Улустыҥ јӱрӱмин аргадаачылар

29.04.2021

Алтай Республиканыҥ башчызы Олег Хорохордин кандык айдыҥ 28-чи кӱнинде медицинада чочыдулу айалгаларды болдыртпазын јеткилдеп турган тӧс јердиҥ ишчилериле тушташкан. Ол олорды профессионал байрамыла — Тӱрген эмчилик болуш јетиреечилердиҥ кӱниле уткуган.

Бу байрам былтыр Россияныҥ президенти Владимир Путинниҥ баштаҥкайыла јӧптӧлгӧн. Јаҥы байрамныҥ тӱӱкизи дезе јаан ла байлык. Туку 1898 јылдыҥ кандык айыныҥ 28-чи кӱнинде Москвада баштапкы ла катап тӱрген эмчилик болуш јетирериниҥ эки станциязы ачылган. Россияда бу байрамды шак ла бу кӱнге учурлай тӧзӧгӧндӧр.

«Бу сӱрекей чындык јӧп, тӱрген эмчилик болуш јетирер службаныҥ ишчилери улустыҥ су-кадыгын корулаарында эҥ баштапкы јерлердиҥ бирӱзинде туруп јат, а былтыр дезе олор коронавирустыҥ инфекциязыла тартыжар каруулу керекте арткандарыла кожо теҥ-тай турушкандар» — деп, Олег Хорохордин темдектеген. Ол бу оору улустыҥ алдыртузына јӱрӱп турган врачтардыҥ, фельдшерлердиҥ, медсестралардыҥ, санитар кӧлӱктердиҥ тискинчилериниҥ, санитарный авиацияныҥ летчиктериниҥ, диспетчерлердиҥ байрамы деп айткан.

«Служба бирлик механизм чилеп иштезе, једим јаҥыс ол тушта келер. А слердиҥ бӱдӱрип турган ижигердиҥ турултазы ол — улустыҥ јӱрӱмин аргадаары. Улуска ӧйинде кандый эмчилик болуш јетирери слердеҥ кӧнӱ камаанду. Мен слердиҥ јана баспас ат-нерелӱ ле быйанду ижигерди бийик баалап, ончогорды байрамла уткуп турум. Кажыгарга ла су-кадык, бек арга-чыдал ла једимдӱ иш кӱӱнзейдим» — деп, башчы айткан.

Тӱрген эмчилик болуш јетирер станцияныҥ ишчилерин олордыҥ профессионал байрамыла анайда ок су-кадыкты корыыры аайынча министрдиҥ молјуларын удурумга бӱдӱрип турган Людмила Григоричева уткуган. Ол санитар бригадалардыҥ коронавирустыҥ пандемиязыла тартыжар керекте јана баспай туружып турганын аҥылап темдектеген.

Фельдшер Галина Симон бу ишке сакыбаган јанынаҥ келгени керегинде куучындаган. Иштиҥ баштапкы јарымјылдыгында сӱрекей кӱч болгон. Је оноҥ бу ишке темигип, кӧндӱге берген. «Бу экинчи јӱрӱмге бодолду. Мен бастыра алдыртуларды, бастыра улусты ла олордыҥ тӧрӧӧн-туугандарын јаантайын эске алынып јадырым» — деп, ол айткан.

Тӱрген медболуш јетирер консультативный бӧлӱктиҥ јааны, врач Эдгар Буликян мен тӱрген эмчилик болуш јетирер службада Барнаулда медуниверситетте ӱренген студент тужымнаҥ бери иштеп јадырым деп айткан. Студент ӧйдӧ акча иштеп аларга кӱӱнзеген амаду кийнинде оны бу службага ишке кирерге ууламјылаган. Бу врачтыҥ айтканыла, тӱрген медболуш јетирер станцияныҥ ишчизиниҥ билгирлеринеҥ, оныҥ оору улуска баштапкы болуш јетирген алтамынаҥ кижиниҥ бӱткӱл јӱрӱми камаанду. Оныҥ каруузы сӱрекей бийик. Медишчилер мында шак бу амадуны бӱдӱрерге иштеп јадылар.

Фельдшер Максим Скукин улус бери ишке акту бойлорыныҥ кӱӱн-санаазыла келип јадылар деп темдектеген. Бу службада элбек кӧрӱмдӱ профессионалдар иштеп јат. Олор кандый ла айалгаларда, кандый ла учуралдарда токуналу болор учурлу.

Бу туштажуда эҥ артык медишчилерге кайралдар табыштырылган. Су-кадыктыҥ бӧлӱгинде профессионал билгирлери, кӧп јылдарга ак-чек иштегени учун Алтай Республиканыҥ Кӱндӱлӱ грамоталарыла тӱрген медболуш јетирер станцияныҥ баш врачы Юрий Ревин ле фельдшер Галина Симон кайралдаткандар. Су-кадыктыҥ бӧлӱгинде ак-чек ижи учун Алтай Республиканыҥ башчызыныҥ, башкарузыныҥ председателиниҥ Быйанду самаралары тӱрген медболуш јетирер станцияныҥ фельдшерлери Евгений Гурьевке, Максим Скукинге, Адар Сылбаковко ло тӱрген медболуш јетирер кӧлӱктиҥ тискинчизи Валерий Табакаевке табыштырылган.

Алтай Республиканыҥ башкарузыныҥ пресс-службазы

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.