Премьер-министр — Алтай Республикада

04.03.2021

Тулаан айдыҥ 3-чи кӱнинде Россия Федерацияныҥ башкарузыныҥ председатели Михаил Мишустин бистиҥ республикага окылу јол-јорыкла келип јӱрген.

Премьер-министр јурт ээлемниҥ предприятиелеринде болуп, оныҥ иштериле танышкан. Ол Майма јуртта тудулып јаткан «Амза» деген агропромышленный паркта, «Нарине» деп компанияда, Горно-Алтайскта республикан классический лицейде болгон. Ол анайда ок А. Анохинниҥ адыла адалган эл музейде Алтай Республиканыҥ ла Алтайский крайдыҥ турбизнезиниҥ чыгартулу улузыла јуун ӧткӱрген. Михаил Мишустин јол-јорыктыҥ турулталары аайынча Алтай Республиканыҥ башчызы, башкарузыныҥ председатели Олег Хорохординле туштажып, тергеениҥ јонјӱрӱмдик ле экономикалык ӧзӱмине учурлалган сурактарды шӱӱшкен.

Россия Федерацияныҥ башкарузыныҥ председателиниҥ јол-јорыгында анайда ок РФ-тыҥ ӱредӱлик аайынча министри Сергей Кравцов, јурт ээлемниҥ министри Дмитрий Патрушев, экономикалык ӧзӱм аайынча министр Максим Решетников, акча-манаттыҥ министри Антон Силуанов, строительство, жилищно-коммунальный ээлем аайынча министр Ирек Файзуллин ле туризмниҥ федерал агентствозыныҥ јааны Зарина Догузова турушкандар.

Тулаан айдыҥ 3-чи кӱнинде ороонныҥ башкарузыныҥ премьер-министри Михаил Владимирович Мишустинге бежен беш јаш толгон. Оныҥ чыккан кӱни Алтай Республикага келген јол-јорыгына келижип калганында кандый да учур бар деп темдектелет. Је М. Мишустин бистиҥ тергееге келердеҥ озо јолой Алтайский крайда болуп, бу тергеениҥ јонјӱрӱмдик ле экономикалык ӧзӱминиҥ сурактарыла база ныктай ла элбеде иштеген. Толо јажы толгон кӱнде дезе бистиҥ тергееде таҥ эртен турадаҥ ала бозомго јетире јурт ээлемниҥ, ӱредӱниҥ, туризмниҥ ле ӧскӧ дӧ бӧлӱктердиҥ ууламјыларыныҥ айалгаларыла јууктада таныжып, элбек кемдӱ јуундар ӧткӱрген. Оныҥ јол-јорыгы керегинде бичимелдерди бистиҥ газеттиҥ орус тилле чыгып турган «Родник» деп коштончы газединиҥ бӱгӱнги номеринеҥ кычырар арга база бар.

П. КАБАР

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым