Шабалинде кышты ӱйдешкендер

15.03.2021

Тулаан айдыҥ 14-чи кӱнинде Шабалин јуртта Культураныҥ ла амыраарыныҥ паркында «Масленица — Јылгайак» деп адалган байрам ӧткӱрилген. Кышты ӱйдежерине учурлалган бу байрам сӱӱнчилӱ айалгада ӧткӧн.

Оны Масленица, Јылгайак деп байрамдардыҥ јаҥжыгуларын, чӱм-јаҥдарын чеберлеп алар ла элбедер амадула Шабалинниҥ јурт јеезези ле «Шабалин аймактыҥ культуразыныҥ тӧс јери» деп муниципал бюджетный учреждение ӧткӱрген.

Байрам эртен тура мӱргӱӱлдеҥ башталган. 10.00 саатта устардыҥ эдимдериниҥ ле јурт ээлемниҥ продукциязыныҥ јарымказы ӧткӧн. Байрамныҥ кӧдӱриҥилӱ ачылтазы 11.00 саатта болгон.

Јурт јеезениҥ јааны Мерген Чичканов јуулган улусты уткуп, кӧп укту эл-јон јуртап јаткан Шабалин јуртта бу байрам амыр-энчӱни тыҥыдарына, келер ӧйгӧ ижемјилӱ ле бӱдӱмјилӱ кӧрӧргӧ камаанын јетирет деген.

«Шабалин аймак» муниципал тӧзӧлмӧниҥ башчызы Эрчим Сарбашев уткуулду сӧзинде мынайда айткан: «Бӱгӱн бис бир уунда Јылгайакты ла Масленицаны темдектейдис. Бу эки башка байрам башка культуралардаҥ ла мӱргӱӱл јаҥдардаҥ келген деп чотолот. Је мен Масленицаныҥ ла Јылгайактыҥ тазылдары јаҥыс деп бӱдедим. Олор јебрен-языческий ӧткӧн ӧйдӧҥ келген, јаҥыртуныҥ, јас келгениниҥ сӱр-темдеги болот, экилезинде бир ле культтар – кӱн ле от. Чӱм-јаҥдары да тӱҥейлеш. Мен сананзам, мыныҥ бастыразы тегиндӱ эмес. Ол ада-ӧбӧкӧлӧристиҥ биске аткарган кычыру-баштанузы ошкош, амыр-энчӱ ле јӧптӱ јуртазын, уур-кӱчтерди кожо ӧтсин, бой-бойыныҥ сӱӱнчизиле ӱлешсин дегендий».

Јурттыҥ тӧс тепсеҥинде кӱрее јаҥар, Масленицаныҥ наадайын уткыыры, масленичный хоровод ӧткӱрилген. Анда ла ок национальный курсактардыҥ фестивали болгон. «Весенний разгуляй» деп адалган программа, «Молодецкие забавы» деген конкурс, балдар ортодо ӧткӱрилген јӱзӱн-башка солун маргаандар, анайда ок јаан улус ортодо ӧткӧн маргаандар, ол тоодо тоҥжаан јӱгӱриш, тош столмого чыгары, армакчы тартары ла оноҥ до ӧскӧзи келген улустыҥ кӱӱн-санаазын кӧдӱрген деп айдар керек. Спорт маргаандар анайда ок командалар ортодо база ӧткӧн.

Конкурстардыҥ, маргаандардыҥ јеҥӱчилдерине јакшынак сыйлар табыштырылган. Мынайып Шабалин јурттыҥ эл-јоны кышты ӱйдежип салды.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина