Ээжи-некелтелерди бӱдӱрери кату ајаруда болор учурлу

18.03.2021

Алтай Республиканыҥ башчызы Олег Хорохордин тулаан айдыҥ 15-чи кӱнинде коронавирус југуш ооруныҥ таркаарын болдыртпазы аайынча оперативный штабтыҥ јуунын ӧткӱрген.

«Ӧткӧн неделе туркунына коронавирусла колбулу айалга турумкай эмес болды, озо баштап бу оорула оорыган улустыҥ тоозы астаганы, оноҥ такып кӧптӧгӧни темдектелген. Калганчы неделеде 109 кижи оорыганы темдектелген. Бу кӧргӱзӱ, оноҥ озо неделедийине кӧрӧ, 19 процентке астаган» — деп, тергеениҥ башчызы айткан.

Олег Хорохординниҥ темдектегениле, бастыра ӧйдиҥ туркунына бу оорула 16469 кижи оорыган. Јазылып тургандардыҥ ӱлӱзи кӧптӧйт лӧ 98,2 процентке јеткен. Бастыра 16181 кижи јазылган.

«Тергееде вакцинацияны ӧткӱретени јаан учурлу сурак болуп артканча. Тулаан айдыҥ бажында тергее ӱзеери 1500 доза вакцина алган. Бӱгӱнги кӱнге јетире бастыра 9002 доза «Спутник V» вакцина келген. Прививка тургузар кампания темдектелгени аайынча ӧдӧт» — деп, башчы айткан.

Алтай Республиканыҥ башкарузыныҥ председателиниҥ ордынчызыныҥ молјуларын бӱдӱреечи Динара Култуеваныҥ айтканыла, бӱгӱнги кӱнге јетире вакцинаны 8244 кижи тургус-
тырган. Мынызы темдектелген планныҥ 10 проценти болот. 5423 кижи вакцинаны экинчи катап тургустырган.

Оныҥ темдектегениле, коронавирустаҥ вакцина тургузары аайынча јаан иш Кош-Агаш аймакта ӧдӧт. Анда улуска анайда ок чума оорудаҥ прививка тургузадылар. Анда тууразынаҥ келген бригадалардыҥ ижи база тӧзӧлгӧн болгон. Улусты вакцинацияныҥ пунктына јетире тартып экелгендер, коронавирустаҥ вакцинаныҥ берилген дозаларыныҥ бастыразы тузаланылган.

Динара Култуева ӱч медицинский организацияда коронавирусту улуска 260 орын белетелгенин айткан. Амбулаторный эмдениште улус акча тӧлӧбӧзинеҥ керектӱ эмдерле јеткилделген.

АР-дыҥ башкарузыныҥ председателиниҥ ордынчызы, АР-дыҥ башчызыныҥ ла АР-дыҥ башкарузыныҥ бирлик аппарадыныҥ јааны Михаил Маргачев тергеениҥ муниципал тӧзӧлмӧлӧринде эпидемияны болдыртпазы аайынча режимниҥ некелтелерин бӱдӱрериле колбой ӧткӱрип турган рейдовый иштер керегинде јетирӱ эткен.

Калганчы неделе туркунына 500-теҥ кӧп рейдовый керек-јарактар ӧткӱрилген. Олордыҥ турулталары аайынча 41 бузуш темдектелген. Вице-премьердиҥ айтканыла болзо, Улаган, Турачак, Кош-Агаш аймактардыҥ администрацияларына бу ууламјы аайынча иштерди эрчимдедер керек.

Ӱредӱлик организацияларда айалга керегинде АР-дыҥ ӱредӱ ле билим аайынча министри Ольга Саврасова айткан.

Бӱгӱнги кӱнге јетире бӧлӱктей кирелендириштер сегис школдыҥ он клазына кийдирилген: коронавирус аайынча Горно-Алтайсктыҥ 3-чи таҥмалу гимназиязында, кадеттердиҥ 4-чи таҥмалу школында, А. Н. Ленкинниҥ адыла адалган 8-чи таҥмалу школдо, Кош-Агашта Л. И. Тюкованыҥ адыла адалган школдо, Чойдыҥ ла Сугаштыҥ школдорында, ОРВИ-ле Билӱлӱниҥ школында ла Майманыҥ 3-чи таҥмалу школында.

Бӧлӱктей кирелендириштер эки садикте – Горно-Алтайсктыҥ 12-чи таҥмалу «Березка» садигинде ле Шашыкманныҥ школыныҥ филиалы болуп турган «Солнышко» садикте – кийдирилген.

Тергеениҥ баш санитар врачы Леонид Щучинов санитарный ээжилерди буспазын, рейдовый керек-јарактарды тыҥытсын деген кычыру эткен. Оноҥ ӧскӧ ол Кош-Агаш аймакта темдектелген планнаҥ бӱгӱнги кӱнге јетире балдардыҥ 80 проценти ле јаан улустыҥ 40 проценти чума оорудаҥ прививка алганын айткан. Баш санитар врач анайда ок эл-јонго клещевой энцефалиттеҥ вакцинаны база тургустырарын ундыбас керек деген.

Олег Хорохордин вакцинация аайынча кампанияны ӧткӱрери ле эпидемияны болдыртпазы аайынча ээжилерди буспазы сӱреен керектӱ болгонын темдектеген. Ол масочный режимди бузуп, керек-јарактар ӧткӱрип турган организацияларга јаан ајару эткен.

Тергеениҥ башчызы штабтыҥ турчыларына ла муниципал тӧзӧлмӧлӧрдиҥ јаандарына баштанып: «Бастыра Россия ичинде коронавирусла колбулу айалга оҥдолот, је Европада јаҥы кирелендириштер кийдирип турганын, оорыган улустыҥ тоозы кӧптӧп јатканын слер кӧрӧдигер. Биске айалганы коомойтыдарга јарабас. Тергеебиске туристический сезонныҥ ачылтазына, Алтай Республиканыҥ тӧзӧлгӧнинеҥ ала 30 јылдыгына, алтай албатыныҥ бойыныҥ кӱӱниле Российский государствого киргениниҥ 265 јылдыгына учурлалган юбилейлик керек-јарактарды, алтай албатыныҥ Эл-Ойын байрамын ӧткӱрерине белетенер керек» — деп айткан.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина