Кату оорулу улусты јӧмӧп

09.02.2021

Кочкор айдыҥ 4-чи кӱнинде Рак (кату) ооруларла тартыжарыныҥ телекейлик кӱни темдектелген. Оныла колбой тергеебисте Онкологиялык оорулардыҥ айлыгы ӧдӧт.

Ого учурлай республикан эмчиликтиҥ хирургиялык бӧлӱгиниҥ туразыныҥ јанында кату оорулу пациенттерди јӧмӧгӧн флешмоб ӧткӧн. Бу солун керекти Алтай Республиканыҥ су-кадыкты корыыры аайынча «Эл-јонныҥ су-кадыгыныҥ ла медициналык профилактиканыҥ тӧс јери» деп бюджет учреждениези, республикан эмчиликтиҥ онкологиялык тӧс јери, медициналык колледж ле Горно-Алтайсктыҥ јашӧскӱриминиҥ тӧс јери ӧмӧ-јӧмӧ тӧзӧгӧн.

Флешмоб онкологиялык тӧс јердиҥ кӧзнӧгиниҥ алдында ӧткӱрилген. Анда волонтерлор ло медициналык колледжтиҥ студенттери јуулган. Јииттер јергележип, онкологияла тартыжарыныҥ темдеги — толгой салган лента эдип туруп алала, теҥеридӧӧн кӧгӧлтирим-кызыл шарлар божотты.

Оноҥ ары колледжтиҥ студенттери тӧзӧмӧл-методикалык бӧлӱкти башкараачы, эмчи-методист Марина Бештиновала онкологиялык тӧс јердиҥ пациенттерине волонтерлордыҥ ла спонсорлордыҥ кӱчиле јуулган сыйлар табыштырган. Студенттер бойыныҥ колыла эткен открыткаларга јӧмӧгӧн јылу сӧстӧр бичиген. Онкологиялык тӧс јердиҥ бир де пациенти сый јогынаҥ артпады. Сыйлардыҥ текши тоозы 40 болгон.

Онкологиялык ооруларла тартыжарында профилактиканыҥ учуры керегинде онколог-эмчи Эдгар Кумаров куучындады. Ол су-кадык јӱрӱм јӱрер, таҥкылаштаҥ ла аракыдаштаҥ мойноор керек деп айтты. Эмчи онойдо ок бу оорулардыҥ сурагы текши телекейде курч турганын, ӱзеери ол «јиидиркеп» јатканын темдектеди. Оныҥ шӱӱлтезиле, онкология табыларына урбанизация ла улустыҥ бойыныҥ су-кадыгына, јадын-јӱрӱминиҥ аайына керексинбези јаан камаанын јетирет.

Алтай Республикада улус чыҥдыйы јаман јаҥы тижиктерле оорып турган учуралдар база кӧптӧп турганын айдар керек. Тергееде јылдыҥ ла беш јӱстеҥ ажыра андый учуралдар темдектелет. Алтай Республикада кату оорулу 3100 кижи бар — ол текши албатыныҥ тоозынаҥ 1,4 процент.

Калганчы он јылдыҥ туркунына улус бу оорула баштапкы катап оорыган учуралдар јарталганы кӧптӧгӧни темдектелет. Онызы онкопатология јакшы илелелип башталганын, эмчилер бу ооруларга анчада ла сергек болгонын, аҥылу јазалдар ла лаборатория барын керелейт. 2020 јылда баштап оорыган учуралдардыҥ тоозы 100 муҥ кижи бажына 242 болды. Текши Россия ичиле бу кӧргӱзӱ бийик — 100 муҥ кижиге 345,7.

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде