Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Чага-Байрам — албатыныҥ текши байрамы

15.02.2021

Алтай јылтоолош аайынча Јаҥы јыл киргенине — Чага-Байрамга учурлай чӱм-јаҥ кочкор айдыҥ 14-чи кӱнинде эртен тура Горно-Алтайск калада Туу-Кайа кырда ӧткӱрилген.

Бу чӱм-јаҥда турушкан улус сӱттеҥ белетелген аш-курсакла кӱндӱлеш эткен, кыйра-јаламаларды буулаган, Алтайына бажырып, алкыш-быйанын ла албаты-јонго кӱӱнземелдерин айткан. Улус акту јӱрегинеҥ албаты-јонго амыр-энчӱ јадын-јӱрӱм, тӧрӧл ороонго ло  албатыга турумкай ичкери ӧзӱм, кажы ла биледе не-неме јеткилинче болзын, мал-аш арбындай ӧссин деп кӱӱнзеген.

Албатыныҥ байрамыныҥ бу чӱм-јаҥын ӧткӱреринде Алтай Республиканыҥ башчызы Олег Хорохордин, Эл Курултайдыҥ председателиниҥ молјуларын бӱдӱреечи Герман Чепкин, Горно-Алтайсктыҥ администрациязыныҥ јааны Ольга Сафронова, аксакалдар ла ӧскӧ дӧ улус турушкан.

Тергеениҥ башчызы Олег Хорохординниҥ айтканыла, албаты-јон бу байрамды ачык-јарык кӱӱн-санаала уткыйт, јебрен ӧйлӧрдӧҥ бери улалып келген јаҥжыгулар албаты бойыныҥ тӧрӧл јерин сӱӱп, корып ла чеберлеп турганын керелейт.

Герман Чепкинниҥ шӱӱлтезиле, Чага-Байрам албатыныҥ эҥ сӱӱген байрамдарыныҥ бирӱзи болуп јат. Улус Ак байрамла келер ӧйгӧ ижемјилерин, јадын-јӱрӱм јакшы јанындӧӧн кубуларын колбойт.

Быјыл коронавирус деген оору-јобол таркап турганынаҥ улам, бу байрамга учурлалган керек-јарактар онлайн аайыла ӧткӧн.

Уй јылда јадын-јӱрӱмис амыр-тыш болзын, коронавирус деген оору-јобол јоголып барзын, мал-ажыс кыш-јастаҥ јакшы кӱчтӱ чыксын, улустыҥ ару амадулары јӱрӱмде бӱтсин!

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина