Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Премьер-министр бир канча јакылталардыҥ тооломын јӧптӧгӧн

22.03.2021

РФ-тыҥ башкарузыныҥ председатели Михаил Мишустин Алтай Республикада ишмекчи јол-јорыкла болгон кийнинеҥ федерал профильный министерстволорго бир канча јакылталар берген.

Чокымдап айтса, Россияныҥ Минӱредӱлигине, Минстройына ла Минфинине Алтай Республиканыҥ башкарузыла кожо Горно-Алтайскта Республикан классический лицейге тура тударыныҥ сурагын 2021 јылдыҥ кӱӱк айыныҥ 20-чи кӱнине јетпей јадып белетеерин јеткилдезин деген јакылта берилген.

Государственно-таҥынаҥ ӧмӧ-јӧмӧ иштиҥ эп-аргаларына тӧзӧлгӧлӧнип, лицейди текшиӱредӱлик организацияларда ӱзеери јерлер тӧзӧӧри јанынаҥ Россия Федерацияныҥ «Ӱредӱликтиҥ ӧзӱми» деген государственный программазы аайынча тудары пландалат деп, Россияныҥ башкарузыныҥ сайты јетирет.

Анайда ок Алтай Республиканыҥ башкарузына Республикан классический лицейге общежитие тудары аайынча шӱӱлтелерди кандык айдыҥ 20-чи кӱнине јетпей јадып белетеп берзин деп јакылта берилген. Тургуза ӧйдӧ ӧскӧ јерлердеҥ келген ӱренеечилердиҥ общежитиези ӧскӧ ӱредӱлик заведениениҥ туразында.

Бир канча јакылталар туризмниҥ бӧлӱги аайынча эдилген. Бу бӧлӱкти ӧскӱрери башкаруныҥ председатели Алтай Республикада ӧткӱрген ишмекчи јуунда тӧс сурактардыҥ бирӱзи болгон.

Ростуризм, Минэкономӧзӱм, Минфин ле Роспотребшиҥжӱ айылчыларды јаттыргызар туралардыҥ ижин аайлаштырары јанынаҥ шӱӱлтелерди јаан изӱ айдыҥ 1-кы кӱнине јетпей јадып белетеп салар учурлу. Онызы таҥынаҥ туралар тударыныҥ јерлериндеги андый тураларды ачыгынча тузаланар арга берер. Ростуризмниҥ башкараачызы Зарина Догузованыҥ айтканыла, ведомство айылчыларды јаттыргызар туралар ачыгынча иштеери учун.

«Бу баштаҥкайды Россия Федерацияныҥ субъекттериниҥ кӧбизи, анайда ок туризмниҥ рыногыныҥ туружаачылары ла профильный јондык организациялар јӧмӧйт. Андый тураларды ачыгынча иштедип баштаза, онызы туристтерге јеткилдештердиҥ чыҥдыйын бийиктедерин, јеткилдештер јеткерлӱ эмес болорын јеткилдеер. Анайда ок бизнеске государственный јӧмӧлтӧ алар арга тӧзӧлӧ берер аргалу. Ростуризм келиштирте шӱӱлтелерди белетеп салган, олорды профильный ведомстволордо јӧптӧгӧн  кийнинеҥ, РФ-тыҥ башкарузына аткарылар» — деп, туризм аайынча федерал агентствоныҥ башкараачызы айткан.

Ростуризмге ле Минфинге туроператорлор чартерный программалар аайынча чыгымдарыныҥ кезигин орныктырарын пландаар тӧс туристический ууламјыларды кандык айдыҥ 5-чи кӱнине јетпей јадып чокымдазын деген јакылта берилген. Мындый ууламјылу иш бӱтсе, ороонныҥ албаты-јонына эдилип турган турист јеткилдештердиҥ баазын јабызадар арга болор.

Турбизнестиҥ чыгартулу улузыла туштажуныҥ уч-турулталары аайынча Минэкономӧзӱмге, Минфинге ле Ростуризмге Алтайда ӱч чолмонду коночылыктар тудар кӱӱндӱ кичӱ ле орто компанияларга јеҥилтилген кредитование аайынча шӱӱлтелерди кандык айдыҥ 30-чы кӱнине јетпей јадып белетеп салзын деп јакылта берилген. Кредитованиениҥ ӧйи 10 јылдаҥ ашпас учурлу. Бу иш-керекти Алтай Республиканыҥ ӧзӱминиҥ таҥынаҥ программазыныҥ кеминде бӱдӱрери пландалат.

Ростуризмге, Россияныҥ Минтрансына, МИД-ине, Минэкономӧзӱмине, ФСБ-зына Россия Федерацияныҥ бӱдӱреечи јаҥыныҥ федерал органдарыла, Алтай Республиканыҥ башкарузыла кожо  российско-казахстан госграницаныҥ режими керегинде суракты Казахстанла кожо аайлаштырзын, госграницаны кечери јанынаҥ аҥылу тап-эриктик статус аайынча шӱӱлтелер белетезин деп јакылта эдилген. Бу сурак чечилзе, онызы Ӱч-Сӱмердиҥ јанында турист зонаныҥ ӧзӱмине камаанын јетирер. Бу суракла Алтай Республиканыҥ турбизнезиниҥ чыгартулу улузы премьер-министрге  јуун ӧйинде баштанган болгон.

Сотовый колбуныҥ аргаларын элбеткени туризмниҥ бӧлӱгиниҥ ӧзӱмине база камаанын јетирер. Тургуза ӧйдӧ тергеениҥ 50 кире јурты сотовый колбула јеткилделбеген. Премьер-министр РФ-тыҥ Минцифразына ла Минэнергозына тергеениҥ туробъекттериниҥ ле турмаршруттарыныҥ јеринде связь-колбуныҥ јаҥыс ла мобильный јеткилдежин эмес, је анайда ок Интернетти тузаланарын јеткилдегедий базовый станцияларды туткадый аргаларды кандык  айдыҥ 30-чы кӱнине јетпей јадып кӧрзин деп јакылта берген.

Горно-Алтайсктыҥ аэропорты коомой до ай-кӱнниҥ айалгазында, ол тоодо јут-јулакай ла туман да тушта, иштеер аргалу болорын јеткилдеерге, оны аҥылу техникала јеткилдеери јанынаҥ суракты кандык айдыҥ 5-чи кӱнине јетпей јадып белетеп салзын деп јакылта эдилген.

РФ-тыҥ башкарузыныҥ председатели Сибирьдеги федерал округла ишмекчи јол-јорыкла јӱрерде, Алтай Республика ол келип јӱрген экинчи тергее болгон. Премьер-министр тергеениҥ башчызы Олег Хорохординле кожо субъекттиҥ јонјӱрӱм-экономикалык ӧзӱмиле колбулу сурактарды шӱӱшкен, тудулып јаткан «Амза» деген агропромышленный паркты ла «Нарине» компанияныҥ ижи-тожын кӧргӧн, Республикан классический лицейде болгон. Анайда ок турбизнестиҥ чыгартулу улузыла кожо Алтай Республикада ла Алтай крайда бу бӧлӱкти ӧскӱрериниҥ сурактары аайынча јуун ӧткӱрген.

Алтай Республика ороонныҥ јонјӱрӱм-экономикалык айалгазы уур-кӱч он тергеезиниҥ тоозына кирет. Олорго јонјӱрӱм-экономикалык ӧзӱмниҥ аҥылу программалары белетелген, олорды јӱрӱмде бӱдӱрерине јылдыҥ ла ӱзеери акча-манат чыгарылат. Программага кийдирилген иш-керектер албаты-јонныҥ јадын-јӱрӱминиҥ кемин бийиктедерине, инфраструктурный кирелендириштерди јоголторына, тууразынаҥ инвестицияларды тартып аларына ла тергеелердиҥ экономикалык аргаларын ачарына  ууландырылган.

Ишмекчи јол-јорык ӧйинде Михаил Мишустин анайда ок Алтай крайда, Тывада, Новосибирский ле Кемеровский областьтарда болгон.

Алтай Республиканыҥ башкарузыныҥ пресс-службазы

 

ТОП

«Алтайдыҥ Чолмоны» мениҥ салымымда»

Быјыл кӱчӱрген айдыҥ 15-чи кӱнинде бистиҥ газет тӧзӧлгӧнинеҥ ала 100 јылдыгын темдектеер. Оныла колбой, редколлегия 2022 јылдыҥ чаган айыныҥ 11-чи кӱнинеҥ ала кӱчӱрген айдыҥ 7-чи кӱнине јетире журналисттер ле кычыраачылар ортодо «Алтайдыҥ Чолмоны» мениҥ салымымда» деген литературалык конкурс јарлап јат. Биске тӧрӧл газетле колбулу болгон солун учуралдар, туштажулар ла јол-јорыктар керегинде бичигер! Слердиҥ јӱрӱмигерге ле

«Јиит улусты јӧмӧӧргӧ кичеенедис…»

Бистиҥ бӱгӱнги айылчыбыс Г.И. Чорос-Гуркинниҥ адыла адалган јондык сыйдыҥ коммерциялык эмес «Оностогы кӱрее» кӧмзӧзиниҥ башкараачызы, чӱмдӱ бичик кепке базар «Алтын Туу» байзыҥ-јурттыҥ директоры Татьяна ТУДЕНЕВА. – «Алтайдыҥ Чолмоны» газеттиҥ кычыраачыларын кирген Јаҥы 2022 јылла уткуп, бу јыл албаты-јоныска амыр-энчӱ, једимдӱ јыл болзын деп кӱӱнзейдим. Эртен алтай калыктыҥ атту-чуулу јурукчызы, јондык ла политикалык ишчизи Григорий Иванович

«Улучшать облик сибирских городов, повышать удобство жизни в них…»

Глава Республики Алтай Олег Хорохордин принял участие в совещании, посвященном итогам 2021 года и задачам на 2022 год по реализации инициатив главы государства в субъектах Федерации. Заседание Совета провел полномочный представитель Президента Российской Федерации в Сибирском федеральном округе Анатолий Серышев. Полпред отметил, что президент России в Послании Федеральному Собранию 21 апреля текущего года поставил задачи