Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Балдардыҥ јаҥы сады ачылды

05.04.2021

Элбеп, јаранып јаткан Кан-Оозы јуртта кандык айдыҥ 1-кы кӱнинде јаан сӱӱнчи болды. Мында балдардыҥ јаҥы садыныҥ туразы ачылды.

«Светлячок» деп адалган бу садты ачып тура, Алтай Республиканыҥ башчызы Олег Хорохордин аймактыҥ тӧс јуртыныҥ эл-јонын јылу уткуп, тергееде  «Демография» эл ӱлекер кеминде 2360 јерлӱ 21 садик тудуларын јетирди. 2019 јылда тудум иштери башталып калган бу тураны тузаланышка 2020 јылда табыштырарга пландаган болгон. Је пандемиядаҥ улам оныҥ ӧйин узадарга келишкен. Мында 125 бала јӱрер јер бар, ол тоодо 60 јер — ясельный группаныҥ болчомдорына. Тудум иштерге тергеениҥ бюджединеҥ 127 млн салковой акча чыгарылган, иштерди јербойыныҥ подрядчиги «КанСтрой» ООО бӱдӱрген. «Бу садикти тузаланышка табыштырарган кийнинде аймактыҥ тӧс јуртында ончо балдар садикке јӱрер аргала јеткилделер» — деп, башчы кошты.

Кан-Оозы аймактыҥ јааны Рустам Кокушев јерлештерине уткуулду сӧзинде јаҥы садикте балдар ӧйдиҥ калганчы некелтелериле јепселген айалгаларда чыҥдый таскамал, ӱзеери ӱредӱ аларына алаҥзыбай турганын айтты.

Алтай Республиканыҥ Эл Курултайыныҥ адынаҥ јуртта јаткандарды тергеениҥ парламентиниҥ Кан-Оозы аймактаҥ депутады Ай-Сулу Ябыева уткуп, ондо јаантайын толо балдар болзын деп кӱӱнзеди.

Ачылтаныҥ байрамын аймактыҥ јарлу «Эрјине» ӧмӧлигиниҥ јаражай кыстары алтай бијезиле, садиктиҥ болчомдоры ӱлгерлериле кееркетти.

Кӧдӱриҥилӱ керек ӧдӧр тушта  кайралдар табыштырылды. Моты-Оозыныҥ орто текшиӱредӱлӱ школыныҥ психолог-ӱредӱчизи Айсура Шагаева профессионал ижинде једимдери, чыдап јаткан ӱйени таскадарында ла ӱредеринде јаан камааны ла кӧп јылдарга ак-чек ижи учун Алтай Республиканыҥ Кӱндӱлӱ грамотазыла кайралдатты. АР-дыҥ башчызыныҥ, башкарузыныҥ председателиниҥ Быйанду самаралары Кан-Оозында балдардыҥ садыныҥ кийим јунар ишчилери Ирина Зыряновага ла Светлана Храмцовага табыштырылган. Онойдо ок садикке керектӱ не-немелер аларга 100 муҥ салковой акчаныҥ сертификады сыйлалды.

«Кан-Оозы аймак» МО-ныҥ Кӱндӱлӱ грамотазыла «КанСтрой» ООО-ныҥ производственно-технический бӧлӱгиниҥ јааны Арсен Марабян кайралдатты.

Окылу ачылтаныҥ кийнинде садиктиҥ ишчилери јуулгандарды јаҥы турага кычырып, таныштыру ӧткӱрди. Јарык, јаан турада ончо неме балдарды уткыырга белен. Мында балдар ойноор, уйуктаар, эди-канын тазыктырар кыптар, кийим-тудум јунар кып, эмчи ишчиниҥ,  логопедтиҥ, методикалык кыптар — ончозы ээжи-некелтелер аайынча эптӱ-јараш эдип јазалган.

Мындый јакшынак турада иштеер таскадаачылардыҥ бирӱзи Надежда Санашева. Ол эҥ оогош болчомдордыҥ ясельный дейтен группазын башкарар. Балдарла иштеер билгирлерге ол калада педколледжте ӱренген. «Ада-энелер биске эҥ баалу ырызын, оогош балдарын экелет. Олорды таскадары сӱрекей каруулу иш. Келер ӧйдӧ албатыныҥ кылык-чырайы бистиҥ ижистеҥ камаанду. Эмди мындый јакшы айалгада ончобыс оноҥ до јакшы иштеерис, албаданарыс деп алаҥзыбайдым» — деп, ол айткан.

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина