Денистиҥ јаркынду јеҥӱзи!

01.03.2021

Австрияныҥ Обертиллиахе јеринде биатлон аайынча юниорлор ортодо ӧткӧн телекейлик чемпионатта јерлежис Денис ИРОДОВ кочкор айдыҥ 27-чи кӱнинде 12,5 километрге таҥынаҥ маргаанда баштапкы јер ойноп алган.

Wcbiathlon.ru-ныҥ јетиргениле, Денис Иродов мылтыктаҥ адатан баштапкы рубежте эки катап јазып ийген, арткан ӱч рубежти «ару» ӧткӧн. Анайып, 18 јашту спортчы алтын медальды ойноп алган! Француз Эдгар Жени экинчи јерде болгон. Ол ӱч катап јаскан ла јерлежиске 32 секундка ойнодып ийген. Ӱчинчи јерде австриец Леон Кинесбергер.

«Чаналу јыҥылап барадала, тӱрген барып јатканымды оҥдоп, јеҥӱлӱ јерлердиҥ бирӱзин аларым деп билип тургам. Је эки јазышту болуп, баштапкы јерге чыга берерим деп сананбагам да» — деп, ырысту чемпион айткан.

Быјыл чаган айда Уфада 17-18 јашту јииттер ортодо телекейлик первенствого талдашту бастырароссиялык маргаандар ӧткӧн эди. Анда мылтыктаҥ адатан тӧрт рубежтӱ узуны 12,5 километр дистанцияда Денис мӧҥӱн медаль ойноп алган.

Денис Горно-Алтайсктыҥ государственный университединиҥ психолого-педагогический факультединиҥ студенти. Ол биатлон аайынча Россияныҥ спортыныҥ узы, чаналу маргыжары аайынча спорттыҥ узына кандидат, спорттыҥ бу бӱдӱмдериле Сибирьдеги федерал округтыҥ маргаандарыныҥ јеҥӱчили ле призеры, биатлон аайынча бастырароссиялык маргаандардыҥ јеҥӱчили ле призеры, јииттердиҥ 2020 јылда Лозаннада ӧткӧн III кышкы Олимпийский ойындарыныҥ эки катап мӧҥӱн призеры.

Денис Горно-Алтайскта чыккан ла чыдаган. Спорттогы јол-карьеразын 2010 јылда Горно-Алтайск каланыҥ ДЮСШ-зында адазы Вадим Иродовтыҥ башкарганыла баштаган. 2019 јылдаҥ бери Денис спорттыҥ кышкы бӱдӱмдериниҥ спортивный школында тазыктырынат. Адазы эмдиге ле јетире тазыктыраачызы болуп јат.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина