Ыраак Сахалинде бир биледий

26.04.2021

Сахалин деп алтайга иштеп барган бистиҥ улустыҥ кажызында ла бойыныҥ таҥынаҥ јолы.

Је ондый да болзо, тӧрӧл республиказыныҥ тӧзӧлгӧнинеҥ ала 30 јылдыгын кӧдӱриҥилӱ айалгада бойыныҥ јерлештериле ӧмӧ-јӧмӧ, эптӱ-јӧптӱ темдектеери кажыбыстыҥ ла амадубыс ла молјубыс деп айдарга јараар. Бир јерге јуулган кийнинде ундылбас туштажулар, кӱрее куучын, чӧлӧӧ ӧйдӧ амыраш ине.

Тоолу кӱндер кайра корейлердиҥ культуразыныҥ тӧс јеринде Алтай Республиканыҥ 30 јылдыгына учурлалган кӧдӱриҥилӱ ойын-концерт ӧтти. Тӧс јерде 175-теҥ ажыра кӧрӧӧчилер јуулган. Кӧрӧӧчилер, айылчылар Алтай Республиканыҥ Эл Курултайыныҥ председатели А. П. Кохоевтиҥ уткуулду телеграммазын ајарулу уктылар. Кӧдӱриҥини эрчимдӱ белетеп ӧткӱргендердиҥ бирӱзи О. П. Баина ыраак ла јуук јерлердеҥ келген уткуулдарды кычырып, келген солун айылчыларла таныштырды. Россияныҥ Журналисттер биригӱзиниҥ турчызы О. П. Бабандыева јерлештерин јакшынак байрамла уткуды. Ол онойдо ок алтай калыктыҥ чындык уулы Г. И. Чорос-Гуркинниҥ келер ӱйелерге калык-јон бирлик болуп ла јер-Алтайын чеберлеп, корулап јӱрзин деп кереес эдип айткан сӧстӧрин эзетти.

Кӧдӱриҥиниҥ кӱндӱлӱ айылчылары Корсаковсктогы тӱӱки-краеведческий музейдиҥ јааны А. Н. Бабушок, аргачы А. Е. Тысов, «Сахалинниҥ корейлери» талалык јондык общинаныҥ президенти Пак Сун Ок, «Катунь» магазинниҥ директоры С. Лиходиенко ла о. ӧ. болды.

Байрам бойыныҥ аайыла «Чаҥкыр одычакка» бодолду ӧткӧн. Байрамдык столдор сӱрекей јараш кееркедилген.

Солун ойын-концертти корей барабанщиктердиҥ «Ханыль» деген ӧмӧлиги ачкан, бурят кожоҥдорын Н. Жамьянова сыйлады. Јерлештери бойлорыныҥ јайаан јайалталу кожоҥчыларын — Э. Согоноковты, К. Родинаны, В. Чулунованы, А. Суразованы, С. Конгуновты, Э. Кеденованы изӱ колчабыжуларыла уткудылар.

Кӧдӱриҥини белетеп ӧткӱргендер ижине сӱрекей каруулу ла некелтелӱ болгонын темдектеер керек. Темдектезе, кӧрӧӧчилерге, туружаачыларга эптӱ фотозона да болды. Кӧрӱде јурукчылар А. Иванованыҥ, С. Топоевтиҥ јуруктары тургузылганы база солун ла јилбилӱ болгон.

Байрамныҥ ортозында, амыраар ӧйдӧ, киретен билеттер аайынча ӧткӧн ойында ырысту ла колы јеҥил кӧрӧӧчилерге сыйларды спонсорлор сойоҥ сӧӧктӱ А. Тысов ло С. Лиходиенко табыштырдылар. Сахалинниҥ бойында аргачы А. Тысов («Дары Алтая») качан да бойыныҥ јерлештерин ундыбайт, кандый ла керекте ол акча-манатла да, сыйларла да болужат.

Баштаҥкайлу бир бӧлӱк јиит јерлештерис А. Улачина (кӧдӱриҥиниҥ режиссеры), О. П. Баина, Э. Бабаков, А. Айташева, Н. Тукешева, Э. Шагаева, А. Неметова, С. Матыев бирлик кӱӱн-тапла, ийделе јап-јакшынак байрамысты бийик кеминде ӧткӱрдилер. Кӧрӧӧчилер олорго байрамдык ойын-концерт, најы-нӧкӧрлӧриле јылу туштажулар учун быйанду арттылар.

О. БАБАНДЫЕВА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина