Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Тергеениҥ башчызы кадеттерди уткуган

24.05.2021

Алтай Республиканыҥ башчызы Олег Хорохордин кӱӱк айдыҥ 22-чи кӱнинде Горно-Алтайскта 4-чи таҥмалу школдыҥ кадетский батальоныныҥ кӧдӱриҥизинде турушкан.

Бу керек-јарак ӱредӱлӱ јыл тӱгенгенине ле школ кадеттерди јӱрӱмниҥ јаан јолына 16-чы катап чыгарганына учурлалган. Быјыл кадет классты 24 бала ӱренип божоткон.

«Бӱгӱн слерге ундылбас, кӧдӱриҥилӱ кӱн — мааныла, школло айрылышкан, јӱрӱмниҥ јаҥы, каруулу ла јилбилӱ ӧйи башталып јаткан кӱн»— деп, тергеениҥ башкараачызы айткан.

Каланыҥ 4-чи таҥмалу школы 20-зинчи јыл улай кадеттерди — бойыныҥ јӱрӱмин Тӧрӧлин корыырыла колбогон улусты таскадып јат деп, Олег Хорохордин ајарган. Школ бийик билгирлер, јуучыл-спортчы јакшы тазыктыру берип јат.

«Је эҥ ле учурлузы, ӱренчиктер турумкай, каруулу, сӧзине турар болорына, уур-кӱчтерди јеҥип билерине, најылыкка ла молјузына чындык болорына ӱренет» — деп, башчы айткан.

Школды божоткондордыҥ јарымызынаҥ кӧби ийде-кӱчтердиҥ тӧзӧмӧлдӧриниҥ бийик ӱредӱлӱ заведениелерине ӱренерге кирип, кӧбизи профессионал черӱчилдер болуп турганын республиканыҥ башкараачызы темдектеген.

«Је јӱрӱмде слер кандый да јолды талдап алзагар, бийик билгирлерлӱ специалисттер ле тоомјылу улус болорыгарга, Тӧрӧлистиҥ тузазына иштееригерге ле јӱреригерге, Алтай Республика дезе слерле оморкоорына мен алаҥзыбай јадым» — деп, Олег Хорохордин айткан.

Тергеениҥ башчызы кадеттерге бек су-кадык, бастыра эткен керектеринде једимдер ле амадузына једерин кӱӱнзеген.

Кӧдӱриҥиде Алтай Республиканыҥ башчызыныҥ Быйанду самараларыла 11 К класттыҥ таскадаачызы Евгений Клепиков, 11 К класстыҥ ӱренчиктери Илья Ощепков ло Яков Коптелов кайралдаткан.

Уткуулду сӧстӧрин кадеттерге анайда ок Алтай Республиканыҥ парламентиниҥ председатели Артур Кохоев, Горно-Алтайсктыҥ мэри Юрий Нечаев, школдыҥ директоры Галина Красикова айткандар.

Кӧдӱриҥи кадет батальонныҥ маанызыла айрылыжып јакшылашканыла, кадеттердиҥ кӧдӱриҥилӱ марш-базыдыла тӱгенген.

Алтай Республикада школдо ӱредӱни тӱгескен 1,5 муҥ кире ӱренчиктерге кӱӱк айдыҥ 24-чи кӱнинде калганчы кӱзӱҥи шыҥыраган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина