Республика телекейдиҥ ӱч катап чемпионын уткуды

22.03.2021

Алтай Республиканыҥ гран-кыйузында јииттер ортодо биатлон аайынча телекейдиҥ ӱч катап чемпионы, эл университеттиҥ ӱренеечизи Денис Иродовты республиканыҥ башкарузыныҥ, Эл Курултайдыҥ, каланыҥ мэриязыныҥ, эл университеттиҥ чыгартулу улузы, спортчылар ла тӧрӧӧн-туугандары уткудылар.

Јерлежис Денис Иродов Австрияныҥ Обертиллиахе деген јеринде юниорлор ортодо биатлон аайынча ӧткӧн телекейлик чемпионатта озо баштап 12,5 километрге таҥынаҥ маргаандарда баштапкы јерди ойноп алган. Телекейлик чемпионат тулаан айдыҥ 6-чы кӱнине јетире ӧткӧн. Денис оныҥ кийнинде 7,5 километр спринтти ле 10 километрге ӧткӧн маргаандарды ойноп алган. Оныҥ телекейлик чемпионатта бойыныҥ јажында таҥынаҥ ончо маргаандарда јеҥӱчил болуп чыкканы — спорттыҥ тӱӱкизинде эҥ баштапкы учурал. Оноҥ башка эстафета ӧйинде јуунты команда аайынча партнерлор эки штрафной круг «иштеп» аларда, ол Россияныҥ командазына тӧртинчи јерге чыгарга болушкан.

Тергеелик спорткомитеттиҥ председатели Олег Гуринниҥ айтканыла, Иродовтыҥ једимдери — республиканыҥ спортчы јӱрӱминде сӱрекей јаркынду ла учурлу керек. Чындап, Денис баштапкы катап 2020 јылда калыктар ортодо кеминде јииттердиҥ Лозаннада ӧткӧн Олимпиадазында јеҥӱлӱ туружып, спринтте ле колыш эстафетада эки катап мӧҥӱн призер болуп чыккан.

Тургуза ӧйдӧ ол биатлон аайынча Россияныҥ спортыныҥ узы, чаналу маргыжары аайынча спорттыҥ узына кандидат, спорттыҥ бу бӱдӱмдериле Сибирьдеги федерал округтыҥ маргаандарыныҥ јеҥӱчили ле призеры, биатлон аайынча бастырароссиялык маргаандардыҥ јеҥӱчили ле призеры, Анна Богалийдиҥ — Skimir этаптарыныҥ канча катап јеҥӱчили, 2016-2017 јылдарда Анна Богалийдиҥ Кубогыныҥ јолду ээзи, Россияныҥ биатлон аайынча маргаандарыныҥ канча катап призеры болгон.

Денис Горно-Алтайскта чыккан-ӧскӧн. Спорттогы јаан јолын 2010 јылда Горно-Алтайск каланыҥ ДЮСШ-зында баштаган ла адазында тазыктырынган. Адазы Вадим Иродов Горно-Алтайсктыҥ ДЮСШ-зында тазыктыраачы-ӱредӱчи болуп иштейт. Денис спортло, чанала маргаандарда, оныҥ кийнинде биатлонло эрчимдӱ тазыктырынат. Чемпион јерлежис керегинде элбеде бичимел газедистиҥ келер номеринде јарлалар.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина