Черӱге алары башталган

05.04.2021

Россия Федерацияныҥ 18 јаштаҥ ала 27 јашка јетире јиит улузын быјыл јаскыда черӱге алары керегинде јакару чыгып калган.

Текшилей алза, быјыл ороон ичинде 122 муҥ кижи черӱчил молјузын бӱдӱрерине аткарылар. Тергеелер сайын канча кире улустаҥ аткарылары аайынча план тургузылат. Бистиҥ республикада черӱчил комиссариаттар каруулу бу ишке озолондыра белетенип алган. 2020 јылда чылап ок, јииттерди черӱге алар тушта коронавирусла колбулу кирелендириштерди бӱдӱрери тӧс ајаруда болор. Бастыра военкоматтар бу каруулу ишке керектӱ медициналык не-немелерле јеткилделген, военкоматтардыҥ призывниктерле иштейтен ишчилери коронавирустаҥ прививкалу болор учурлу.

Быјыл јаскыда јииттерди черӱге алары аайынча иш кандык айдыҥ 1-кы кӱнинеҥ ала јаан изӱ айдыҥ 15-чи кӱнине јетире ӧдӧр. «Черӱчил молјулар ла черӱчил служба керегинде» федерал јасакла болзо, јииттер черӱчил службаларын черӱниҥ кандый ла бӧлӱгинде ӧдӧр. Анайда ок бир кезик бӧлӱк улуска альтернативный служба ӧдӧр арга база берилет.

Јииттерди черӱге аларында бир канча кубулталар эдилген, ол тоодо школдордыҥ ӱредӱчилерине, јурт јерлерде јадып ла иштеп тургандарга, Јака Тӱндӱктиҥ улузына. Бу јанынаҥ јартамалдарды военкоматтардаҥ толо кеминде алар арга бар.

Бистиҥ республика алдынаҥ ла бери јииттерди черӱге аткарарыныҥ планын једимдӱ бӱдӱрип, јииттери черӱде службазын јакшы ӧдӱп турган тергеелердиҥ тоозында јолду адалат. Јерлештеристиҥ кезиги черӱчилдер ортодо ороон ло телекей кеминде ӧдӱп турган јаан кӧрӱ-маргаандарда јеҥӱчилдер болуп чыкканын темдектеер керек. Јерлештерис Туулу Алтайдыҥ ла бӱткӱл ороонныҥ адын бийик кӧдӱрип турган бу јакшынак јаҥжыгу мынаҥ да ары улалып барарына иженедис.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина