Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Агару кӱӱниле башкарынып

11.02.2021

Бистиҥ бӱгӱнги куучын-эрмегис Горно-Алтайск каладагы поликлиниканыҥ эмчи-терапевти Наталья ТАДЫКИНАЛА ӧдӧт.
Ол — јиит специалист, бойыныҥ ижине каруулу, кичееҥкей ле колы јымжак эмчи. Ол јаҥыс ла ченемелдӱ, билгири тереҥ эмчи эмес, је онойдо ок јӱрӱмди, албатызын акту јӱрегинеҥ сӱӱген келин. Бистиҥ куучын-эрмегисти ол бойыныҥ чыккан-ӧскӧн јери керегинде јетирӱдеҥ баштады:

—Мен Горно-Алтайскта чыккам. 2008 јылда каланыҥ баштапкы таҥмалу школын божодып, Томск калада Сибирский государственный медициналык университетке кирип, оны 2014 јылда божотком.

—Наталья Николаевна, Слерге ӱредӱни талдап аларга кем болушкан?

—Меге бу ӱредӱни талдап аларга энем болушкан. Эмчиниҥ ижи кӱч те, каруулу да болзо, улусты эмдеп, олорго болужар кӱӱним јаан болгон. Онызы, байла, јӱрӱмде јуук улузымды јылыйтканым учун. Онойып мен школдо јакшы ӱренип, талдап алган ӱредӱме бир де алаҥзыбай, экзамендерди јеҥӱлӱ табыштырала, университетке кирип алдым. Баштапкы јылда ӱренерге кӱч те болзо, је сӱреен јилбилӱ болгон. Бу ӱредӱде бойыма кӧп ачылталар эттим.

—Томск — Сибирьдиҥ эҥ јаан калаларыныҥ бирӱзи. Мындагы университеттерде јарлу профессорлор ло преподавательдер иштеп јат. Слер практикаларды, интернатураны кайда ӧткӧнигер?

—Интернатураны Томск калада 10-чы таҥмалу поликлиникада поликлинический терапияныҥ кафедразында «терапия» деп специальность аайынча ӧттим. Мында эмчи-терапевттиҥ ижине ӱренгеним меге јаан ченемел берген. Јакшы улусла кожо иштеп баштаганым јӱрӱмиме база тузалу болды. Интернатураныҥ кийнинеҥ тӧрӧл јериме, билеме јанып келдим.

Ишмекчи јолымды Горно-Алтайск каланыҥ поликлиниказында баштагам. 2015 јылдыҥ сыгын айыныҥ 21-чи кӱнинеҥ ала республикан эмчиликтиҥ поликлиниказында участковый эмчи-терапевт болуп иштейдим. 2018 јылдыҥ сыгын айыныҥ 1-кы кӱнинеҥ ала 2020 јылдыҥ кочкор айыныҥ 2-чи кӱнине јетире Алтай Республиканыҥ су-кадык аайынча министерствозында штатта эмес баш терапевттиҥ ижинде иштедим.

—Јиит кижиниҥ јӱрӱминде студент болгон ӧйлӧр эҥ ле јакшы ла јаркынду. Слер студент ӧйигерде кандый солун, јилбилӱ керектерде турушканыгар?

—Университетте ӱренип турала, мен качан да  тегин отурбайтам, кандый ла иш-керектерде эрчимдӱ турушкам. Темдектезе, волонтерлордыҥ кыймыгузында јакшызынып туружып туратам. 2013 јылда Татарстанныҥ тӧс калазы Казаньда Телекейлик јайгы XXVII универсиадада медик-волонтер болгом. Бу ла јыл Томск областьтыҥ адынаҥ мен «Доброволец года» деп дипломло кайралдаттым.

Анайда ок «Сочи-2014»  деп Олимпий оттыҥ Томскто эстафетазында эрчимдӱ туруштым. Јаркынду мындый элестер качан да ундылбас эмей.

—Коронавирусла тартыжып турган ӧйдӧ эмчилердиҥ ижиниҥ учуры сӱрекей јаан. Слер улустыҥ јӱрӱмин аргадаарын, су-кадыгын корыырын баштапкы јерге тургузадыгар. Иштеер айалгалар кандый ла болгон ине, ол јанынаҥ айдып ийзегер?

—Чындап та, эмчиниҥ ижи амыры јок, эҥ кӱч иш. Пандемияныҥ ӧйинде бистиҥ поликлиниканыҥ эмчилери ле орто бӧлӱктиҥ медишчилери ӧмӧ-јӧмӧ,  нак иштеген де, иштеп те јат. Бойлоры 2-3 катаптаҥ оорыйла, ойто ло ишке чыгат. Мен база канча катап оорыдым. Бу кызу ӧйдӧ поликлиникада  эмчи-терапевттер де једишпей барган ӧй болгон ине. Јаантайын алдыртуларга јӱрӱп, улуска болужып, олордыҥ су-кадыгын корыырында турумкай иштегенис. Је ончо уур-кӱчтерди ӧдӱп  чыгарыс деп иженип бӱткенис.

—Школдыҥ кийнинеҥ ӱредӱге кирерге турган балдарга нени кӱӱнзеп айдарыгар?

—Элдеҥ ле озо, школдыҥ экзамендерин јакшы темдектерге табыштырала, амадаган ӱредӱге кыйалтазы јогынаҥ кирерге, турумкай чырмайар керек.

Эл-јоныстыҥ су-кадыгы бек болзын, оору-јобол јууктабазын, кӱӱн-санаагар јарык болзын, омок-седеҥ јӱрӱгер.

—Эрмек-куучын учун јаан быйан, амадуларыгар бӱтсин, ижигерде јаҥы једимдер, ырысту јӱрӱм кӱӱнзейдим.

 

Л. КЛЕШЕВА куучындашкан

 

ТОП

Положение о конкурсе рисунков «Јакшыга экелген бир учурал» («Случай, сподвигнувший к совершению доброго поступка»)

  УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 04.02.2022 № 6/1 __________ Триянова С.В.      Положение о конкурсе рисунков «Јакшыга экелген бир учурал» («Случай, сподвигнувший к совершению доброго поступка»), посвященном 100-летию национальной газеты «Алтайдын Чолмоны»   Общие положения Положение определяет условия, основы организации и проведения творческого конкурса, посвященного 100-летию республиканской

Положение о литературном конкурсе «КУУЛГАЗЫН КААЛГА» («Волшебные ворота»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 04.02.2022 № 6/1 __________ Триянова С.В.        ПОЛОЖЕНИЕ о литературном конкурсе юных писателей—авторов сказок, посвященный 100-летию национальной газеты «Алтайдын Чолмоны», «КУУЛГАЗЫН КААЛГА» («Волшебные ворота»).   Организатор: АУ РА «Редакция газеты «Алтайдын Чолмоны».   Общие положения Положение определяет условия, основы организации и проведения

Положение о конкурсе молодых журналистов «МӦҤӰН КАЛАМ» («Серебряное перо»)

  УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 24.01.2022 № 6/1 __________ Триянова С.В.       Положение о конкурсе молодых журналистов, посвященном 100-летию национальной газеты «Алтайдын Чолмоны», «МӦҤӰН КАЛАМ» («Серебряное перо»)     Общие положения Положение определяет условия, основы организации и проведения творческого конкурса, посвященного 100-летию республиканской массовой газеты «Алтайдын Чолмоны». Настоящее Положение