Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Тӧргиде — агаш ээлемниҥ сурактары

24.05.2021

Кӱӱк айдыҥ 19-чы кӱнинде АР-дыҥ парламентиниҥ Тӧргизиниҥ јууны ӧткӧн. Ондо Тӧргиниҥ турчылары болгон депутаттар, АР-дыҥ башкарузыныҥ председателиниҥ ордынчызы, АР-дыҥ башчызыныҥ ла башкарузыныҥ Бирлик аппарадыныҥ јааны Михаил Маргачев, АР-дыҥ башкарузыныҥ председателиниҥ ордынчызы, акча-манат аайынча министр Ольга Завьялова, ар-бӱткенниҥ байлыктар, экология ла туризм аайынча министр Екатерина Поварова ла ӧскӧ дӧ окылу улус турушкан. Јуунда агашту јерлерди орныктырарыныҥ ла агаш ӧскӱрериниҥ сурактары кӧрӱлген.

Тӧргиниҥ  турчылары  Россия  Федерацияныҥ президенти В. В. Путинниҥ 2021 јылда Федерал Јуунга эткен Баштанузындагы тӧс тӱп-шӱӱлтелерди јӱрӱмде бӱдӱрери аайынча Эл Курултайдыҥ планын јӧптӧгӧн. АР-дыҥ парламентиниҥ председателиниҥ ордынчызы, парламенттиҥ ижин тӧзӧӧри аайынча камыстыҥ јааны Герман Чепкинниҥ јуунда јетиргениле, Эл Курултайдыҥ профильный комитеттериниҥ шӱӱлтелериле, планга 36 иш-керектер кирген.

Депутаттар «Алтай Республиканыҥ 2020 јылга ла планду 2021-2022 јылдарга республикан бюджеди керегинде» тергеелик јасак аайынча АР-дыҥ парламентиниҥ 2019 јылдыҥ јаҥар айыныҥ јӧби јӱрӱмде канайда бӱткенин шӱӱшкен. Бу сурак аайынча јетирӱни јуунда Ольга Завьялова эткен. Эл Курултайдыҥ экономикалык, акча-манат ла калан политика аайынча комитединиҥ јааны Радмила Пекпеева коштой эткен јетирӱзинде 2020 јылда бюджет керегинде јасакла колбулу сурактар комитеттердиҥ, парламенттиҥ Тӧргизиниҥ ле ишмекчи группалардыҥ јуундарында ла башкаруныҥ частарында кӧрӱлгенин айткан. Бу суракты шӱӱжеринде депутаттар Аскар Тулебаев, Артур Кохоев, Радмила Пекпеева турушкан.

Тӧрги «Алтай Республиканыҥ 2020 јылга ла планду 2021-2022 јылдарга республикан бюджеди керегинде» јасак аайынча Эл Курултайдыҥ шиҥжӱзин токтодор шӱӱлтени кӧп саба ӱндерле јараткан.  Парламенттиҥ јӧбиндеги бӱтпеген эки сурак профильный комитеттерде шӱӱжилерине темдектелген.

Јуунда Алтай Республиканыҥ јеринде агаш ӧскӧн јерлерди орныктырарыныҥ ла ӧскӱрериниҥ сурактары шӱӱжилген. Екатерина Поварова агаш питомниктердиҥ айалгазы, олордыҥ ӧзӱми ле бу иште турган сурактар керегинде јетирген. Агаш ээлемдердиҥ јаҥдарыныҥ ижинде агашту јерлерди орныктырары эҥ јаан учурлу ууламјылардыҥ бирӱзи болгонын министр темдектеп, отургызатан чаалдарды ӧскӱрериниҥ ле садып аларыныҥ сурактарына ајару эткен. Анайда ок республикада мӧш агаштыҥ бийик чыҥдыйлу чаалдарын ӧскӱрер генетико-селекционный јердиҥ ижине аҥылу ајару эдилген.

Адалган суракты шӱӱжеринде Рустам Байдалаков, Аскар Тулебаев, Александр Груздев, Виктор Ромашкин, Сергей Ложкин, Владислав Рябченко, Михаил Терехов, Артур Кохоев турушкан. Депутаттар куучындарында агашты орныктырарыныҥ ла ӧскӱрериниҥ кӧргӱзӱлери јылдаҥ јылга јабызаганын темдектеп, агаш ээлемниҥ сурактарыла иштеген министерство муниципал тӧзӧлмӧлӧрдиҥ јеринде агаш ээлем бӧлӱкте ӧткӱретен чокым иштердиҥ  Јолдыҥ картазын тургузар сурактарды кӧдӱрген.

Ӧткӧн шӱӱжӱниҥ турулталарын эдип, Артур Кохоев бар ӧҥзӱре сурактарды темдектегенинеҥ иш јылбас, агаш ээлемде ишти ичкери јылдырарга  стратегияны белетеер керек деп айткан. «Агаш ээлем бистиҥ экономиканыҥ јаан учурлу бӧлӱги болуп јат ла ол кандый ууламјыла ӧзӱп барарын чокым оҥдоп турарга депутаттарга бу суракты профильный комитетте шӱӱжип, ээчий сессияга чыгарар керек» —  деп, ол темдектеген.

Тӧрги агаш ээлемниҥ сурактарын Эл Курултайдыҥ кӱски сессиязында шӱӱжип кӧрӧрин јӧптӧгӧн.

Јуунда Эл Курултайдыҥ јасакберим, шиҥжӱ ле тӧзӧмӧл иштериниҥ 2021 јылдыҥ экинчи јарымына планыныҥ ӱлекери шӱӱжилип јӧптӧлгӧн. Анайда ок Эл Курултайдыҥ парламенттер ортодогы колбулар аайынча камызын тӧзӧӧри, оныҥ иштеер ээжилери ле камыстыҥ турчылары керегинде, Эл Курултайдыҥ Кӱндӱлӱ грамоталарыла кайралдаары керегинде сурактар кӧрӱлген.

Парламенттиҥ ээчий сессиязын кичӱ изӱ айдыҥ 16-чы кӱнинде ӧткӱрери темдектелген.

(АР-дыҥ Эл Курултайыныҥ пресс-службазыныҥ јетиргениле)

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина