҥ ады-чуузы чыккан бӧкӧзи Марат Гариповло туштажатан болгон, је бу спортчы су-кадыгынаҥ улам кӱрежип болбогон учун јерлежис Россияныҥ чемпионы деп атла адатты. Марат Гарипов экинчи јерде болды.

55 кг бескеде кӱрешкен грек-рим кӱрешчи Юрий Тапаа бойыныҥ бескезинде финалга чыгып, кӱлер јеҥӱни ойноп алды. Юрий — спорттыҥ узы, Россияныҥ јуунты командазыныҥ турчызы, Россияныҥ ла Сибирьдиҥ маргаандарыныҥ јеҥӱчили, призеры, ГАГУ-ныҥ психолого-педагогический факультединиҥ студенти. Оныҥ тазыктыраачылары — РСФСР-дыҥ спортыныҥ устары, физический культураныҥ отличниктери, Алтай Республиканыҥ нерелӱ тазыктыраачылары Геннадий Борисович Чильчинов ло Аржан Михайлович Мюсов.

Юраныҥ бескезинде 26 кӱрешчи болгон. Бистиҥ јерлежис ӱч туштажуны ойноп алган. Финалга чыгар туштажуда Россияныҥ јуунты командазыныҥ турчызы Виталий Кабалоевке јеҥдирткен ле кӱлер јеҥӱни ойноп алган. Юра бу јеҥӱзиле ороонныҥ јуунты командазыныҥ турчызы болгонын «быжулап» койды.

Ростов-на-Донуда ӧткӧн бу Чемпионатты алтай грек-рим кӱрешчилерге јарамыкту болгон деп айдып, одус јылдаҥ кайра ӧткӧн мындый ок Чемпионатты эске алып ийер керек деп сананып турум. Бу ла Ростов-на-Донуда ол тушта РСФСР-дыҥ ӧткӧн Чемпионадында алтай алып-баатырыс Аҥчы Самтаев јеҥип, јаан маргаандарга јолын ачкан эди.

Бис јеҥӱчилдерди уткыйдыс! 2021 јылда олордыҥ ороон ло телекей кеминде јеҥӱлери алтын болзын деп кӱӱнзейдис!

А. МАЙМАНОВА

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде