Темдектелген иштер толо эдилген

25.02.2021

Россия Федерацияныҥ президентиниҥ Сибирьдеги федерал округтагы чыдулу чыгартулу кижизи Сергей Меняйло кӧп квартиралу туралардыҥ капремонтыныҥ программаларын бӱдӱрери аайынча јуун ӧткӱрген.

2020 јылда Сибирьдиҥ тергеелеринде кӧп квартиралу туралардыҥ текши ар-јӧӧжӧзиниҥ капитальный ремонтыныҥ программаларын бӱдӱрери канайда ӧткӧни аайынча јуунда Алтай Республиканыҥ башчызы Олег Хорохордин база турушкан.

Јуунда анайда ок «Жилищно-коммунальный ээлемди јаҥыртарын јӧмӧӧр фонд» деп государственный корпорацияныҥ генеральный директоры Константин Цицин, Россияныҥ Генеральный прокурорыныҥ ордынчызы Дмитрий Демешин, Федерацияныҥ округыныҥ тергеелериниҥ башкараачылары турушкан.

Жилищно-коммунальный ээлемди јаҥыртарын јӧмӧӧр фондтыҥ кӧргӱзӱлери аайынча 2020 јылдыҥ туркунына Сибирьдиҥ тергеелеринде кӧп квартиралу 5,8 муҥ кире турада јазал иштер ӧткӧн. Мынызы темдектелген планныҥ 85 проценти болуп јат. Темдектелген иштер Алтай ла Тыва республикаларда, Алтайский крайда, Омский ле Томский областьтарда толо бӱткен. Эдилген иштиҥ эҥ ас кеми Красноярский крайда ла Кемеровский областьта деп, Россияныҥ президентиниҥ Сибирьдеги федерал округтагы чыдулу чыгартулу кижизиниҥ пресс-службазы јетирет.

«Тургузылган планды бӱдӱрбегени – системный сурак. Ол капремонттыҥ тергеелик операторлорыныҥ бу ишти тӧзӧӧринде једикпестер эткенинеҥ улам болгон. Учурлу болгоны – айалганы шиҥдеп, мынаҥ ары темдектелген иштерди оноҥ орой ӧйлӧргӧ кӧчӱрбейтени» – деп, полпред айткан.

Капитальный јазал иштердиҥ программазын бӱдӱрбегениниҥ шылтактарыныҥ бирӱзи јӧптӧжӱлерди ӧйинде тургуспаганы болуп јат. «Бу јылда темдектелген ӧйлӧр орой ӧйлӧргӧ кӧчӱрилбезин деп, конкурстарды ӧткӱрерин ле подрядный организацияларла јӧптӧжӱлер тургузарын ӧйинде эдер керек» – деп, президенттиҥ чыгартулу кижизи темдектеген.

Ол темдектелген иштердиҥ тооломын тергеелердиҥ фондторыныҥ чотторында арткан акчаларга келиштирте јаҥыдаҥ кӧрзин деген јакылта берген. «Улус капитальный јазал иштер учун взностор тӧлӧйт, бу јеткилдеш олорго толо кеминде јетирилер учурлу. Улус јазал иштер эдилген тураларда јадар учурлу» – деп, Сергей Меняйло аҥылап темдектеген.

Ол анайда ок подрядный организациялардыҥ бӱдӱрген ижи учун тӧзӧлӧ берген тӧлӱлерге ајару этсин деген. Тӧлӱлер тӧзӧлӧ бергениниҥ тӧс шылтактарыныҥ тоозында тергеелик фондтордыҥ бӱдӱреечилерле чоттомолдоры тӱрген ӧткӱрилбегени, эдилген иштиҥ чыҥдыйына ајарулар орой эдилгени болуп јат.

Сергей Меняйлоныҥ айтканыла, подрядчиктерле тӧзӧлгӧн јарамыкту ӧмӧ-јӧмӧ иш ле иштер канайда ӧдӱп турганын јаантайын ајаруда тудары капитальный јазал иштиҥ программазын чыҥдый ла темдектелген ӧйлӧрдӧ бӱдӱрер арга берер.

АР-дыҥ башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина