Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Вакцинацияны 700-теҥ ажыра кижи алган

25.01.2021

Алтай Республиканыҥ башчызы, башкарузыныҥ председатели Олег Хорохордин коронавирустыҥ инфекциязыла тартыжып турган штабтыҥ ээчиде јуунын ӧткӧн неделениҥ башталганында ӧткӱрген. Ол бӱгӱнги кӱнде бистиҥ тергееде коронавирустаҥ вакцинацияны јети јӱстеҥ ажыра кижи алган деп айткан.

Башчы анайда ок республикада бӱгӱнги кӱнге јетире коронавирусла 14849 кижи оорыган, 13865 кижи јазылган, мынызы — 93,4%, COVID-19-таҥ улам дезе 177 кижи божогон деп темдектеген. Неделе туркунына оорыган улустыҥ тоозыла (3%) Алтай Рес-публика Сибирьдеги федерал округта айалгалары кем јок деген тергеелердиҥ тоозына кирип јат деп айдар керек.

О. Хорохордин: «Бистиҥ тергееге вакцинаныҥ 1342 дозазы келген, тургуза ӧйдӧ вакцинация аайынча иш тӱрген тебӱлӱ, эрчимдӱ ӧдӱп јат. Бу иш Горно-Алтайсктаҥ ӧскӧ Кош-Агаш, Майма, Оҥдой, Чамал ла Чой аймактарда база башталган. Республикан ла аймактардыҥ эмчиликтеринде вакцинация эдерге таҥ эртедеҥ бичидиш јарлалган» — деп темдектеген.

Алтай Республиканыҥ башкарузыныҥ председателиниҥ ордынчызыныҥ молјуларын удурумга бӱдӱрип турган Динара Култуева јуунда јетирӱ эдип, бӱгӱнги кӱнде бистиҥ тергееде вакцинацияны 783 кижи алган, олордыҥ ортозынаҥ 195 кижи оны толо кеминде тургустырган, тургуза ӧйдӧ вакцинаныҥ дозалары  бастыра муниципал аймактарга аткарылган деп айткан.

Республиканыҥ баш санитар врачы Леонид Щучинов бойыныҥ кожулта сӧзинде бисте садуныҥ ла ашканалардыҥ организацияларын шиҥдеери аайынча рейдтер кидим ӧдӱп јат деп темдектеген. Роспотребшиҥжӱниҥ специалисттери бир неделениҥ туркунына 325 объекттиҥ ижин шиҥдеп кӧргӧндӧр. Оныҥ шылтузында тогузон тӧрт ајару эдилген ле олор аайынча протоколдор тургузылган.

Су-кадыкты корыырыныҥ министри Сергей Коваленко республикада коронавирустыҥ инфекциязыла југушталган улусты эмдеерге 515 орын тургузылган, бӱгӱнги кӱнде 300 орын иште тузаланылып јат, бош орындардыҥ фонды 47,7% деп айткан. Бу јуунда эмчиликтиҥ учреждениелеринде оору улусты шиҥдеери ле диспансеризация аайынча иштерди ойто орныктырары керегинде јӧп јарадылган.

Ӱредӱниҥ ле билимниҥ министриниҥ баштапкы ордынчызы Екатерина Чандыева тургуза ӧйдӧ тергееде дистанционный ӱредӱниҥ бӱдӱмине јӱк ле Майма јурттыҥ 2-чи таҥмалу школыныҥ бир клазы кӧчӱрилген деп темдектеген. Министрдиҥ баштапкы ордынчызыныҥ темдектегениле, колыштырылган эп-аргала дезе республикада бӱгӱнги кӱнде Карагайдагы школдыҥ бир клазы ла Горно-Алтайскта М. З. Гнездиловтыҥ адыла адалган политехнический колледж иштегилеп јат.

Санитар ла эпидемиологиялык айалгалардыҥ некелтелерин бӱдӱрип, Горно-Алтайскта, Кӧксуу-Оозында, Оҥдойдо, Турачакта ла Чойдо кинозалдар ойто иштеп баштаган. П. В. Кучияктыҥ адыла адалган театрда спектакльдарды кӧргӱзерин баштаары јанынаҥ сурак база шӱӱжилип јат. Эл театр ижин ойто орныктырза, тургузылган ээжилер аайынча оныҥ залында кӧрӧӧчилердиҥ тоозы 50 проценттеҥ кӧп эмес болор учурлу. А. В. Анохинниҥ адыла адалган эл музей эмди тургуза јӱк ле амыраар кӱндерде иштеп јат. М. В. Чевалковтыҥ адыла адалган эл библиотека ла балдардыҥ республикан библиотеказы олорго таҥ эртедеҥ бичиткен кычыраачыларга бичиктерди берерин баштап ийген. Је бу библиотекаларда кычыраачылардыҥ залдары эмди тургуза иштебей јат. Ол керегинде јетирӱни јуунда культураныҥ министри Ольга Антарадонова эткен.

Улусты ишле јеткилдеер тӧс јердиҥ ижин, кӧп функцияларлу тӧс јерде улусты очередьке тургузарын ойто орныктырары јанынаҥ куучын-эрмек ол кӱн штабтыҥ јуунында база ӧткӧн.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина