Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Јолды јазаары аҥылу шиҥжӱде тудулат

27.05.2021

Алтай Республиканыҥ башчызы Олег Хорохордин Горно-Алтайсктаҥ Алтын-Кӧл јаар јолдыҥ Кызыл-Ӧзӧк-Карасук деген бӧлӱгин јазаар иш канайда ӧдӱп турганын шиҥдеп кӧргӧн.

Јазашту иш ӧдӱп турган јерде болгон јуунда «Алтай» Упрдордыҥ јааны Ярослав Долинский, АР-дыҥ тергеелик ӧзӱм аайынча министри Константин Зорий турушкан.

Артыбашка јетире јол былтыр федерал кеминде башкартуга берилген, оны јазаарына акча федерал бюджеттеҥ чыгарылган.

«Бу јол јербойыныҥ эл-јонына јаан учурлу. Ол јолды јакалай јурттар, садтар, балдардыҥ амыраар лагери туруп јат. Оныҥ да учун јолдо јеткер болбозын јеткилдеерине јаан ајару эдилер. Туулу Алтайдыҥ јаражыла эҥ јарлу јерлериниҥ бирӱзин — Алтын-Кӧлди кӧрӧргӧ, бу јолло кажы ла јыл ондор муҥдар тоолу туристтер јорыктайт. Озолондыра темдектелгениле, јазалган ла јаҥыртылган узуны 24 километр јолды кӱскиде тузаланарына табыштырар керек» — деп, тергеениҥ башкараачызы айткан.

Ярослав Долинский јазашту иштер канайда ӧдӱп турганы керегинде куучындаган. Быјыл Кызыл-Ӧзӧктӧҥ Карасук јуртка јетире јол (узуны 14 км) ло Карасуктыҥ боочызынаҥ ала Паспаул јуртка јетире јол (10 км ) јазалар. Бу јол беш јылдыҥ туркунына бӱткӱлинче јазалып калар. Оныҥ айтканыла, јазашту иштер ӧткӱрилген соҥында јойу улуска јолды јакалай тротуарлар болор, электројарыткыштар, чеден-барьерлер тургузылар, автобустардыҥ токтодулары јазалар.

Јол чыҥдый болзын деп, соок регенерацияныҥ технологиязы тузаланылат, андый эп-аргала јазалган јол ас ла болзо 24 јылдыҥ туркунына алдырышпас — јаҥыс ла кажы ла беш јылдыҥ бажында јолдыҥ ӱсти јанында коруул јабынтызын јаҥыртып турар керек.

Јазашту иштер ӧдӱп турган јерлерди шиҥдей кӧрӱп, Олег Хорохордин јол јазаачылар јурттардыҥ ады эки тилле — орус ла алтай тилдерле бичилер учурлузына ајару этсин деп айткан. Бу сурак ајаруда болор деп, Ярослав Долинский бӱдӱмјилеген.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина