Агару Валентинниҥ кӱнин слер темдектеерер бе?

11.02.2021

Агару Валентинге учурлаган байрамды текши Россия ичинде 90-чы јылдардыҥ бажынаҥ ала јашӧскӱрим темдектеп баштаган. Калганчы ӧйдӧ бу бистиҥ байрам эмес дежип, јамандажып, јашӧскӱримди оноҥ туураладар улус база табылган. Текши Россия ичинде «Билениҥ, сӱӱштиҥ, чындык болорыныҥ кӱнин» — православиениҥ агару Петр ле Февронияга учурлалган байрамды јӱрӱмге кийдиргендер. Бӱгӱн бистиҥ кычыраачыларга кочкор айдыҥ 14-чи кӱнинде Агару Валентинниҥ, эмезе Сӱӱшкендердиҥ телекейлик кӱнин темдектеерер бе деп суракла баштандыс.

Евгений, аргачы: «Мен сананзам, кажы ла эр кижи, бойына јарап турган кижизи бар болзо, бойыныҥ келер ырысту јӱрӱмине јол ачарга, Сӱӱшкендердиҥ телекейлик кӱнин темдектеер учурлу. Кыс кижи мен андый байрам билбезим деп айдып та турза, эр кижи ол кижиге ајару эдип, оныҥ кӱӱн-санаазын кӧдӱрер учурлу. Кафеге кычырарга эмезе сӱӱген чечектерин сыйлап берерге».

Ирина, полицейский: «Мен бойымныҥ јӱрӱмимди кандый бир учурлу кӱндерле колбоп, кемнеҥ де сый сакыыр кӱӱним келбейт — тулаан айдыҥ 8-чи кӱни де болзын, Агару Валентинниҥ де. Агару улустыҥ кӱндерин база темдектебейдим, магазинде јаткан кызыл-чоокыр јӱректерди, соцсетьтерде салынган фотојуруктарды база сӱӱбейдим. Ырыс амыр-энчӱни ле тымыкты сӱӱйт деп бодойдым. Сӱӱген кижизин сӱӱндирерге кандый бир кӱнди сакыбай ла бойлорын улустыҥ алдына кӧргӱспезинеҥ де јӱрер арга бар. Калганчы ӧйдӧ бу байрамдар маргаандарга тӱҥей болуп калган, кемниҥ эш-нӧкӧри бай, кем эҥ ле јаан ла јараш букетти сыйга алган».

Аржан, МЧС-тыҥ ишчизи: «Эйе, бу байрамды бис темдектеерис. Ол бисте јакшы јаҥжыгу болуп калган. Јаан сый этпезим, је чечекти сыйлаарым, киного барып келерис. «Мен сени сӱӱйдим!» деп база бир катап айдарым».

Динара, бухгалтер: «Мен сананзам, бу јакшы, јалакай байрам. Бистиҥ эмдиги ӧйдӧ ончо улуста бош ӧй јок, кезикте јанындагы кижиге ајару эдилбей јат. Агару Валентинниҥ кӱни — ол эҥ ле јарык байрам. Бисте кыш узун, кар јаан, соок, оныҥ учун бу байрам биске керек, кӱӱн-санаабысты кӧдӱрерге. Бу байрамды кыјыктап, јамандаган улус јанында сӱӱген кижизи јок улус болор бо? Петр ла Февронияныҥ кӱнин айыл-јуртту улус темдектеп турган болзо, бойдоҥ улуска бу байрам керек. Анчада ла бу байрамды школдыҥ балдары јакшы кӧрӱп, «валентинкалар» деп, сӱӱжин керелеген кичинек јӱректер сыйлажадылыр».

Юлия, студент: «Бу байрам мениҥ эҥ ле сӱӱген байрамым. Чыккан кӱнимниҥ кийнинеҥ бу байрамды темдектейдим. Мениҥ сӱӱгеним мени јылдыҥ ла сӱӱндирет. Бу байрамды сӱӱбей тургандар — ол јӱрӱмге ачынган ла калју улус. Мен сананзам, байрамдар кӧп болзо, јӱрӱм де сӱӱнчилӱ болор. Оныҥ учун Чага байрамды да, Јылгайакты да, оноҥ до ӧскӧ байрамдарды темдектеер ле керек».

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым