Јонјӱрӱмдик учурлу ууламјыларга ӱзеери акча чыгарылар

18.05.2021

Алтай Республиканыҥ башчызы Олег Хорохордин ээчий акча-манат јылга ла темдектелген ӧйгӧ бюджетный ӱлекерлер аайынча камыстыҥ јуунын ӧткӱрген.

Јуунда башкаруныҥ турчылары бюджетте кубулталар кийдиргедий бир кезек ууламјыларды шӱӱшкен. Адылу ууламјыларды ла озодоҥ эдетен чыгымдарды ајаруга алып, акча-манатты бӧлӱктер аайынча ӱлеери керегинде шӱӱлтелер айдылган,

Тергеениҥ башкараачызыныҥ темдектегениле, Алтай Республиканыҥ башкарузыныҥ келер јуунында ӧдӱп јаткан јылдыҥ бюджедине кубулталар кийдирери керегинде јасактыҥ ӱлекери кӧрӱлери темдектелет. Оныҥ кийнинеҥ ол документ Алтай Республиканыҥ Эл Курултайына јӧптӧзин деп аткарылар.

«Јаҥжыкканыла јаскыда бюджеттиҥ кӧргӱзӱлерин чокумдаары бюджетный јасакберимниҥ федерал ла республикан бюджеттеринде арткан акча бӧлӱгин аайлу-башту эдер иштерле колбулу. Бис јылдыҥ ла артып калып турган акчаларды астадары керегинде айдадыс. 2021 јылдыҥ чаган айыныҥ 1-кы кӱнине јетире олордыҥ кеми 1,1 миллиард салковой, эмезе мынаҥ озо јылдыҥ бу ок ӧйиниҥ кӧргӱзӱзинеҥ 21 процентке ас болгон» — деп, республиканыҥ башчызы айткан.

Олег Хорохординниҥ јартаганыла, бу учуралда бюджетте акча пандемиядаҥ, оныла колбой тӧзӧлгӧн кирелендириштердеҥ улам арткан. Арткан акчаныҥ кӧп сабазы адылу.

Тергеениҥ башчызы бюджетный ассигнованиелерди ӱлеер тушта озо ло баштап јонјӱрӱмдик учурлу ууламјылар аайынча ӱлекерлерди јӱрӱмде бӱдӱрерине акча-манатты кӧптӧдӧр керек деген шӱӱлте айткан.

Олег Хорохордин эҥ озо Россияныҥ президентиниҥ ороонныҥ ӧзӱминиҥ национальный амадулары аайынча тургускан сурактардыҥ аайына чыгар керек болгонын темдектеген. Оныҥ айтканыла, бюджетке эдилетен тӱзедӱлер аайынча 230 миллион салковой нацӱлекерлерди јӱрӱмде бӱдӱрерине ууламјылалар. Анайда ок Алтын-Кӧлдиҥ инфраструктуразын ӧскӱрери аайынча ӱлекерге республикан бюджеттеҥ 29 миллион салковой ууламјылаары темдектелет.

Алтай Республиканыҥ башкарузыныҥ председателиниҥ ордынчызы, акча-манат аайынча министр Ольга Завьялованыҥ чокумдаганыла, Кӧксуу-Оозы јуртта школды јетире тударына, «Ӧзӱмниҥ точказы» деп тӧс јерлер тӧзӧӧрине, Горно-Алтайскта культуралык ӧзӱмниҥ Тӧс јерин тударына, граждандарды аварийный туралардаҥ кӧчӱрерине акчалар чыгарылар.

Министрдиҥ айтканыла, республикан бюджеттиҥ акчалары анайда ок граждандарга акча тӧлӧбӧзинеҥ медициналык болуш јетирер госгарантиялардыҥ јербойындагы программалары аайынча молјуларды бӱдӱрерине, РФ-тыҥ президентиниҥ јарлыктарын бӱдӱрери аайынча ишјалды тӧлӧӧрине, А. В. Анохинниҥ адыла адалган эл музейдиҥ капитальный јазал иштерин тӱгезерине, алтай албатыныҥ бойыныҥ кӱӱниле российский государствого киргенинеҥ ала 265 јылдыгына учурлай ӧдӧтӧн керек-јарактарга, ол тоодо алтай албатыныҥ тергеелер ортодо Эл Ойын байрамын ӧткӱрерине ууламјылалар.

Олег Хорохордин тергееде ӱредӱлӱ јыл тӱгенип јатканын темдектеп, алдыста школдорды келер ӱредӱлӱ јылга белетеери аайынча иштер сакыганын айткан. Оныҥ темдектегениле, эҥ озо эдетен иштердиҥ бастыразына акча-манат чыгарылар учурлу.

«Муниципал тӧзӧлмӧлӧргӧ школдордо ло пищеблоктордо јазал иштер ӧткӱрерине 50 миллион салковой кеминде јӧмӧлтӧ јетирилер. Школдордо ло пищеблоктордо јазал иштер ӧткӱретени муниципалитеттердиҥ молјуларына кирет, је бис олорго ӱзеери болуш јетирерис» — деп, ол айткан.

АР-дыҥ ӱредӱ ле билим аайынча министри Ольга Саврасова бу акчадаҥ 15 миллион салковойы пищеблоктордыҥ материально-технический тӧзӧлгӧзин јаҥыртарына, 35 миллион салковойы школдордыҥ ла садиктердиҥ јазашту иштерине ууламјылалар деп чокумдаган. Оныҥ темдектегениле, тӧс ууламјылардыҥ база бирӱзи ол ӱредӱлӱ учреждениелерде ӧрт чыгарын болдыртпазы болуп јат. Оныҥ да учун бастыра ӱредӱлӱ учреждениелерде ӧрт чыгарын болдыртпазына керектӱ иштер ӧткӱрилген.

Тергеениҥ башчызы темдектеген сурактардыҥ бирӱзи ӧскӱс балдарды јадар јерле јеткилдеериниҥ сурагы болгон. Ӧдӱп јаткан јылда бу ууламјыга ӱзеери 70 миллион салковойдоҥ кӧп акча чыгарылар, а 2021 јылда ӧскӱс балдардыҥ јадар јерине бастыра 211 миллион салковой ууламјылалар.

«Быјыл бис 99 кып табыштырып јадыс. Оноҥ башка андый категориялу граждандарга јадар јердиҥ сертификаттарын берери керегинде јасактыҥ ӱлекери кӧрӱлери темдектелет. Келер эҥ јуук јылдарда депутаттарла, шиҥдеер органдарла кожо бу сурактыҥ аайына чыгар керек» — деп, Олег Хорохордин айткан.

Адакыда тергеениҥ башкараачызы јуунныҥ туружаачыларына кӧргӱзӱлерге јединерге иштерди темдектелген ӧйинде бӱдӱрер керек деген.

АР-дыҥ башкарузыныҥ пресс-службазы

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде