Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

«НОВАЯ ЗВЕЗДА»

21.05.2021

Кӧп учуралдарда јайалта укталып, оны јаш ӱйе бир канду јаандарынаҥ тӧзӧп алат. Оныҥ да учун санатта бир билениҥ канча уктары иштеп турганы јолду. 2021 јыл Тахтаевтердиҥ јайалталу билезине тӱжӱмдӱ ле эрчимдӱ болуп келижип јат. Быјыл кожоҥныҥ бастырароссиялык «Новая звезда» конкурсында Алтай Республиканыҥ адынаҥ Елена ТАХТАЕВА туружат. Ол бисле конкурс керегинде бойыныҥ санаа-шӱӱлтезиле ӱлешти:

—Алтай Республиканыҥ адынаҥ мындый јаан керек-јаракта туружып јатканымла сӱреен оморкойдым. Тергеебистиҥ адынаҥ турушсын деп мени конкурстыҥ тӧзӧӧчилери бойлоры кычырган деп темдектеер керек. Мынаҥ канча угузу аткарылганын билбезим. Је мындый ырысту учурал меге берилгенине сӱӱнип, каруулу туружып јадым.

«Новая звезда» ӱлекер бийик кеминде ӧдӱп јат. Туружаачылардыҥ Москвага јетире јолын, јадар јерин, ажаныжын тӧзӧӧчилер бойлоры тӧлӧп јат. Орооныста андый телеӱлекерлер бары сӱӱндирет. Бис кандый кожоҥ кожоҥдоорысты тӧзӧӧчилери бойы талдап јат. Кандый кожоҥ кожоҥдогонымды эм тургуза айдарга јарабас. Мен оны албаданып, бойыма, Алтай Республикага келиштире јазап эткенимди айдар аргам бар. Белетеништӱ иштерде меге А. Тадинов, Ш. Модоров, Д. Сатин, Э. Толкочеков болушкандар, чачымды јараштыра О. Бельбекова ӧрӱп берген, Ч. Саданчикованыҥ јарангыштарын кийгем. Нӧкӧрлӧримниҥ болужын слер эфирде кӧрӱп, угуп, сезип, танып ийеригер.

Оноҥ башка меге бу јол-јорукта болужын Госоркестр (Владимир Кончев), Шабалин аймактаҥ АР-дыҥ депутады Сергей Мазалов, Шабалинниҥ аймак Совединиҥ депутады Аржан Тодошев, Игорь Клепчин нӧкӧримниҥ энези Галина јетиргендер. Олорго ончозына алкыш-быйаным јетсин.

***

Пандемияла колбой конкурстыҥ ээжилеринде, ӧдӧр аайында солынталар бар. Эмди јеҥӱчилди телекӧрӧӧчилер база талдаар. Конкурстыҥ телеберилтеде кӧргӱзӱлери сегис бӧлӱкке бӧлӱлген (ол «Звезда» каналда чыгат). Олор кандык айдыҥ 17-чи кӱнинде башталып калды. Кажы ла кӧргӱзӱ аайынча ӱнбериштер ӧдӧр, оныҥ турулталарыла эҥ артыктары илелелер. Анайып јарталган эҥ артык 8 туружаачыга аҥылу сый ла акча-сый табыштырылар. Сый эдип олорго јарлу кожоҥчыла кожоҥдоор арга тӧзӧлӧр.

Јерлежис Елена Тахтаева кожоҥдогон эфир кӱӱк айдыҥ 29-чы кӱнинде 22 саат 30 минутта (бистиҥ ӧйлӧ) чыгар. Ол чыккан кийнинде, телекӧрӧӧчилер бир коноктыҥ туркунына (кӱӱк айдыҥ 30-чы кӱниниҥ 23 саат 59 минудына јетире (Москваныҥ ӧйиле) ӱндерин берер аргалу болор. Елена Тахтаева учун ӱнигерди берерге 5577 деген кыска номерге NZ 04 (таныктардыҥ ла цифралардыҥ ортозында ачык јер кыйалтазы јогынаҥ болор керек) деген СМС-јетирӱ аткарар керек. СМС-тыҥ баазы 20 салковой акча болор.

Слердиҥ сотовый оператор кыска номерге јетирӱ аткарарга чынын керелеген ӱзеери смс-јетирӱ сураар аргалу (ол акча тӧлӧбӧзинеҥ болор). СМС-тар учун јуулган акча-манат килемјиниҥ «Бир Јӱрӱмди солы» деген фонды болужып тургандарга барар. Текши јеҥӱни алган туружаачыга кеендикте ижине јӧмӧлтӧ эдип, акча-манатла јаан сый берилер.
Мындый ӱнбериштерде тергеебисте јаткандар бирлигин кӧргӱзип ийер деп иженер керек. Бистиҥ туружаачыла бир эфирде онойдо ок Башкирияныҥ, Калмыкияныҥ артисттери болор. Эл республикалар мындый учуралдарда бойыныҥ туружаачыларын јакшы јӧмӧп турганы јажыт эмес. Оныла колбой Елена (адазы бурят укту, энези алтай укту), Бурятияда тӧрӧӧн-туугандары, нӧкӧрлӧри, јерлештери ого база јӧмӧжӧр болгонын айтты.

Ачык-јарык, ак санаалу, јайалталу Еленала бис культураныҥ эмдиги айалгазы, курч сурактары, келер ӧйи керегинде узак куучындаштыбыс. Керсӱ ле буурзак, чындык артист бу эпшиниҥ тӧрӧлистиҥ культуразында, јииттерле, јашӧскӱримле иштееринде амадулары бийик ле јаан. Ол керегинде куучынды јарлаары келер ӧйдӧ болзын. Эмди дезе кӱӱк айдыҥ 29-чы кӱнин сакып, Елена учун «оорып», јерлежисти јӧмӧйли!

Э. КУДАЧИНА
Е. БУТУШЕВТИҤ фотојуруктары

ТОП

Конституция Российской Федерации

Принята всенародным голосованием 12 декабря 1993 года Конституция Российской Федерации с изменениями, одобренными в ходе общероссийского голосования 1 июля 2020 года

Олег Хорохордин. Алтай Республиканыҥ бажында — бир јыл

       Олег Хорохордин Алтай Республиканы туй ла бир јылдыҥ туркунына башкарып јат. Бу кыска ӧйгӧ тергееде ондор тоолу школдор, балдардыҥ садиктери, фельдшерско-акушерский пункттар, јолдор ло кӱрлер чыныкталып тудулган. Башчы келер ӧйгӧ оноҥ до кӧп иштер темдектеп алган.

«Эҥ баштапкы болуп Гуркин артар…»

«Jаҥы jурукчылар чыгар, оны (кеендик-санатты) европей кемине кӧдӱрер, jе бу jолдо эҥ баштапкы болуп Г. И. Гуркин артар…»—деп, 1907 jылда Григорий Ивановичтиҥ Томск калада ӧткӧн таҥынаҥ баштапкы кӧрӱзи керегинде  Петербургтыҥ критиги М. Далькевич бичиген. Оноҥ бери  чактаҥ ажыра ӧй ӧтти.