«УКСАҤ МЕНИ» улалып јат

12.04.2021

Јииттерге сӱӱнчилӱ ӧй келди—кожоҥчылардыҥ конкурсы угузулар јууп баштап салды.

Кожоҥдоорыныҥ «Уксаҥ мени» деген кӧрӱ-маргааны 2019 јылдыҥ кандык айында јаркынду башталган эди. Оныҥ баштапкы бӧлӱги онлайн аайыла Instagram сетьте ӧткӧн. Ондо турушкан 150-неҥ кӧп јииттердеҥ тӧзӧӧчилер 36-зын талдап, јарымфиналга кычырган. Јарымфиналда 13 финалист јарталган.

Конкурстыҥ финалы концерт-кӧргӱзӱ кеминде ӧткӧн. Ондо кожоҥчылар ӱлекердиҥ командазыла кожо белетеген јаркынду номерлерин кӧргӱскен. Ол баштапкы кӧрӱ-маргаанда јеҥӱни Дарья Маришина алган.

«Солун ӱлекердиҥ тӧс амадузы — тергеебистиҥ јииттерин эрчимдӱ јӱрӱмге, кыймыгуга јӧмӧштирери болгон — деп, оныҥ тӧзӧӧчилериниҥ бирӱзи Шоҥкор Модоров айдат. — Ӱлекер јииттериске бойын кӧргӱзер, келер јаан јолын ачар арга берген. Ковидле колбулу айалга бистиҥ тӧс амадуларысты бускан да болзо, эмди ижисти арайдаҥ баштап, ончозы јакшы болор деп иженедис».

Ӧткӧн конкурстаҥ бисте јайалталу јииттер кӧп болгоны јарталган. «Уксаҥ мени» ӱлекердиҥ тӧзӧӧчилери оныҥ кӧп туружаачыларыла ӧмӧ-јӧмӧ ишти улалтып, клиптер соккон, кожоҥдор бичиген ле концерттер берген.

Туружар: Алтай Республиканыҥ јииттери (угынаҥ камааны јоктоҥ ло 14 јаштаҥ ала 35 јашка јетире), ол тоодо вузтарда ла сузтарда ӱредӱзи, ижи аайынча Россияныҥ ӧскӧ калаларында јадып турган јииттерис.

«Уксаҥ мени» ӱлекердиҥ быјылгы амадузы — оноҥ кӧп јииттерди кӧрӧри. Оныҥ учун кӧрӱ-маргаанда кӱӱнзеп туружыгар!

Конкурска угузулар кандык айдыҥ 19-чы кӱнине јетире алылар. Некелтелердиҥ бирӱзи — слерде Instagram сетьте бӱк болор керек. Элбеде некелтелерди ондогы бу сурула табарыгар https://www.instagram.com/uksan_meni/?igshid=1rb3ed4rg94go.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина