Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Јерлежистиҥ једими

11.02.2021

В. К. Плакастыҥ адыла адалган республикан гимназияныҥ ӱренчиги Екатерина Ищерякова Д. И. Менделеевтиҥ адыла адалган билим-шиҥжӱ иштердиҥ бастырароссиялык конкурсында ӱчинчи јер алган.

Конкурста Российский Федерацияныҥ 60 тергеезинеҥ 300-теҥ кӧп туружаачы болгон.

Екатерина Ищерякова «Промышленность ло производствоныҥ технологиялары бӧлӱкте шиҥжӱ иштер» ууламјы аайынча «Чичке јалбыракту кипрейдеҥ ферментированный чай белетеериниҥ технологиязы» деген темага доклад кычырган. Бу иш республикан гимназияда 2020 јылда тӧзӧлгӧн естественнобилим циклдыҥ лабораторный тӧс јеринде эдилген. Ферментированный чай Алтай Республиканыҥ тӱндӱк-кӱнчыгыш бӧлӱгинде ӧзӱп турган чичке јалбыракту кипрейдеҥ белетелген. Анайып, бу ӧзӱмниҥ јалбырагыныҥ ферментациязын эдерге јаҥыртылган эп-сӱмеге тӧзӧлгӧлӧнип, биологически эрчимдӱ ингредиент алынган. Туулу Алтайдыҥ кипрейинде дубильный веществолордыҥ кеми – 52,78 процент, аскорбиновый кислотаныҥ кеми дезе 1,69 процент.

Конкурстыҥ амадузы – российский билимге ӱренеечилердиҥ јилбӱзин тыҥыдары ла олорды билим-шиҥжӱ ишке белетеери. РФ-тыҥ ӱредӱ министерствозыныҥ јакарузы аайынча конкурстыҥ јеҥӱчилдериниҥ ле призерлорыныҥ турулталары вузтарга кирер тушта ајаруга алынар.

ТОП

Чӧрчӧккӧ кирген јерлер

Республикабыстыҥ улузыныҥ солундарла ӱлежип, куучын-эрмек ӧткӱрген чаттарыныҥ бирӱзинде јуукта тӧрӧл јеристиҥ аттары, нениҥ учун мынайда адалганы, кезик јерлердиҥ аттары ӧй ӧткӧниле канайда кубулып турганы керегинде солун куучын ӧткӧн. Јерлердиҥ аттарын чын бичиири, бу ишти кем ле канайда эдери јанынаҥ эрмек-куучын башталганы «Алтайдыҥ Чолмонында» база удай берген. Бу сурактарды кычыраачыларыс улайын кӧдӱрет. Бисле одоштой јаткан тергеелерде

Јеҥӱ бистиҥ болор!

Кӱчӱрген айдыҥ 24-чи кӱнинде Горно-Алтайскка јарлу боксер, WBA, IBF версиялар аайынча телекейдиҥ чемпионы Денис Лебедев келип јӱрген. Денис Албаты фронтыныҥ «Ончозы јеҥӱге» деген ӱлекериниҥ амбассадоры болот. Ӧткӧн јайда ол ДНР-дыҥ Албаты милициязыныҥ аҥылу ууламјылу 3-чи таҥынаҥ бригадазына гуманитар болуш јууп, бойы јетирген. Ол тушта подразделениеге бронежилеттер, каскалар, цифровой рациялар, квадрокоптерлер, тепловизорлор ло кийим-тудум јетирилген. Денис

Эл-јонло чике колбуда

Кӱчӱрген айдыҥ 24-чи кӱнинде Алтай Республиканыҥ башчызы Олег Хорохордин «Чике линия» ӧткӱрген. Ол ӱч саатка улалган. Бу ӧйгӧ 400 сурак келген, оныҥ 40 кирези чике эфирде угузулган. «Чике линия» «Эл Алтай» ГТРК-ныҥ эфиринде, Алтай Республиканыҥ башкарузыныҥ «ВКонтакте» ле «Одноклассники» јондык сетьтердеги бӱктеринде кӧргӱзилген. Оны телекӧрӱлтениҥ ӧткӱреечизи Иван Яськов ӧткӱрген. Тергееде јаткандарла мындый баштапкы куучын ӧткӧн